ມີເດຍລາວແຂວງຫຼວງນ້ຳທາ ວັນທີ 23 ສິງຫາ 2021ນີ້ຢູ່ທີ່ຫ້ອງຮັບແຂກຂອງທ່ານເຈົ້າແຂວງທ່ານ ພົນໂທ ສຸວອນ ເລືອງບຸນມີ ກຳມະການສູນກາງພັກ ຮອງປະທານຄະນະປະຈຳສະພາແຫ່ງຊາດ ພ້ອມດ້ວຍຄະນະ ເຂົ້າພົບ ທ່ານ ຄຳໄຫຼ ສີປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນ້ຳທາ,ເຊິ່ງທ່ານ ພົນໂທ ສຸວອນ ເລືອງບຸນມີ ກຳມະການສູນກາງພັກ ຮອງປະທານຄະນະປະຈຳສະພາແຫ່ງຊາດ ກໍ່ໄດ້ລາຍງານຈຸດປະສົງໃນການມາຢ້ຽມຢາມ ແລະ ເຮັດວຽກຢູ່ແຂວງຫຼວງນ້ຳທາເປັນຕົ້ນແມ່ນເພື່ອເຂົ້າຮ່ວມການສ້າງຕັ້ງ ແລະ ແຕ່ງຕັ້ງບຸກຄະລາກອນ,ກວດສະພາບການຂອງຖະໜົນຫົນທາງພາຍໃນ ແລະ ສະພາບການຂອງແຂວງຫຼວງນ້ຳທາ,ທ່ານ ຄຳໄຫຼ ສີປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນ້ຳທາກໍ່ໄດ້ລາຍງານສະພາບການຂອງແຂວງໂດຍຫຍໍ້ເປັນຕົ້ນການແຜ່ລະບາດຂອງພະຍາດໂຄວິດ -19,ການສົ່ງອອກສິນຄ້າ,ຜົນກະທົບຈາກໄພນ້ໍາຖ້ວມ ແລະ ແຂວງຫຼວງນ້ໍາທາມີຄວາມສະຖຽນລະພາບທາງດ້ານການເມືອງມີຄວາມສະຫງົບໂດຍພື້ນຖານ.

ໂອກາດນີ້ ທ່ານ ພົນໂທ ສຸວອນ ເລືອງບຸນມີ ກຳມະການສູນກາງພັກ ຮອງປະທານຄະນະປະຈຳສະພາແຫ່ງຊາດ , ທ່ານ ຄໍາໄຫຼ ສີປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນ້ຳທາຮ່ວມການສ້າງຕັ້ງ ແລະ ແຕ່ງຕັ້ງບຸກຄະລາກອນ,ມີກຳມະການປະຈຳພັກແຂວງ,ກຳມະການພັກແຂວງ,ຫົວໜ້າພະແນກ-ຮອງຫົວໜ້າພະແນກການຂອງແຂວງເຂົ້າຮ່ວມ.

ເພື່ອປະຕິບັດຕາມກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສະພາແຫ່ງຊາດ ແລະ ກົດໝາຍວ່າດ້ວຍສະພາປະຊາຊົນແຂວງສະບັບປີ 2020,ມາດຕາ 33 ສິດ ແລະ ໜ້າທີ່ຂອງຄະນະປະຈຳສະພາແຫ່ງຊາດ,ມາດຕາ 36 ກົງຈັກທີ່ຄະນະປະຈຳສະພາແຫ່ງຊາດສ້າງ ແລະ ການຕົກລົງຂອງກອງປະຊຸມຄະນະປະຈຳສະພາແຫ່ງຊາດປະຈຳເດືອນ ເມສາ 2021 ຄັ້ງວັນທີ 21-22 ເມສາ 2021 ກ່ຽວກັບກົງຈັກທີ່ຄະນະປະຈໍາສະພາແຫ່ງຊາດສ້າງຕັ້ງ,ມະຕິຕົກລົງຂອງຄະນະປະຈຳສະພາແຫ່ງຊາດວ່າດ້ວຍການສ້າງຕັ້ງກົງຈັກ ແລະ ແຕ່ງຕັ້ງບຸກຄະລາກອນຂອງກົງຈັກທີ່ຄະນະປະຈຳສະພາແຫ່ງຊາດສ້າງຕັ້ງ ເລກທີ 124/ຄປຈ ລົງວັນທີ 13 ພຶດສະພາ 2021 ຄະນະປະຈຳສະພາແຫ່ງຊາດຕົກລົງແຕ່ງຕັ້ງປະທານ ແລະ ຮອງປະທານຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 3 ແຂວງຫຼວງນ້ຳທາເຊິ່ງແຕ່ງຕັ້ງທ່ານ ຄຳຟອງ ອິນມານີ ຮອງເລຂາພັກແຂວງ ທັງເປັນປະທານສະພາປະຊາຊົນແຂວງເຂດເລືອກຕັ້ງທີ 3 ແຂວງຫຼວງນໍ້າທາ ແລະ ທ່ານ ກົງເພດ ແກ້ວບົວພາ ກໍາມະການພັກແຂວງ ທັງເປັນຮອງປະທານສະພາປະຊາ
ຊົນແຂວງເຂດເລືອກຕັ້ງທີ 3 ແຂວງຫຼວງນໍ້າທາ.

ທ່ານ ພົນໂທ ສຸວອນ ເລືອງບຸນມີ ກຳມະການສູນກາງພັກ ຮອງປະທານຄະນະປະຈຳສະພາແຫ່ງຊາດກໍ່ໄດ້ໂອ້ລົມເຊິ່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ພົ້ນເດັ່ນໃນໄລຍະຜ່ານມາ ແລະ ໄດ້ເນັ້ນໜັກຕໍ່ການຈັດຕັ້ງປະຕິບັດລະ ບຽບກົດໝາຍ,ມີຄວາມໂປ່ງໃສ,ກຳແໜ້ນແນວທາງນະໂຍບາຍທາງດ້ານຄູນທາດການເມືອງ,ສິນທຳປະຕິວັດ,ປະຕິບັດໜ້າທີ່ໃຫ້ມີຄວາມວ່ອງໄວໃນການພັດທະນາພື້ນຖານໂຄງລ່າງ ແລະ ການຜະລິດສິນຄ້າສົ່ງອອກ.