ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ ຕອນບ່າຍ ວັນທີ 19 ສິງຫາ 2021 ເມືອງບາຈຽງຈະເລີນສຸກ ຈັດພິທີ ມອບ-ໂອນໜ້າວຽກ ແລະພະນັກງານ-ລັດຖະກອນຫ້ອງການວິທະຍາສາດເຕັກໂນໂລຊີເມືອງໄປຂື້ນກັບ5ຫ້ອງການພິທີໄດ້ຈັດຂື້ນຢ່າງເປັນທາງຢູ່ທີ່ສະໂມສອນຂອງເມືອງ ໂດຍໃຫ້ກຽດເປັນປະທານ ຂອງ ທ່ານ ປອ ອໍານວຍ ເຮືອງວົງສາ ຮອງເລຂາພັກເມືອງ ຜູ້ຊີ້ນໍາແນວຄິດພັກພະນັກງານ,ມີ ບັນດາທ່ານ ຮອງເລຂາພັກເມືອງ,ຮອງເຈົ້າເມືອງ,ຄະນະປະຈໍາພັກເມືອງ,ກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການ,ພະແນກການຂ້ອງແຂວງ-ເມືອງເຂົ້າຮ່ວມ

ໃນພິທີໄດ້ຮັບຟັງການຜ່ານບົດສະຫຼຸບການເຄື່ອນໄຫວ ຈັດຕັ້ງປະຕິບັດວຽກງານ ວິທະຍາສາດແລະເຕັກໂນໂລຊີ 1 ປີໂດຍຫຍໍ້ ຈາກນັ້ນ ທ່ານ ສຸດທະເຮືອງສັກ ກຸນລະບຸດ ຄະນະປະຈໍາເມືອງ ຫົວໜ້າຄະນະຈັດຕັ້ງເມືອງ ຂື້ນຜ່ານແຈ້ງການ ສະບັບເລກທີ 380/ຄຈຂ.ຈສ ລົງວັນທີ 6 ສິງຫາ 2021 ວ່າດ້ວຍການມອບໂອນວຽກງານວິທະຍາສາດ ແລະ ເຕັກໂນໂລຊີເມືອງ,ຜ່ານຂໍ້ຕົກລົງ ຂອງທ່ານເຈົ້າເມືອງ ສະບັບເລກທີ 195/ຈມ.ບຈ ລົງວັນທີ 18 ສິງຫາ 2021 ວ່າດ້ວຍການມອບໂອນໜ້າວຽກ,ພະນັກງານລັດຖະກອນຂອງຫ້ອງການວິທະຍາສາດແລະເຕັກໂນໂລຊີໄປຂື້ນກັບ5ຫ້ອງການຄື:ຫ້ອງການສືກສາທິການ-ກິລາ,ຫ້ອງການອຸດສາຫະກຳ-ການຄ້າ,ຫ້ອງການເຕັກໂນໂລຊີ-ສື່ສານ,ຫ້ອງການກະສິກຳ-ປ່າໄມ້ແລະຫ້ອງການພະລັງງານ-ບໍ່ແຮ່.