ມີເດຍລາວແຂວງໄຊຍະບູລີ ຂ່າວ: ຖວທ ແແກ່ນທ້າວ.
ໃນວັນທີ 18 ສິງຫາ 2021 ນີ້, ປະຊາຊົນບ້ານຈອມແກ້ວ, ບ້ານຈອມເພັດ, ບ້ານເມືອງເກົ່າ, ບ້ານທ້າວແກ່ນ ແລະ ບ້ານພວນ ເມືອງແກ່ນທ້າວ ແຂວງໄຊຍະບູລີ ຈໍານວນ 700 ກວ່າຄົນ ໄດ້ພ້ອມກັນສ້າງຂະບວນການ ອອກແຮງງານລວມ ຢູ່ພາຍໃນບ້ານຂອງຕົນຢ່າງເປັນຂະບວນຟົດຟື້ນ. ໂດຍມີພະນັກງານຊີ້ນໍາບ້ານ ແລະ ວິຊາການຈາກຫ້ອງການໂຍທາທິການ ແລະ ຂົນສົ່ງເມືອງ ນໍາພາສ້າງຂະບວນການດັ່ງກ່າວ ໃຫ້ກຽດຕິດຕາມຂະບວນການໃນຄັ້ງນີ້, ມີທ່ານ ນາງ ສຸລິຍັນ ສູນວິໄລ ຫົວໜ້າຫ້ອງການຄະນະໂຄສະນາອົບຮົມເມືອງ, ຜູ້ຊີ້ນໍາບ້ານເທດສະບານ.

ໃນການສ້າງຂະບວນການອອກແຮງງານລວມຄັ້ງນີ້, ໄດ້ປັບປຸງ ແລະ ສ້ອມແປງເສັ້ນທາງບ່ອນທີ່ເປ່ເພ, ອະນາໄມຮ່ອງລະບາຍນໍ້າ, ທໍ່ລະບາຍນໍ້າ, ຖົມຂຸມຕາມໜ້າທາງ ແລະ ອະນາໄມຕາມແຄມທາງ. ໂດຍມີລົດແມັກໂຄ 1 ຄັນ, ລົດອີແຕ໋ນ 3 ຄັນ ແລະ ລົດດໍ້າ 2 ຄັນ ປັບປຸງບ່ອນທີ່ເປ່ເພ ແລະ ຂົນດິນມາຖົມຂຸມຕາມໜ້າທາງ.
ທັ້ງນີ້, ເພື່ອເຮັດໃຫ້ການສັນຈອນໄປ-ມາ ຢູ່ພາຍໃນເທດສະບານເມືອງ ສະດວກສະບາຍຂຶ້ນ.