ວັນທີ 19 ສິງຫາ 2021 ນີ້, ກອງບັນຊາການທາຫານເມືອງປາກທາ ໄດ້ສຳເລັດກອງປະຊຸມສະຫຼູບວຽກງານປ້ອງກັນຊາດຮອບດ້ານ ປະຈຳປີ 6 ເດືອນຕົ້ນປີ 2021 ພ້ອມທັງວາງທິດທາງແຜນການ 6 ເດືອນທ້າຍປີ 2021 ໂດຍໃຫ້ກຽດເປັນທານຮ່ວມຂອງ ສະຫາຍ ສຸໄລ ດວງຜາຄຳ ກຳມະການພັກແຂວງ ເລຂາພັກເມືອງ ເຈົ້າເມືອງໆປາກທາ ແລະ ສະຫາຍ ພັນໂທ ຄຳສອນ ໄຊຍະວົງ ຄະນະປະຈຳພັກກອງບັນຊາການ ຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ, ມີສະຫາຍ ພັນໂທ ພອນສະຫັວນ ສຸລິຄຳ ຫົວໜ້າການທະຫານກອງບັນຊາການທະຫານເມືອງປາກທາ, ມີຄະນະພັກ-ຄະນະບັນຊາພະນັກງານ-ນັກຮົບພາຍໃນກົມກອງເຂົ້າຮ່ວມຢ່າງພ້ອມພຽງ.

ສະຫາຍ ພັນໂທ ອໍາພອນ ອ່ອນມະນີຄໍາ ຮອງການເມືອງກອງບັນຊາການທະຫານເມືອງປາກທາໄດ້ຜ່ານບົດສະຫຼູບວຽກງານປ້ອງກັນຊາດຮອບດ້ານ ປະຈຳ 6 ເດືອນຕົ້ນປີ 2021 ພ້ອມທັງວາງທິດທາງແຜນການ 6 ເດືອນທ້າຍປີ 2021 ແລະ ຕີລາຄາຄືນ ດ້ານດີ, ດ້ານອອນໂດຍປະຕິບັດຕາມ 4 ໜ້າທີໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ, ເຊິ່ງກົມກອງຂອງຕົນໄດ້ພ້ອມກັນຈັດຕັ້ງປະຕິບັດໃນໄລຍະຜ່ານມາມີຜົນສໍາເລັດຫຼາຍດ້ານເຊັ່ນວ່າ: ດ້ານວຽກງານການເມືອງຄະນະພັກ-ຄະນະບັນຊາໄດ້ເອົາໃຈໃສ່ສຶກສາອົບຮົມທາງດ້ານການເມືອງ-ນຳພາແນວຄິດເປັນວຽກງານແຖວໜ້າໃຫ້ແກ່ນາຍ ແລະ ພົນທະຫານພາຍໃນກົມກອງຢ່າງເປັນປົກກະຕິິິ, ເຜີຍແຜ່ບັນດາເອກະສານສຳຄັນຕ່າງໆຂອງພັກ, ຂອງຊາດ, ຂອງກອງທັບ, ຊີ້ນຳໃຫ້ບັນດາພະແນກ, ຂະແໜງການ, ວິຊາສະເພາະພາຍໃນກົມກອງ,

ພ້ອມກັນຈັດຕັ້ງປະຕິບັດຕາມແຜນການທີກົມກອງກຳນົດໄວ, ດຳເນີນຊີວິດການເມືອງ ປະຈໍາອາທິດ, ປະຈໍາເດືອນ ຢ່າງເປັນປົກກະຕິ, ພ້ອມທັງເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ ແກ້ໄຂ້ປະກົດການຫຍໍ້ທໍ້ໃນສັງຄົມກໍ່ຄືພາຍໃນເມືອງມີຄວາມສະຫງົບໂດຍພື້ນຖານ, ເຊິ່ງຜ່ານມາໄດ້ຈັດຕັ້ງກຳລັງມອດໄຟລາມປ່າ 5 ຄັ້ງ, ເຄືອນໄຫວຍາວ ເຂດພູສາມສຸມ, ຍອດຫ້ວຍລຳແພນ, ຍອດຫ້ວຍຊົວະ 3 ຄັ້ງ, ລາດຕະເວນທາງນໍ້າ 5 ຄັ້ງ, ຈັດຕັ້ງກຳລັງປະຈໍາຈຸດຜາໄດປ້ອງກັນຄົນເຂົ້າ-ອອກຂອງປະຊາຊົນ ລະຫ່ວາງ ເມືອງຫາເມືອງ 1 ຄັ້ງປ້ອງກັນແຂກຂັ້ນເທິງ ທີ່ລົງມາເຮັດວຽກຢູ່ເມືອງປາກທາ-ເມືອງຜາອຸດົມ 10 ຄັ້ງ ແລະ ປ້ອງກັນວັນບຸນສໍາຄັນອື່ນອີກ,

ນອກນັ້ນຍັງໄດ້ສ້າງພາລາທິການກັບທີ ປະຕິບັດຕາມຄໍາຂັວນຂອງກົມໃຫຍ່ພາລາວາງອອກ ກໍ່ຄືການຍົກສູງນຳໃຈເພິງຕົນກຸມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ປູກພືດຕາມລະດູການ, ສະໜອງຜັກເຂົ້າເຮືອນຄົວລວມ 1.653 ກິໂລ, ລຽ້ງງົວ 12 ໂຕ, ລ້ຽງກົບ 600 ໂຕ, ໄກ່ 138 ໂຕ, ເປັດ 48 ໂຕ ນີ້ກໍ່ເພື່ອແກ້ໄຂ້ຊີວິດການເປັນຢູ່ໃຫ້ແກ່ພະນັກງານ-ນກຮົບໃນການລ້ຽງດູທັບໃນສະເພາະໜ້າ ແລະ ຍາວນານ ຈາກນັ້ນບັນດາພະແນກ, ຂະແໜງການຍັງໄດ້ປະກອບຄຳຄິດເຫັນໃສ່ບົດສະຫຼູບຢ່າງກົງໄປກົງມາເພື່ອຊອກໃຫ້ເຫັນດ້ານດີ, ດ້ານອອນຂໍ້ຄົງຄ້າງ ພ້ອມທັງສະເໜີບາງບັນຫາເພື່ອນຳໄປປັບປຸງແກ້ໄຂ້ໃນ 6 ເດືອນຕໍ່ໜ້າໃຫ້ໄດ້ຮັບຜົນດີ ຈາກນັ້ນຍັງໄດ້ມອບໃບຍ້ອງຍໍ້ຂອງລັດຖະມົນຕີປ້ອງກັນປະເທດໃຫ້ແກ່ຜູ້ທີມີຜົນງານດີເດັ່ນຢູ່ທະຫານກອງບັນຊາການທະຫານເມືອງປາກທາ ຈຳນວນ 4 ສະຫາຍ ໃຫ້ກຽດມອບໂດຍສະຫາຍ ພັນໂທ ພອນສະຫັວນ ສຸລິຄຳ ຫົວໜ້າການທະຫານ ກອງບັນຊາການທະຫານເມືອງປາກທາ ມອບໃຫ້ຢ່າງສົມກຽດ.

ໂອກາດດຽວກັນນີ້ຍັງໄດ້ຮັບຟັງຄໍາໂອ້ລົມຂອງສະຫາຍ ພັນໂທ ຄຳສອນ ໄຊຍະວົງ ຄະນະປະຈຳພັກກອງບັນຊາການທະຫານແຂວງ ຫົວໜ້າຫ້ອງການເມືອງສະຫາຍໄດ້ສະແດງຄວາມຍ້ອງຍໍ້ຊົມເຊີຍຕໍ່ຄະນະພັກ-ຄະນະບັນຊາຕະຫຼອດຮອດພະນັກ-ງານນັກຮົບທີສາມາດຍາດຜົນງານມາໄດ້ຫຼາຍດ້ານໃນໄລຍະຜ່ານມາ ແລະ ຍັງໄດ້ຮຽກຮອງມາຍັງຄະນະພັກ-ຄະນະບັນຊາໃຫ້ສືບຕໍ່ສຶກສາອົບຮົມການເມືອງແນວຄິດໃຫ້ພະນັກງານ-ນັກຮົບພາຍໃນກົມກອງຂອງຕົນເປັນປົກກະຕິ, ເພີ່ມທະວີໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະຂອງຕົນໃຫ້ເຂັ້ມງວດ, ເຮັດໜ້າທີປ້ອງກັນເວນຍາມຄ້າຍຄູ່, ເຄື່ອນໄຫວສາລະເວຕາມເຂດຮັບຜິດຊອບ ຕິດຕາມຄົນເຂົ້າ-ອອກເມືອງແບບຜິດກົດໝາຍ, ແກ້ໄຂ້ປະກົດການຫຍໍ້ທໍ້ຕ່າງໆໃນສັງຄົມ ເຮັດໃຫ້ສັງຄົມພາຍໃນເມືອງມີຄວາມສະຫງົບ 100%
ພາບ-ຂ່າວ: ພຸດສາຄອນ ພັນມີໄຊ ກອງບັນຊາການທະຫານເມືອງປາກທາ