ມີເດຍລາວແຂວງສາລະວັນ ພາບຂ່າວ ສິດຕາ ເພັດວົງສາ
ວັນທີ 24 ສິງຫາ 2021 ນີ້ ພະແນກຖະແຫຼງຂ່າວ-ວັດທະນະທໍາ ແລະທ່ອງທ່ຽວແຂວງສາລະວັນ ໄດ້ລົງເຄື່ອນໄຫວຊຸກຍູ້ ວຽກງານຮອບດ້ານຢູ່ ເມືອງຕະໂອ້ຍ ຈັດຂື້ນທີ່່ຫ້ອງປະຊຸມຫ້ອງວ່າການປົກຄອງເມືອງຕະໂອ້ຍ,ໂດຍການເຂົ້າຮ່ວມເປັນປະທານຂອງ ທ່ານ ບຸນປອນ ອິນທະສອນ ຮອງຫົວໜ້າພະແນກຖະແຫຼຂ່າວ-ວັດທະນະທໍາ ແລະທ່ອງທ່ຽວແຂວງສາລະວັນ ພ້ອມຄະນະ, ມີທ່ານ ທ່ານ ເພັດສະຫມອນ ຫລວງລາດ ຮອງເຈົ້າເມືອງຕຸະໂອ້ຍ, ຜູ້ຊີນຳວຽກງານວັດທະນະທຳສັງຄົມເມືອງຕະໂອ້ຍ, ມີຫົວໜ້າ ແລະຮອງຫ້ອງການ, ພະນັກງານວິຊາການຫ້ອງການ ຖວທ ເມືອງເຂົ້າຮ່ວມ.

ທ່ານ ຄຳຫລ້າ ວົງສະຢາ ກຳມະການພັກເມືອງ ຫົວໜ້າຫ້ອງການຖະແຫຼງຂ່າວ-ວັດທະນະທໍາ ແລະທ່ອງທ່ຽວເມືອງຕະໂອ້ຍ ໄດ້ລາຍງານ ການຈັດຕັ້ງປະຕິບັດວຽກງານໃນໄລຍະ 6 ເດຶອນ ຕົ້ນປີ ແລະ ວາງທິດທາງແຜນການ 6 ເດຶອນທ້າຍປີ 2021. ຈາກນັ້ນກອງປະຊຸມກໍ່ໄດ້ປືກສາຫາລືແລກປ່ຽນ, ຄຳຄິດ,ຄຳເຫັນເພື່ອເຮັດໃຫ້ວງກງານໃນຂົງເຂດ ຖວທໄດ້ຮັບການປັບປຸງດີຂື້ນເຊັ່ນ: ວຽກງານງານຖະແຫຼງຂ່າວ-ສື່ມວນຊົນ ໃນການຄຸ້ມຄອງ ພາຍໃນເມືອງ, ການຜະລິດຂ່າວ,ການຂງນຂ່າວຕາມ 4 ລັກສະນະຂອງສື່, ການປະສານງານລະຫວ່າງ ຖວທ ເມືອງ ຫາ ແຂວງ ໃນການສົ່ງຂ່າວ,ການຄຸ້ມຄອງ-ການນໍາໃຊ້ລະບົບໂທລະໂຄ່ງແລະການຄຸ້ມຄອງໃນວງກງານສື່. ສໍາລັບວຽກງານວັດທະນະທໍາ: ແມ່ນການສ້າງຄອບຄົວ, ບ້ານວັດທະນະທໍາ,ສຳນັກງານຂັ້ນຕອນວິທີການສ້າງ ແລະການປະສານງານດ້ານເອກະສ້າງຕ່າງໆ,ພ້ອມທັງການເກັບກຳດ້ານສະຕີໆປ້າຍຕ່າງໆທີ່ມີພາຍໃນເມືອງຕາມການແບ່ງຂັ້ນຄຸ້ມຄອງ.

ວຽກງານທ່ອງທ່ຽວ: ຕ້ອງໄດ້ສຸ່ມໃສ່ການພັດທະນາແຫຼ່ງທ່ອງທ່ຽວທີ່ເມືອງຄຸ້ມຄອງ, ເກັບກໍາຂໍ້ມູນ ສະຖິຕິ ແລະ ປະຫວັດແຫຼ່ງທ່ອງທ່ຽວພາຍໃນເມືອງ, ການອອກໃບອະນຸຍາດດໍາເນີນທຸລະກິດ, ການແກ້ໄຂບັນຫາປະກົດການຫຍໍ້ທໍ້ທີ່ເກີດຂື້ນ, ການໂຄສະນາເພື່ອດຶງດູດນັກທ່ອງທ່ຽວ, ການຄຸ້ມຄອງເຮືອນພັກ, ຮ້ານອາຫານ, ຮ້ານບັນເທີງ-ຮ້ານກິນດື່ມ, ຮ້ານເຂົ້າປຽກ, ຮ້ານເຝີ, ຮ້ານຕຳສົ້ມ ທີ່ເຄື່ອນໄຫວບໍ່ຖືກຕາມລະບຽບ. ວຽກງານບໍລິຫານ: ວຽກງານເກັບລາຍຮັບ-ລາຍຈ່າຍ, ຄ່າທໍານຽມ ແລະ ຄ່າບໍລິການ. ວຽກງານຈັດຕັ້ງພະນັກງານ ຕ້ອງຂຶ້ນແຜນ, ກຳນົດຕຳແໜ່ງງານພະນັກງານນຳພາ, ພະນັກງານຄຸ້ມຄອງ ໃຫ້ດຳເນີນໄປຕາມຂັ້ນຕອນ, ວິທີການ, ຂະບວນການ, ຫຼັກການ ໃຫ້ທ່ວງທັນຕາມກຳນົດເວລາ ແລະ ປະຕິບັດຕາມກົດໝາຍລັດຖະກອນ, ນອກນັ້ນວຽກງານກວດກາ ກໍ່ຕ້ອງໄດ້ຈັດຕັ້ງປະຕິບັດເຜີຍແຜ່ກົດໝາຍ ແລະ ນິຕິກໍາການຄຸ້ມຄອງຂອງສູນກາງ ແລະ ທ້ອງຖິ່ນໃຫ້ສອດຄ່ອງຕາມແນວທາງຂອງກົດໝາຍຄຸ້ມຄອງວຽກງານ ຖວທ ແລະ ພ້ອມກັນປະຕິບັດແຜນພັດທະນາວຽກງານ ຖວທ ພາຍໃນເມືອງ, ສະກັດກັ້ນ ແລະ ຕ້ານການສໍ້ລາດບັງຫຼວງຕາມກົດໝາຍວ່າດ້ວຍ: ການສໍ້ລາດບັງຫຼວງ ເພື່ອບໍ່ໃຫ້ເກີດບັນຫາກັບພະນັກງານໃນຫ້ອງການ ຖວທ ເມືອງ. ທັງນີ້ກໍ່ເພື່ອເປັນການປັບປຸງການຈັດຕັ້ງປະຕິບັດວຽກງານ ຖະແຫຼງຂ່າວ-ວັດທະນະທໍາ ແລະທ່ອງທ່ຽວ ໃຫ້ຖືກຕ້ອງສອດຄ່ອງ ຕາມພາລະບົດບາດໜ້າທີ່ໃຫ້ຮັດກຸມໜັກແໜ້ນຂື້ນຕື່ມ.