ມີເດຍລາວແຂວງສາລະວັນ ໂດຍ: ກິນດາວັນ ອ້ວນນາຄູ ເພື່ອເປັນການສືບຕໍ່ປະກອບສ່ວນ ເຂົ້າໃນວຽກງານປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດພະຍາດໂຄວິດ-19 ຢູ່ແຂວງສາລະວັນ ບໍ່ໃຫ້ແຜ່ລາມອອກສູ່ວົງກວ້າງ. ໃນວັນທີ 25 ສິງຫາ ນີ້, ທີ່ຫ້ອງວ່າການແຂວງສາລະວັນ ມີຄອບຄົວ ທ່ານນາງ ພອນທິດາ ໄຊຍະສອນ, ຄອບຄົວທ່ານ ນາງ ເດືອນດາລາ ວິລະຈິດ, ຄອບຄົວ ທ່ານ ນາງ ທູນສະຫວັນ ສີຈັນທອງທິບ, ຄອບຄົວ ທ່ານ ວົງສະຫວັນ ວໍລະຈິດ ແລະ ບໍລິສັດ ເພັດຈິນດາ ອອກແບບກໍ່ສ້າງຂົວທາງ-ຊົນລະປະທານ, ບໍລິສັດວີເອັດດີ ບໍລິການທ່ອງທ່ຽວຄົບວົງຈອນ ຈໍາກັດຜູ້ດຽວ ມອບເງິນສົດໃຫ້ແຂວງສາລະວັນ ຄອບຄົວ ແລະ ບໍລິສັດ ລະ 10 ລ້ານກີບ ລວມເງິນສົດ 70 ລ້ານກີບ, ຄອບຄົວ ທ່ານ ພານຸສັກ ວົງຈອມສີ ມອບເງິນສົດ 2 ລ້ານກີບ, ຄອບຄົວ ທ່ານ ນາງ ແສງເດືອນ ໄຊຍະສອນ, ຄອບຄົວ ທ່ານ ນາງ ບົວສະຫວັນ ວົງຈອມສີ, ຄອບຄົວ ທ່ານ ນາງ ວິລາວັນ ພົມວິຫານ ມອບເງິນສົດຄອບຄົວລະ 1 ລ້ານກີບ ລວມເງິນສົດ 5 ລ້ານກີບ.

ນອກຈາກນນັ້ນຍັງມີ ຄອບຄົວ ທ່ານ ນາງ ວິລະຄໍາ ສະຫວັນວາລີ, ຄອບຄົວ ທ່ານ ນາງ ສຸຈິດຕາ ສິມຸກດາ, ຄອບຄົວ ທ່ານ ນາງ ມີນາ ພຸດທະວົງ, ຄອບຄົວ ທ່ານ ນາງ , ຄອບຄົວ ທ່ານ ສົມພູວັນ ຂັນທະມາລີ, ຄອບຄົວ ທ່ານ ໂຢດ ພູນສະຫວັນ, ສະມາຄົມນັກທຸລະກິດຍິງສູນກາງ ແລະ ພະແນກກະສິກໍາ-ປ່າໄມ້ ໄດ້ມອບເຄື່ອງອຸປະໂພກ-ບໍລິໂພກ ປະກອບມີ: ເຂົ້າກ່ອງ ຈໍານວນ 500 ຊຸດ, ນໍ້າດື່ມ, ເຄື່ອງພົ່ນສີດຢາ ຈໍານວນ 15 ເຄື່ອງ, ເຄື່ອງນຸ່ງຫົ່ມເດັກນ້ອຍ, ສາດຢາງ ແລະ ນົມແລັກຕາຊອຍ ລວມມູນຄ່າ ເກືອບ 22 ລ້ານກີບ, ໂດຍຕາງໜ້າມອບຂອງ ທ່ານ ນາງ ພອນທິດາ ໄຊຍະສອນ ໃຫ້ກຽດຮັບໂດຍ ທ່ານ ໂພໄຊ ໄຊຍະສອນ ເຈົ້າແຂວງສາລະວັນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ໂອກາດດຽວກັນນີ້ທ່ານເຈົ້າແຂວງກໍ່ໄດ້ມອບໃບຍ້ອງຍໍ ແລະ ສະແດງຄວາມຂອບໃຈ ຈາກຫຼາຍພາກສ່ວນທີ່ເຫັນໄດ້ຄວາມສໍາຄັນ ທີ່ສະຫຼະທຶນຮອນສ່ວນຕົວ ປະກອບສ່ວນຊ່ວຍເຫຼືອໃນຄັ້ງນີ້ ກໍ່ຫວັງຢ່າງຍິ່ງວ່າຈະໄດ້ຮັບການຊ່ວຍເຫຼືອໃນຄັ້ງຕໍ່ໄປຕື່ມອີກ.