ມີເຍລາວແຂວງໄຊສົມບູນ ນັກຂ່າວ: ອານຸສອນ ຈັນທະວີໄ
ວັນທີ 17ສີງຫາ2021 ນີ້ ຢູ່ ທີ່ສະໂມສອນກອງບັນຊາການ ປກສເມືອງ ລ້ອງແຈ້ງແຂວງໄຊສົມບູນ ໄດ້ເປີດກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນແຂວງຄຸ້ມຄອງ ໂດຍການເປັນປະທານຂອງທ່ານ ພອຍຄໍາ ຮຸ່ງບຸນຍວງ, ຮອງເລຂາພັກແຂວງ, ຜູ້ຊີ້ນໍາວຽກງານພັກ-ພະນັກງານ, ມີຄະນະຈັດຕັ້ງແຂວງໄຊສົມບູນ,ເລຂາພັກເມືອງ, ຮອງເລຂາພັກເມືອງ, ຄະນະປະຈໍາພັກເມືອງ, ກໍາມະການພັກເມືອງ ພ້ອມດ້ວຍເລຂາໜ່ວຍພັກຫ້ອງການ-ກົມກອງ, ທະຫານ, ຕໍາຫຼວດ ແລະ ຮາກຖານບ້ານ ຕະຫຼອດຮອດສະມາຊິກພັກທີ່ມີຕໍາແໜ່ງຫົວໜ່ວຍງານ ເຂົ້າຮ່ວມຢ່າງພ້ອມພຽງ.

ໃນໂອກາດທີ່ມີຄວາມໝາຍສຳຄັນນີ້ ທ່ານ ອຸດອນ ສີງດາລາ ກຳມະການພັກແຂວງເລຂາພັກເມືອງ, ເຈົ້າເມືອງໆ ລ້ອງແຈ້ງ ໄດ້ຂຶ້ນມີຄໍາເຫັນຊີ້ນໍາ ແລະ ຮຽກຮ້ອງມາຍັງບັນດາທ່ານ ທີ່ເຂົ້າຮ່ວມກອງປະຊຸມ ໃນຄັ້ງນີ້ ຈົ່ງເຊີດຊູ ຄວາມຮັບຜິດຊອບດ້ານການເມືອງຂອງຕົນເອງໃຫ້ສູງ ສຸມສະຕິປັນຍາ ເຂົ້າໃນການຕິດຕາມຄົ້ນຄວ້າ ໃຫ້ເລິກເຊິ່ງ ເພື່ອຄັດເລືອກເອົາບຸກຄະລາກອນ ໃຫ້ຖືກຕ້ອງ ແລະຄົບຕາມມາດຖານເງື່ອນໄຂທີ່ຂັ້ນເທີງກຳນົດ ສຳຄັນຕ້ອງຮັກສາໄດ້ຄວາມສາມັກຄີມີຄວາມເປັນເອກະພາບ ປາສະຈາກຄວາມອະຄະຕິ ແລະ ດຳເນີນໄປດ້ວຍຜົນສຳເລັດຢ່າງຈົບງາມ ພ້ອມທັງກ່າວເປີດກອງປະຊຸມ ຢ່າງເປັນທາງການ;

ຈາກນັ້ນ ກໍ່ໄດ້ຮັບຟັງການຜ່ານມະຕິຂອງກົມການເມືອງສູນກາງພັກ ສະບັບເລກທີ 032/ກມສພ, ລົງວັນທີ 03 ມັງກອນ 2018 ວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ ຊຶ່ງໄດ້ຍົກໃຫ້ຮັບຮູ້ເຖີງຈຸດປະສົງຄາດໝາຍ, ຫຼັກການ ຂອງການສ້າງແຜນກຳນົດພະນັກງານ ຊື່ງແມ່ນຄວາມຮັບຜິດຊອບໂດຍກົງຂອງຄະນະພັກແຕ່ລະຂັ້ນ ຕາມຂອບເຂດສິດ ໃນການແບ່ງຂັນຄຸ້ມຄອງ ພະນັກງານ,ເພື່ອຮັບປະກັນຄວາມຖືກຕ້ອງໂປ້ງໃສ່,ຮອບດ້ານ, ຍຸຕິທຳ ໂດຍໃຫ້ມີເພດ,ເຜົ່າ ແລະ ເລັ່ງໃສ່ພະນັກງານໜຸ່ມໃຫ້ກວມເອົາອັດຕາສ່ວນຫຼາຍ ແລະ ໄດ້ຮັບຟັງມະຕິຂອງກົມການເມືອງສູນກາງພັກ ສະບັບເລກທີ 030/ກມສພ, ລົງວັນທີ 03 ມັງກອນ 2018 ວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ ແລະ ຄໍາແນະນໍາ ຂອງຄະນະຈັດຕັ້ງສູນກາງພັກ ສະບັບເລກທີ 292/ຄຈສພ ກ່ຽວກັບການຈັດຕັ້ງປະຕິບັດມະຕິ ຂອງກົມການເມືອງສູນກາງພັກ 2 ສະບັບດັ່ງກ່າວ ຈາກຜູ້ຕາງໜ້າຄະນະຈັດຕັ້ງແຂວງໄຊສົມບູນ

ຫຼັງຈາກນັ້ນ ປະທານກອງປະຊຸມ ກໍ່ ໄດ້ມີຄໍາເຫັນໂອ້ລົມດ້ວຍຄວາມເປັນຫ່ວງເປັນໄຍ ພ້ອມທັງກ່າວໃຫ້ຮູ້ວ່າ: ການກຳນົດພະນັກງານນຳພາ-ຄຸ້ມຄອງ ແມ່ນຄວາມຈຳເປັນພາວະວິໄສຂອງພັກເຮົາໃນໄລຍະໄໝ ຕ້ອງໄດ້ເຮັດ ເພື່ອເປັນບ່ອນອີງໃນການສ້າງພະນັກງານສືບທອດປ່ຽນແທນໃນແຕ່ລະໄລຍະ ເພື່ອໃຫ້ມີຄຸນນະພາບ, ມີຈັນຍາບັນ,ຈັນຍາທຳ,ມີຄຸນສົມບັດ ສິນທຳປະຕິວັດ ຍຶດໝັ້ນຕາມແນວທາງສັງຄົມນິຄົມ ທີ່ພັກເຮົາໄດ້ກຳນົດໄວ້ຢ່າງແທ້ຈິງ ແລະ ໄດ້ເໜັ້ນໜັກມາຍັງບັນດາທ່ານທີ່ເຂົ້າຮ່ວມ ເອົາໃຈໃສ່ຄົ້ນຄວ້າກໍາແໜ້ນ ບັນດາມະຕິ ແລະ ຄໍາແນະນໍາ ທີໄດ້ກ່າວມານັ້ນ ໃຫ້ເລິກເຊິ່ງ ເພື່ອແນ່ໃສ່ການກຳນົດພະນັກງານນຳພາ-ຄຸ້ມຄອງ ໄດ້ຮັບປະສິດທິຜົນສູງ ຈາກນັ້ນ ກໍ່ໄດ້ດຳເນີນການປ່ອນບັດທາບທາມຮອບທີ 1 ຢ່າງເປັນທາງການ ສຳລັບຮອບທີ 2 ແລະ ຮອບທີ່3 ແມ່ນຈະໄດ້ດຳເນີນໃນມື້ຕໍ່ໄປ ຈົນຮອດວັນທີ່ 19 ສິງຫາ ນີ້ ຈຶ່ງຈະສໍາເລັດ.
ບັນນາທິການ: ທ່ານ ນາງ ແພງສີ ອິນທະວົງ