ມີເດຍລາວແຂວງຈຳປາສັກ ບັນນາທິການຂ່າວແຂວງ ໂດຍ: ຖວທ ເມືອງຊະນະສົມບູນ
ວັນທີ 19 ສິງຫາ 2021 ນີ້: ພຣະອາຈານ ຄຳພັກ ພົມມະໄຊ ເຈົ້າຄະນະເມືອງຊະນະສົມບູນ.ໄດ້ສຶບຕໍ່ລົງມອບເຄື່ອງບໍລິ ໂພກ ໃນນັ້ນລວມມີນ້ຳດື່ມຈຳນວນ 10 ແກັດ ແລະ ກາເຟຈຳນວນ 2 ຖົງ ມາມອບໃຫ້ກັບຫ້ອງການສາລະນະສຸກເມືອງ ເພື່ອປະກອບສ່ວນຊ່ວຍເຫຼືອເຂົ້າໃນ ວຽກງານຕ້ານພະຍາດໂຄວິດ 19 ຂອງເມືອງ,ຮັບໂດຍທ່ານ ອາຄົມ ຄຳມະນີວົງ ຮອງຫົວໜ້າຫ້ອງການສາທາລະນະສຸກເມືອງ ມີພະນັກງານພະໝໍທີ່ຂື້ນກົມຫ້ອງສາທາເມືອງດເຂົ້າຮ່ວມ.

ເຊີ່ງພິທີມອບ-ຮັບເຄື່ອງດັ່ງກ່າວແມ່ນໄດ້ຈັດຂື້ນຢູ່ທີ່ໜ້າຫ້ອງການສາທາລະນະສຸກຂອງເມືອງນັ້ນເອງ ແລະ ໃນໂອກາດທີ່ມອບ ພຣະອາຈານ ຄຳພັກ ພົມມະໄຊ ເຈົ້າຄະນະເມືອງໄດ້ກ່າວວ່າ: ສຳລັບການມອບເຄື່ອງບໍລິໂພກໃຫ້ກັບຫ້ອງການສາທາລະນະສຸກເມືອງໃນຄັ້ງນີ້.ນັບວ່າເປັນເທື່ອທີ່ 2 ທີ່ໄດ້ໃຫ້ການຊ່ວຍເຫຼືອ.ຍ້ອນສະພາບການແຜ່ລະບາດຂອງພະຍາດໂຄວິດ 19 ທີ່ຍັງລະບາດຢ່າງຮຸ່ນແຮງພາຍໃນປະເທດລາວ ເວົ້າລວມເວົ້າສະເພາະຢູ່ແຂວງຈຳປາສັກໃນປັດຈຸບັນ ຕະຫຼອດໄລຍະຜ່ານມາໂດຍຕ່າງໜ້າໃຫ້ກັບອົງການພຣະພຸດທະສາດສະໜາສຳພັນລາວເມືອງ ກໍ່ຄືໃນນາມພຣະອາຈານເອງ ກໍ່ໄດ້ປະສານສົມທົບກັບບັນດາສິດ – ສານຸສິດທັງພາຍໃນ ແລະ ຕ່າງເມືອງ ໄດ້ລະດົມໃຫ້ການປະກອບສ່ວນທາງດ້ານເຄື່ອງອຸປະໂພກ ແລະ ບໍລິໂພກເຊັ່ນ: ເຈວລ້າງມື,ຜ້າອັດປາກ,ອາຫານ ແລະ ນ້ຳດື່ມທີ່ຈຳເປັນຈຳນວນໜຶ່ງງ ແລ້ວເຄື່ອນໄຫວນຳເອົາໄປມອບໃຫ້ກັບພະນັກງານແພດໝໍນັກຮົມເສື້ອຂາວຜູ້ໃກ້ຊິດ,ເຈົ້າໜ້າທີ່ທີ່ປະຕິບັດໜ້າທີ່ຢູ່ສູນກັກກັນ ແລະ ແຮງງານລາວທີ່ກັບຈາກປະເທດທີ່ມີການລະບາດຂອງພະຍາດ ໂຄວິດ 19 ຢູ່ທີ່ສູນຈຳກັດບໍລິເວນຕ່າງໆຂອງແຂວງ ແລະ ເມືອງຢ່າງຕໍ່ເນື່ອງ ພ້ອມນັ້ນ ພຣະອາຈານຍັງກ່າວຕື່ມອິກວ່າ : ຕໍ່ໜ້າແມ່ນຍັງຈະໄດ້ສຶບຕໍ່ລະດົມເຄື່ອງຊວຍເຫຼືອດັ່ງກ່າວ ເພື່ອຊຸກຍຸວຽກເຂົ້າໃນງານຕ້ານພະຍາດໂຄວິດ 19 ຂອງແຂວງ ໂດຍສະເພາະຢູ່ທີ່ເມືອງຊະນະສົມບູນຢ່າງສຸດຄວາມສາມາດ.