ມີເດຍລາວແຂວງບໍ່ແກ້ວ ພາບ-ຂ່າວ: ຄຳພັນ ແກ້ວມະນີ
ວັນທີ 18 ສິງຫານີ້ 2021 ຢູ່ທີ່ຫ້ອງປະຊຸມຫ້ອງວ່າການ ແຂວງ ບໍ່ແກ້ວ ໄດ້ຈັດກອງປະຊຸມເຊື່ອມຊຶມ ເອກະສານແຈ້ງຊັບສິນ ແລະ ລາຍຮັບຂອງພະນັກງານການນຳ ຮອບ III ໂດຍການເປັນປະທານຂອງທ່ານ ຈອມສີ ລັດຕະນະປັນ ຮອງເລຂາພັກແຂວງ ປະທານສະພາປະຊາຊົນແຂວງບໍ່ແກ້ວ, ມີບັນດາຄະນະປະຈຳພັກແຂວງ, ກຳມະການພັກແຂວງ, ຫົວໜ້າ, ຮອງຫົວໜ້າພະແນກການ, ສອງກຳລັງ ປກຊ ,ປກສ , ອົງການຈັດຕັ້ງມະກາຊົນ ເຂົ້າຮ່ວມ.

ເອກະສານທີ່ເຜີຍແຜ່ມີ ຄຳແນະນຳ ຂອງອົງການກວດກາລັດຖະບານ ເລື່ອງການແຈ້ງຊັບສິນ,ສະ ບັບເລກທີ 15/ອກລລົງວັນທີ 27 ມັງກອນ 2021. ດຳລັດ ວ່າດ້ວຍການແຈ້ງຊັບສິນ ຂອງລັດຖະບານ, ສະບັບເລກທີ 159/ລບ, ລົງວັນທີ 4 ມິຖຸນາ 2013 ບົດແນະນຳ ການຈັດຕັ້ງປະຕິ ບັດດໍາລັດ ວ່າດ້ວຍການແຈ້ງຊັບສິນຂອງອົງການກວດກາລັດຖະບານ, ສະບັບເລກທີ 46/ອກລ, ລົງວັນທີ 20 ກຸມພາ 2017, ບົດແນະນຳ ວ່າດ້ວຍລະບຽບການຄຸ້ມຄອງ ແລະ ນຳໃຊ້ສຳນວນເອກະສານແຈ້ງຊັບສິນ ຂອງອົງ ການກວດກາລັດຖະບານ, ສະບັບເລກທີ 307/ອກລ, ລົງວັນທີ 30 ກັນຍາ 2015. ຕາຕະລາງແນະນຳວິທີຂຽນແບບຟອມແຈ້ງຊັບສິນ ແລະ ລາຍຮັບ ຂອງພະນັກງານ-ລັດຖະກອນ. ກອງປະຊຸມ ຜູ້ເຂົ້າຮ່ວມໄດ້ແລກປ່ຽນຄໍາຄິດຄໍາເຫັນຕໍ່ບາງບັນຫາເນື້ອໃນຂອງການແຈ້ງຊັບສິນ ແລະ ລາຍຮັບ ທີ່ຍັງບໍ່ທັນເຂົ້າໃຈຈະ ແຈ້ງ ເພື່ອຮັບປະກັນໃຫ້ພະນັກງານລັດຖະກອນຮັບຮູ້, ເຂົ້າໃຈ, ມີຄວາມເປັນເອກະພາບ ແລະ ເປັນເຈົ້າການຈັດຕັ້ງປະຕິບັດດ້ວຍຄວາມຮັບຜິດຊອບສູງແນໃສ່ເຮັດໃຫ້ການແຈ້ງ, ການຮັບແຈ້ງຊັບສິນ ແລະ ລາຍຮັບໄດ້ດໍາເນີນໄປຢ່າງຖືກຕ້ອງ, ຈະແຈ້ງ ແລະ ມີຄວາມໂປ່ງໃສ.

ນີ້ກໍ່ເພື່ອເປັນການກຳນົດຫຼັກການ, ລະບຽບການ ແລະ ມາດຕະການ ກ່ຽວກັບການແຈ້ງຊັບສິນ ແລະ ລາຍຮັບ ຂອງພະນັກງານ-ລັດຖະກອນ, ທະຫານ, ຕຳຫຼວດ ທີ່ສັງກັດຢູ່ໃນກົງຈັກການຈັດຕັ້ງຂອງພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ລັດວິສາຫະກິດ, ລັດວິສາຫະກິດປະສົມ,ລັດຮຸ້ນສ່ວນເຄື່ອນໄຫວປະຕິບັດໜ້າທີ່ ຂອງຕົນດ້ວຍຄວາມຮັບຜິດຊອບສູງ, ມີປະສິດທິຜົນ ແລະ ມີຄວາມໂປ່ງໃສ ແນໃສ່ສະກັດກັ້ນ ແລະ ຕ້ານການສໍ້ລາດບັງຫຼວງ ໃນກົງຈັກການຈັດຕັ້ງຂອງພັກ-ລັດ ແລະໃນການຈັດຕັ້ງທີ່ກ່າວມານັ້ນ ເພື່ອປະກອບສ່ວນເຂົ້າໃນ ການສ້າງສາ, ພັດທະນາປະເທດຊາດໃຫ້ຈະເລີນຮຸ່ງເຮືອງ, ສີວິໄລ, ຍຸຕິ ທໍາເທື່ອລະກ້າວ.