ມີເດຍລາວແຂວງຜົ້ງສາລີ
ໃນຕອນເຊົ້າ ວັນທີ 17 ສິງຫາ 2021 ກອງບັນຊາການ ປກສ ເມືອງໃໝ່, ຜົ້ງສາລີ ຈັດພິທີມອບ-ຮັບນາມມະຍົດ ໜ່ວຍພັກປອດໃສ່, ເຂັ້ມແຂງ ແລະ ໜັກແໜ້ນ ປະຈໍາປີ 2020 ຂຶ້ນຢ່າງເປັນທາງການດ້ວຍການເປັນກຽດເຂົ້າຮ່ວມຂອງສະຫາຍ ສອນສະນຸກ ສີສຸລາດ ຮອງເລຂາ, ຮອງເຈົ້າເມືອງ ຜູ້ຊິ້ນໍາວຽກງານການເມືອງ, ມີສະຫາຍ ພັທ ຫົງຄໍາ ສັດສະດີ ກໍາມະການປະຈໍາພັກເມືອງ, ເລຂາຄະນະພັກຮາກຖານ, ຫົວໜ້າກອງບັນຊາການ ປກສ ເມືອງໃໝ່, ມີຕ່າງໜ້າຄະນະຈັດຕັ້ງເມືອງ, ກວດກາພັກ-ລັດເມືອງ ພ້ອມດ້ວຍສະມາຊິກພັກ ສົມບູນ ສໍາຮອງເຂົ້າຮ່ວຢ່າງພ້ອມພຽງ.

ສະຫາຍ ພັທ ຫົງຄໍາ ສັດສະດີ ຫົວໜ້າກອງບັນຊາການ ປກສ ເມືອງໃໝ່ ໄດ້ຂຶ້ນຜ່ານບົດສະຫຼຸບ ຕີລາຄ່າຜົນສໍາເລັດໃນການກໍ່ສ້າງໜ່ວຍພັກປອດໃສ່, ເຂັ້ມແຂງ ແລະ ໜັກແໜ້ນ ປະຈໍາປີ 2020 ແລະວາງທິດທາງແຜນການປະຈໍາປີ 2021 ວ່າໜ່ວຍພັກຂອງກອງບັນຊາການ ປກສ ເມືອງໃໝ່ ມີຄະນະພັກ 03 ສະຫາຍ, ມີສະມາຊິກທັງໝົດ 44 ສະຫາຍ, ຍິງ 07 ສະຫາຍ, ຜ່ານມາຄະນະໜ່ວຍພັກ ໄດ້ນໍາເອົາແນວທາງຂອງພັກລະບຽບກົດໝາຍຂອງລັດ ແລະ ບັນດານີຕິກໍາ ມະຕິຄໍາສັ່ງຕ່າງໆ ທີ່ຂັ້ນເທິງວາງອອກໂດຍສະເພາະມະຕິກອງປະຊຸມໃຫຍ່ຄັ້ງທີ່ X ຂອງສູນກາງພັກ, ຄັ້ງທີ XI ຂອງອົງຄະນະພັກແຂວງ, ຄັ້ງທີ XIV ອົງຄະນະພັກເມືອງ ແລະ XIX ຂອງໜ່ວຍພັກ ປກສ ມາຈັ້ດຕັ້ງຜັນຂະຫຍາຍໃຫ້ແກ່ສະມາຊິກພັກມີຫຼັກໝັ້ນທາງດ້ານການເມືອງຢ່າງໜັກແໜ້ນ ໂດຍອີງໃສ່ສະພາບຕົວຈິງຂອງກົມກອງ ເຮັດໃຫ້ສະມາຊິກພັກສາມາດນໍາໄດ້ບັນດາແນວທາງ ສັງຄົມນີຍົມ ເຮັດສໍາເລັດໜ້າທີຕາມການມອບໝາຍ ຫັນເອົາພະນັັກງານລົງກໍ່ສ້າງຮາກຖານການເມືອງ, ເພື່ອຕ້ານກົນອຸບາຍຫັນປ່ຽນໂດຍສັນຕິຂອງສັດຕູ ແລະກຸ່ມຄົນບໍ່ຫວັງດີຕໍ່ພັກຕໍ່ປະເທດຊາດ, ເຮັດວຽກເປັນໝູ່ຄະນະລວມສູນປະຊາທິປະໄຕ.

ຈາກນັ້ນ ສະຫາຍ ນາງ ແສງຈັນ ທໍາມະສິດ ຫົວໜ້າຄະນະຈັດຕັ້ງເມືອງ ໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກເມືອງ ວ່າດ້ວຍການຮັບຮອງເອົາໜ່ວຍພັກກອງບັນຊາການ ປກສ ເມືອງໃໝ່ ເປັນໜ່ວຍພັກປອດໃສ່, ເຂັ້ມແຂງ ແລະ ໜັກແໜ້ນ ປະຈໍາປີ 2020. ຄັ້ງນິ້ ໃຫ້ກຽດມອບນາມມະຍົດໜ່ວຍພັກປອດໃສ່, ເຂັ້ມແຂງ ແລະ ໜັກ ແໜ້ນ ໂດຍທ່ານ ສອນສະນຸກ ສີສຸລາດ ຮອງເລຂາ, ຮອງເຈົ້າເມືອງ ເມືອງໃໝ່ ພອ້ມໂອກາດດ່ຽວກັນທ່ານຍັງໄດ້ມອບໃບຍ້ອງຍໍໍເຈົ້າແຂວງໃຫ້ ບໍລີສັດ 705 ວູຕຽນແມັງ ເນຶ້ອໃນມີນໍ້າໃຈການປະກອບສວນວັດຖຸປັດໃຈ ການກໍ່ສ້າງພັດທະນາ ກອງບັນຊາການ ປກສ ເມືອງໃໝ່ ຊວງໄລຍະຜ່ານມາ. ສະຫາຍ ພັຕ ສົມແພງ ສອນສຸພັນ ຫົວໜ້າພະແນກການເມືອງ ກອງບັນຊາການ ປກສ ເມືອງ ຍັງໄດ້ຜ່ານຂໍ້ຕົກລົງກອງບັນຊາການ ປກສ ແຂວງ ສະບັບເລກທີ 2564/ປກສ.ຜລ, ລົງວັນທີ 06 ສິງຫາ 2021 ວ່າດ້ວຍການຍົກຍ້າຍນາຍຕໍາຫຼວດ ໄປປະຈໍາການບ່ອນໃໝ່ ໂດຍອີງໃສ່ຄວາມຮຽກຮ້ອງຕ້ອງການຂອງໜ້າທີ່ການເມືອງຂອງແຕ່ລະໄລຍະ.

ໂອກາດທ້າຍນິ້ຮັບຟັງຈາການໂອ້ລົມຂອງສະຫາຍຮອງເຈົ້າເມືອງເຊິງກ່ອນອືນ ສະຫາຍ ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໄລຍະຜ່ານມາແລະ ເໜັ້ນໜັ້ກບາງເນຶ້ອໃນຈິດໃຈໃຫ້ຄະນະໜ່ວຍພັກ ແລະ ສະມາຊິກພັກຕ້ອງເປັນເຈົ້າການ, ເພີ້ມທະວີສຶກສາອົບຮົມການເມືອງແນວຄິດ ຢ່າງເລິກເຊິງ, ເພື່ອແນ່ໃສ່ຕາມ 05 ຫຼັກການ 03 ທິດນໍາ ໃນການກໍ່ສ້າງພັກ ເຮັດໃຫ້ສະມາຊິກພັກພາຍໃນກົມກອງມີຄວາມເຊຶ້ອໝັ້ນຕໍ່ການນໍາພາ ຂອງພັກ-ລັດ ເອົາໃຈໃສ່ ຕ້ານປະກົດການຫຍໍ້ທໍ້ໃຫ້ມີຄວາມຫຼຸດນ້ອຍຖອຍລົງ, ເຕົາໂຮມຄວາມສາມັກຄີພາຍໃນພັກ ໃຫ້ໜັ້ກແໜ້ນກວ້າເກົ່າ ເຮັດວຽກເປັນໝູ່ຄະນະລວມສູນປະຊາທິປະໄຕ ແບງຄວາມຮັບຜິດຊອບພາຍໃນພັກ ສ້າງພັກໃຫ້ມີຄວາມປອດໃສ່, ເຂັ້ມແຂງ ແລະ ໜັກແໜ້ນໃນຕໍ່ໜ້າ.