ມີເດຍລາວແຂວງຈຳປາສັກ ຂ່າວ: ເມືອງປາກຊ່ອງ ທ.ສອນໄຊ ຈັນທະວີ ໃນວັນທີ 3 ກັນຍາ 2021 ນີ້, ຜູ້ບໍລິຫງານການສຶກສາ ເມືອງປາກຊ່ອງ ແຂວງຈໍາປາສັກ ໄດ້ຈັດກອງປະຊຸມເຜີຍແຜ່ ເຊື່ອມຊຶມກົດລະບຽບພັກປະຊາຊົນປະຕິວັດລາວ ສະໄໝທີ XI ແລະ ຄໍາແນະນຳເລກທີ 102 / ຄຈສພ ກ່ຽວກັບການຈັດຕັ້ງປະຕິບັດ ເນື້ອໃນຂອງກົດລະບຽບພັກສະໄໝທີ XI ຕິດພັນກັບການຟັງປາຖະກະຖາ ວັນລັດຖະທຳມະນູນແຫ່ງສປປລາວ ຄົບຮອບ 30 ແລະ ວັນຍຶດອຳນາດ ຄົບຮອບ 76 ປີ ຂື້ນຢູ່ທີ່ສະ ໂມສອນໂຮງຮຽນ ມສ ປາກຊ່ອງ ໂດຍການເປັນປະທານ ແລະ ໃຫ້ກຽດເຜີຍແຜ່ ຂອງທ່ານ ບຸນລຽບ ແກ້ວວົງສາ ກຳມະການພັກເມືອງ ຫົວໜ້າຫ້ອງການສາທຳລະນະສຸກເມືອງປາກຊ່ອງ, ມີທ່ານ ສຸລິສັກ ບຸບຜາວົງ ຮອງຫົວໜ້າຄະນະຈັດຕັ້ງເມືອງ, ທ່ານນາງ ແກ້ວພະນົມພອນ ໃບພອນ ຮອງຫົວໜ້າຄະນະໂຄສະນາອົບຮົມເມືອງ, ບັນດາທ່ານແຂກທີ່ຖືກເຊີນ ແລະ ພະນັກງານສະມາຊິກພັກຜູ້ບໍລິຫານການສຶກສາອະນຸບານ, ປະຖົມ ແລະ ມັດທະຍົມ ພາຍໃນເມືອງ ເຂົ້າຮ່ວມຢ່າງພ້ອມພຽງ.

ໃນກອງປະຊຸມ ທ່ານ ບຸນລຽບ ແກ້ວວົງສາ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງປາກຊ່ອງ ກ່າວວ່າ: ກອງປະຊຸມໃຫຍ່ຜູ້ແທນທົ່ວປະເທດຂອງພັກເຮົາໃນແຕ່ລະຄັ້ງ ໄດ້ຮັບຮອງເອົາກົດລະບຽບພັກ ແລະ ໄດ້ມີການປັບປຸງດັດແປງກົດລະບຽບພັກ ໃຫ້ສອງຄ່ອງກັບໜ້າທີ່ການເມືອງຂອງພັກໃນແຕ່ລະໄລຍະ ມາໄລຍະນີ້ ເພື່ອຍົກສູງຄວາມສາມາດນຳພາຂອງພັກ ສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ ສຶບຕໍ່ບູລະນະປະຊາທິປະໄຕປະຊາຊົນ ໃຫ້ສົມບູນຍິ່ງຂື້ນ ເພື່ອກ້າວຂື້ນສູ່ຈຸດໝາຍສັງຄົມນິຍົມນັ້ນ ຈຶ່ງມີຄວາມຈຳເປັນຕ້ອງໄດ້ປັບປຸງດັດແປງກົດລະບຽບພັກ ໃຫ້ສອດຄ່ອງ, ຈະແຈ້ງ, ຄົບຖ້ວນ, ຮັດກຸມ ແລະ ສາມາດຈັດຕັ້ງປະຕິບັດຕົວຈິງໄດ້, ແນໃສ່ປັບປຸງກໍ່ສ້າງພັກ ຮັບປະກັນເຮັດໃຫ້ພັກມີຄວາມປອດໃສ, ເຂັ້ມແຂງ ແລະ ໜັກແໜ້ນໃນທຸກດ້ານ.

ເຊິ່ງກົດລະບຽບຂອງພັກປະຊາຊົນປິຕິວັດລາວສະໄໝທີ XI ປະກອບດ້ວຍ 15 ໝວດ 64 ມາດຕາ ໃນນີ້ ເພີ່ມຂື້ນ I ມາດຕາ ແລະ 7 ໝວດ ຄື: ໝວດທີ VII ພັກນຳພາວຽກງານພະນັກງານ,ມາດຕາທີ 3 ຄຳປະຕິຍານຂອງສະມາຊິກພັກ, ມາດຕາ 14 ສະໄໝດຳລົງຕຳແໜ່ງເລຂາໜ່ວຍພັກແຕ່ລະຂັ້ນ, ມາດຕາ 34 ພັກຄຸ້ມຄອງພະນັກງານ, ສະມາຊິກພັກ, ມາດຕາ 35 ມາດຕະຖານພະນັກງານນຳພາ-ຄຸ້ມຄອງ, ມາດຕາ 36 ຕຳແໜ່ງພະນັກງານນຳພາ-ຄຸ້ມຄອງ, ມາດຕາ 39 ຄະນະຊາວໜຸ່ມປະຊາຊົນປະຕິວັດລາວ ແລະ ມາດຕາ 52 ລະບຽບວິໄນຂອງພັກແຕ່ລະຂັ້ນ. ຈາກນັ້ນກອງປະຊຸມຍັງໄດ້ຮັບຟັງການຜ່ານບົດແນະນຳຂອງຄະນະຈັດຕັ້ງສູນກາງພັກສະບັບເລກທີ 102 / ຄຈສພ ກ່ຽວກັບການສືບຕໍ່ຈັດຕັ້ງປະຕິບັດເນື້ອໃນກົດລະບຽບພັກປະຊາຊົນປະຕິວັດລາວ ສະໄໝທີ XI ແລະ ຮັບຟັງການປະຖະກະຖາວັນວັນລັດຖະທໍາມະນູນແຫ່ງສປປລາວ ຄົບຮອບ 30 ແລະ ວັນຍຶດອຳນາດ ຄົບຮອບ 76 ປີ ໂດຍຈຸດປະສົງ ກໍ່ເພື່ອເຮັດໃຫ້ພະນັກງານສະມາຊິກພັກ ຜູ້ບໍລິຫານການສຶກສາ ໄດ້ເຊື່ອມຊຶມແກ້ນແໜ້ນ ເນື້ອໃນຂອງກົດລະບຽບພັກສະໄໝທີ XI ພ້ອມທັງໄດ້ຫວນຄືນມູນເຊື້ອວັນສຳຄັນຂອງຊາດ ໄປຈັດຕັ້ງປະຕິບັດເຂົ້າໃນວຽກງານການສຶກສາ ໃຫ້ມີປະສິດທິພາບສູງສຸດ ຕື່ມອີກ.