ມີເດຍລາວແຂວງບໍ່ແກ້ວ
ວັນທີ 19 ສິງຫາ 2021 ນີ້ ຢູ່ທີ່ ຫ້ອງປະຊຸມ ຫ້ອງວ່າການເມືອງປາກທາ ໄດ້ເປີດກອງປະຊຸມ ສະຫຼຸບການຈັດຕັ້ງປະຕິບັດກິດຈະກຳ 6 ເດືອນຕົ້ນປີ ແລະ 6 ເດືອນທ້າຍປີ 2021ຂອງແຜນງານພັດທະນາທ້ອງຖິ່ນລາວ/030 ຫຼືລຸກຊຳບວກປະຈຳເມືອງປາກທາ ເປັນກຽດເຂົ້າຮ່ວມຂອງທ່ານ ຄຳໃສ່ ບົວປິນ ຮອງເຈົ້າເມືອງປາກທາ ທ່ານ ສີສຸກ ຄຸນວິທອງ ຮອງຫົວໜ້າພະແນກແຜນການ ແລະ ການລົງທືນ ແຂວງບໍ່ແກ້ວ, ມີຕາງໜ້າເຈົ້າຂອງໂຄງການພັດທະນາທ້ອງຖິ່ນ ລາວ/ 030 ຫຼືລຸກຊຳບວກ ປະຈຳແຂວງບໍ່ແກ້ວ ຄະນະຮັບຜິດຊອບຂັ້ນແຂວງ,ຂັ້ນເມືອງ ຫົວໜ້າ-ຮອງຫົວໜ້າຫ້ອງການ ແລະ ວິຊາການຜູ້ປະສານງານໂຄງການເຂົ້າຮ່ວມ.

ທ່ານ ບຸນມີ ຈັນທະວົງ ກຳມະການພັກເມືອງ ຫົວໜ້າຫ້ອງການແຜນການ ແລະ ການລົງທືນ ເມືອງປາກທາ ໄດ້ກ່າວວ່າ: ການຈັດຕັ້ງປະຕິບັດກິດຈະກຳແຜນງານລາວ/030 ໄນໄລຍະ 6 ເດືອນຕົ້ນປີໄດ້ມີຜົນສຳເລັດບາງດ້ານເຊັ່ນວ່າ: ວຽກງານການສ້າງຄວາມເຂັ້ມແຂງR1 ໄດ້ຈັດເຝິກອົບຮົມການນຳໄຊ້ຄອມພີວຕີຂັ້ນພື້ນຖານໃຫ້ແກ່ຕ່າງໜ້າບ້ານ 15 ບ້ານເປົ້າໝາຍ, ວຽກງານກອງທືນພັດທະນາບ້ານ R2 ສຳເລັດການປັບປຸງທາງຊອຍພາຍໃນບ້ານຫ້ວຍໂມງ, ສຳເລັດການປັບທາງລົງທ່ານ້ຳຂອງ ແລະ ປັບເດີນໂຮງຮຽນ ບ້ານຫ້ວຍແອ່ນ, ສຳເລັດການຕິດຕັ້ງໂທລະໂຄ່ງບ້ານຫ້ວຍຮາວ, ສຳເລັດການກໍ່ສ້າງຫໍພັກຄູ ບ້ານຫ້ວຍໄມ້ຊາງ, ບ້ານຫ້ວຍໂຄດ,ບ້ານຫ້ວຍໜໍຂົມ ແລະ ສຳເລັດການການປັບເດີນໂຮງຮຽບ້ານຫ້ວຍສາກ,ວຽກງານການກໍ່ສ້າງພື້ນຖານໂຄງລາງ R3 ໄດ້ເຂົ້່າຮ່ວມປະມູນການກໍ່ສ້າງໂຮງຮຽນປະຖົມສົມບູນບ້ານມົກກະຈອກ, ໄດ້ສົມທົບກັບຄະນະກຳມະການຂັ້ນເມືອງ ລົງກວດຄວາມຄືບໜ້າຂອງການກໍ່ສ້າງໂຮງຮຽນປະຖົມສົມບູນບ້ານມົກກະຈອກ, ຄຽງຄູ່ກັບຜົນສຳເລັດດັ່ງກ່າວນັ້ນ ຍັງມີຂໍ້ຫຍຸ້ງຍາກບາງດ້ານທີ່ເຮັດໃຫ້ການຈັດຕັ້ງປະຕິບັດກິດຈະກຳບໍ່ບັນລຸຕາມແຜນເຊັ່ນວ່າ: ຄວາມຫ້າວຫັນຄວາມເອົາໃຈໃສ່ຂອງພະນັກງານ, ອຳນາດການປົກຄອງບ້ານຍັງເຮັດບໍ່ໄດ້ດີເທົ່າທີ່ຄວນ ແລະ ການມີສ່ວນຮ່ວມຂອງປະຊາຊົນພາຍໃນບ້ານຍັງບໍ່ຫຼາຍ, ການປະສານງານເຮັດວຽກຮ່ວມກັນ ຍັງເຮັດບໍ່ໄດ້ດີເທົ່າທີ່ຄວນ ແລະ ເຮັດບໍ່ໄດ້ຕໍ່ເນືອງ ພ້ອມທັງການແຜ່ລະບາດຂອງເຊື້ອພະຍາດໂຄວິດ-19.

ໂອກາດດຽວກັນນັ້ນ ທ່ານ ສີສຸກ ຄຸນວິທອງ ຮອງຫົວໜ້າພະແນກແຜນການ ແລະ ການລົງທືນ ແຂວງ ຍັງມີຄຳເຫັນເໜັ້ນໜັກໃຫ້ບັນດາທ່ານທີ່ເຂົ້າຮ່ວມກອງປະຊຸມຄັ້ງນີ້: ຕ້ອງໄດ້ເອົາໃຈໃສ່ປະຕິບັດໜ້າທີ່ຂອງຕົນຕາມຄວາມຮັບຜິດຊອບຢ່າງຕັ້ງໜ້າ ຕ້ອງມີແບບແຜນການນຳພາ,ແຜນວຽກ,ແຜນງານໃຫ້ລະອຽດ ເພື່ອກະກຽມຖານຂໍ້ມູນໃສ່ໂຄງການໄລຍະ2ໃຫ້ດີກ່ວາເກົ່າ ແລະ ເອົາໃຈໃສ່ຄຸ້ມຄອງແຫຼງທືນທີ່ໄດ້ຮັບການຊ່ວຍເຫຼືອຄັ້ງນີ້ໃຫ້ເກີດປະໂຫຍດສູງສຸດເພື່ອພ້ອມກັນຈັດຕັ້ງປະຕິບັດບາງກິດຈະກຳທີ່ຍັງບໍ່ສຳເລັດໃຫ້ສຳເລັດຕາມແຜນທີ່ວາງໄວ້.
ພາບ-ຂ່າວ: ພອນສະຫວັນ ມະນີສີ.