ມີເດຍລາວແຂວງບໍ່ແກ້ວ
ໃນວັນທີ 30 ສິງຫານີ້, ທ່ານ ສຸພົດ ເພັດອາລຸນ ປະທານບໍລິສັດເພັດອາລຸນກຣຸບ ແລະ ທ່ານ ສີສະຫວັນ ມາຍົງເຊິງ ປະທານບໍລິສັດຮຸ່ງອາລຸນຂົນສົ່ງ ໄດ້ມອບຕຽງນອນເຫຼັກ ຈຳນວນ 200 ຕຽງ ມູນຄ່າ 82 ລ້ານກີບ ໃນນັ້ນ ບໍລິສັດເພັດອາລຸນກຣຸບ ຊ່ວຍເຫຼືອ 60,000,000 ລ້ານກີບ, ບໍລິສັດ ຮຸ່ງອາລຸນຂົນສົ່ງຊ່ວຍເຫຼືອ 22,000,000 ລ້ານກີບ. ໃຫ້ຄະນະສະເພາະກິດການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນແຂວງ ກ່າວຮັບໂດຍ ປອ ບົວຄົງ ນາມມະວົງ ເຈົ້າແຂວງ ແຂວງບໍ່ແກ້ວ ພ້ອມດ້ວຍຄະນະ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ປອ ບົວຄົງ ນາມມະວົງ ເຈົ້າແຂວງໆບໍ່ແກ້ວ ໄດ້ມອບໃບຍ້ອງຍໍຂອງທ່ານເຈົ້າ ແຂວງ ພ້ອມສະແດງຄວາມຮູ້ບຸນຄຸນ ແລະ ຂອບອົກຂອບໃຈທີ່ ບໍລິສັດເພັດອາລຸນ ຂົນສົ່ງ ແລະ ບໍລິສັດຮຸ່ງອາລູງຂົນສົ່ງ ທີ່ເຫັນຄວາມສໍາຄັນ ແລະ ເປັນຫ່ວງເປັນໄຍ, ສະຫຼະວັດຖຸເງິນ-ຄຳ ຊື້ອຸປະກອນຮັບໃຊ້ໂຮງໝໍພາກສະໜາມແຂວງບໍ່ແກ້ວ ໃຫ້ພຽງພໍຕາມຄວາມຮຽງຮ້ອງຕ້ອງການ ເຊິ່ງເປັນການປະກອບສ່ວນອັນໃຫຍ່ຫຼວງຕໍ່ວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນແຂວງ ຫວັງວ່າໂອກາດໜ້າຈະໄດ້ຮັບການຮ່ວມມືຈາກທ່ານຕື່ມອີກ.

ຂໍ້ມູນຈາກຫ້ອງວ່າການແຂວງຂຽນໂດຍ: ນ. ວິໄລສີ