ມີເດຍລາວແຂວງໄຊສົມບູນ ຂ່າວ: ນາງ ຕູດ ຄໍາພໍໃຈ ພະແນກພະລັງງານ ແລະ ບໍ່ແຮ່ ແຂວງໄຊສົມບູນ ຈັດກອງປະຊຸມເຊື່ອມຊຶມມະຕິ XI ຂອງພັກ ແລະ ມະຕິກອງປະຊຸມ ໃຫຍ່ຄັ້ງທີ I ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ II ຂອງແຂວງໄຊສົມບູນ ໃນຕອນ ເຊົ້າຂອງວັນທີ 1 ກັນຍາ 2021 ນີ້ ທີ່ຫ້ອງປະຊຸມລັດວິຊາຫະກິດໄຟຟ້າລາວສາຂາແຂວງໄຊສົມບູນ ໂດຍການເຂົ້າຮ່ວມ ເປັນ ປະທານຂອງສະຫາຍ ບຸນທຽມ ໄຊສົງຄາມ, ກໍາມະການພັກແຂວງ, ເລຂາໜ່ວຍພັກພະແນກພະລັງງານ ແລະ ບໍ່ແຮ່ ແຂວງ, ມີສະຫາຍ ພອນໄຊ ຕາໂນວັນ, ຄະນະໜ່ວຍພັກພະແນກພະລັງງານ ແລະ ບໍແຮ່ ແຂວງ ພ້ອມດ້ວຍສະມາຊິກພັກ ແລະ ພະລັງງານພາຍໃນພະແນກເຂົ້າຮ່ວມ.

ໂອກາດນີ້ ສະຫາຍ ບຸນທຽມ ໄຊສົງຄາມ, ກໍາມະການພັກແຂວງ, ເລຂາໜ່ວຍພັກພະແນກພະລັງງານ ແລະ ບໍ່ແຮ່ ແຂວງ ໄດ້ມີຄໍາເຫັນ ແລະ ກ່າວເປີດກອງປະຊຸມ ເຊິ່ງສະຫາຍ ໄດ້ຍົກໃຫ້ເຫັນເຖິງຄວາມໝາຍ-ຄວາມສຳຄັນໃນການເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ I ຂອງອົງຄະນະພັກ ແຂວງ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ II ຂອງແຂວງ, ພ້ອມນີ້ສະຫາຍ ໄດ້ຮຽກຮ້ອງໃຫ້ພະນັກງານທີ່ເຂົ້າຮ່ວມ ເຊື່ອມ ຊຶມຄັ້ງນີ້ ຈົ່ງພ້ອມກັນກຳແໜ້ນເນື້ອໃນດັ່ງກ່າວ ດ້ວຍຄວາມເອົາໃຈໃສ່ ແລະ ຮັບຜິດຊອບສູງ ເພື່ອນຳໄປຈັດຕັ້ງປະຕິບັດ ໃນວຽກງານຂອງຕົນ ໃຫ້ມີປະສິດທິພາບ ແລະ ປະສິດທິພົນສູງກວ່າເກົ່າ.

ພ້ອມນີ້ສະຫາຍ ໄດ້ເຊື່ອມຊຶມມະຕິກອງປະຊຸມ ໃຫຍ່ຄັ້ງທີ XI ແລະ ແຜນຜັດທະນາເສດຖະກິດສັງຄົມແຫ່ງຊາດ 5 ປີ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ I ຂອງອົງຄະນະພັກ ແຂວງໄຊສົມບູນ. ຈາກນັ້ນ ສະຫາຍ ພອນໄຊ ຕາໂນວັນ, ຄະນະໜ່ວຍພັກພະແນກພະລັງງານ ແລະ ບໍແຮ່ ແຂວງ ໄດ້ຂຶ້ນ ຜັນຂະຫຍາຍແຜນຜັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ່ XI ແລະ ແຜນງົບປະມານແຫຼ່ງລັດ 5 ປີ 2021-2025 ທັງນີ້ກໍເພື່ອເຮັດໃຫ້ພະນັກງານຂອງພະແນກໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ຕໍ່ກັບເນື້ອໃນເອກະສານດັ່ງກ່າວ ໂດຍສະເພາະແມ່ນເນື້ອໃນທີ່ສຳຄັນກ່ຽວກັບວຽກງານຈຸດສຸມທີ່ຕ້ອງເອົາໃຈໃສ່ ຈັດຕັ້ງປະຕິບັດໃຫ້ເກີດດອກອອກຜົນ ໃນແຕ່ ລະຂົງເຂດວຽກງານ ຕາມຄວາມຮັບຜິດຊອບຂອງຕົນ ທີ່ຕິດພັນກັບການເສີມຂະຫຍາຍ ຄວາມເປັນເຈົ້າການຂອງບັນດາ ພະນັກ ງານທຸກສະຫາຍ ທີ່ຈະຕ້ອງໄດ້ຈັດຕັ້ງປະຕິບັດ ຕາມມະຕິກອງປະຊຸມໃຫຍ່ຄັ້ງທີ່ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ I ຂອງອົງຄະນະພັກ ແຂວງ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ II ຂອງແຂວງ ໃຫ້ເປັນແຜນງານ, ໂຄງການ ແລະ ກິດຈະການລະອຽດ ຂອງຕົນ ແລະ ສາມາດຍາດໄດ້ຜົນສຳເລັດໃໝ່ ໃນພາລະກິດປົກປັກຮັກສາ ແລະ ພັດທະນາແຂວງໄຊສົມບູນ ໃຫ້ດີຂຶ້ນເປັນກ້າວໆ.