ມີເດຍລາວແຂວງຄຳມ່ວນ ຂ່າວ: ກອງຄຳ ກອງປະຊຸມທາງໄກ ກ່ຽວກັບການປຶກສາຫາລື, ປະກອບຄຳຄິດເຫັນຕໍ່ເນື້ອໃນຮ່າງລາຍງານການເມືອງ, ແຜນພັດ ທະນາອົງການແນວລາວສ້າງຊາດ ແລະ ກົດລະບຽບສະໄໝທີ XI ຂອງແນວລາວສ້າງຊາດ ຈັດຂຶ້ນໃນວັນທີ 24 ສິງຫາ 2021 ໂດຍການເປັນປະທານຂອງທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ, ມີບັນດາ ປະທານ-ຮອງປະທານ, ຄະນະກໍາມະການແນວລາວສ້າງຊາດປະຈຳແຂວງໃນຂອບເຂດທົ່ວປະເທດ. ສຳລັບແຂວງ ຄຳມ່ວນ ມີທ່ານ ສຸກກະເສີມ ອຸດອນ ກຳມະການສູນກາງແນວລາວສ້າງຊາດ, ຮອງປະທານແນວລາວສ້າງຊາດ ແຂວງຄຳມ່ວນ ພ້ອມດ້ວຍບັນດາທ່ານໃນຄະນະປະທານ, ຄະນະກຳມະການແນວລາວສ້າງຊາດແຂວງເຂົ້າຮ່ວມ.

ເຊິ່ງວາລະກອງປະຊຸມໃນຄາບເຊົ້າ ແມ່ນການນຳພາດຳເນີນໂດຍທ່ານ ຈັນທະວົງ ແສນອາມາດມົນຕີ ຮອງປະ ທານສູນກາງແນວລາວສ້າງຊາດ ເຊິ່ງໃນນີ້ແມ່ນໄດ້ຜ່ານຮ່າງລາຍງານການເມືອງ, ຕີລາຄາສະພາບການຈັດຕັ້ງປະຕິບັດແຜນ ພັດທະນາ 5 ປີ (2016-2020) ຂອງອົງການແນວລາວສ້າງຊາດ, ວິໄສທັດ, ແຜນຍຸດທະສາດ ການພັດທະນາ ອົງການແນວ ລາວສ້າງຊາດ 2021-2025 ແລະ ໃນພາກບ່າຍແມ່ນການນຳພາດຳເນີນກອງປະຊຸມຂອງທ່ານ ນາງ ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ ໂດຍໄດ້ຜ່ານຮ່າງກົດລະບຽບ ສະໄໝທີ XI ຂອງແນວລາວສ້າງຊາດ ເຊິ່ງປະກອບມີ 10 ໝວດ ແລະ 52 ມາດຕາ ໃນນີ້ມີມາດຕາທີ່ສ້າງໃໝ່ຈຳນວນ 24 ມາດຕາ ແລະ ປັບປຸງໃໝ່ 28 ມາດຕາ ຖ້າທຽບໃສ່ ກົດລະບຽບຂອງແນວລາວສ້າງຊາດ ສະໄໝທີ X ແມ່ນເພີ່ມຂຶ້ນ 9 ມາດຕາ.

ຈາກນັ້ນຄະນະກຳມະການ, ອົງການແນວລາວ ສ້າງຊາດບັນດາແຂວງຕ່າງໆ ກໍ່ໄດ້ປະກອບຄຳຄິດຄຳເຫັນເປັນຕົ້ນແມ່ນ ທາງດ້ານໂຄງສ້າງ ຂອງຮ່າງລາຍງານການເມືອງ, ໂຄງຮ່າງແຜນພັດທະນາອົງການແນວລາວສ້າງຊາດ, ຄຳຂວັນຂອງກອງປະຊຸມ ທີ່ເຫັນວ່າ ຍັງສອດຄ່ອງກັບມະຕິກອງປະຊຸມ ໃຫຍ່ຄັ້ງທີ XI ຂອງພັກ ແລະ ພາລະບົດບາດຂອງແນວລາວສ້າງຊາດ ລວມເຖິງ ກົດລະບຽບຂອງແນວລາວສ້າງຊາດ ເພື່ອເຮັດໃຫ້ມີເນື້ອໃນຄົບຖ້ວນ, ສົມບູນ ແລະ ເປັນບ່ອນອີງໃນການຈັດຕັ້ງ ປະຕິບັດ ໃນຕໍ່ໜ້າ ແນໃສ່ເຮັດໃຫ້ອົງການ ແນວລາວສ້າງຊາດ ມີການບູລະນະ ແລະ ຫັນປ່ຽນໃໝ່ ສາມາດຜ່ານຜ່າ ກັບຄວາມຫຍຸ້ງຍາກ ແລະ ອຸປະສັກໃນດ້ານຕ່າງໆ ກ້າວໄປເຖິງການພັດທະນາໃຫ້ນັບມື້ດີ້ຂຶ້ນໄປເລື້ອຍໆ.