ມີເດຍລາວແຂວງບໍ່ແກ້ວ
ວັນທີ 8 ກັນຍາ 2021 ນີ້, ເມືອງປາກທາ ແຂວງບໍ່ແກ້ວ ໄດ້ຈັດກອງປະຊຸມຝືກອົບຮົມວຽກງານກໍ່ສ້າງຮາກຖານການເມືອງ, ພັດທະນະຊົນນະບົດ ແລະ ວຽກງານ 3 ສ້າງ ໃຫ້ພະນັກງານນຳພາ-ຄຸ້ມຄອງ ຂອງເມືອງ ຂື້ນຢູ່ທີ່ສະໂມສອນຂອງເມືອງ, ໂດຍການເປັນປະທານຂອງທ່ານ ສຸໄລ ດວງຜາຄຳ ກຳມະການພັກແຂວງ ເລຂາພັກເມືອງ ເຈົ້າເມືອງປາກທາ, ຄະນະຊີ້ນຳກໍ່ສ້າງຮາກຖານການເມືອງ, ມີບັນດາຄະນະປະຈຳພັກ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ຄະນະຮັບຜິດຊອບ ຕະຫຼອດຮອດສຳມະນາກອນເປົ້າໝາຍທີ່ຈະລົງຮາກຖານເຂົ້າຮ່ວມ.

ທ່ານ ສຸໄລ ດວງຜາຄຳ ກຳມະການພັກແຂວງ ເລຂາພັກເມືອງ ເຈົ້າເມືອງປາກທາ ປະທານກອງປະຊຸມໄດ້ມີຄຳເຫັນກ່າວເປີດກອງປະຊຸມຝືກອົບຮົມວຽກງານກໍ່ສ້າງຮາກຖານການເມືອງ, ພັດທະນະຊົນນະບົດ ແລະ ວຽກງານ 3 ສ້າງ ໃຫ້ພະນັກງານນຳພາ-ຄຸ້ມຄອງ ຂອງເມືອງ ເຊິ່ງໄດ້ ຮຽກຮ້ອງມາຍັງຄະນະຮັບຜິດຊອບ ແລະ ສຳມະນອນກອນ ຈົ່ງຍົກສູງຄວາມຮັບຜິດຊອບຂອງຕົນຕັ້ງໜ້າຄົ້ນຄວ້າ ປະກອບຄຳຄິດຄຳເຫັນໃຫ້ກວ້າງຂວາງ ແລະ ເລິກເຊິ່ງ, ເອົາໃຈໃສ່ປະຕິບັດໂມງເວລາໃຫ້ຖືກຕ້ອງ, ແນ່ໃສ່ເຮັດໃຫ້ກອງປະຊຸມໃນຄັ້ງນີ້ດຳເນີດໄປດ້ວຍດີ, ມີບັນຍາກາດ ແລະ ໄດ້ຮັບຜົນສຳເລັດຕາມຈຸດປະສົງຄາດໝາຍທີ່ໄດ້ກຳນົດໄວ້, ພ້ອມກັນແລກປ່ຽນຄວາມຄິດຄວາມເຫັນປືກສາຫາລືຢ່າງພາວະວິໄສ ແລະ ຖືກຕ້ອງກັບຕົວຈິງ ເພື່ອເປັນພື້ນຖານໃຫ້ພວກເຮົາໃນການລົງຈັດຕັ້ງປະຕິບັດວຽກງານຕົວຈິງຢູ່ຂັ້ນຮາກຖານ,

ທັງນີ້ກໍ່ເພື່ອເຮັດໃຫ້ພະນັກງານນຳພາ-ຄຸ້ມຄອງເປົ້າໝາຍທີ່ຈະລົງກໍ່ສ້າງຮາກຖານການເມືອງໃຫ້ມີຄວາມຮັບຮູ້, ເຂົ້າໃຈຕໍ່ທິດສະດີ-ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ບັນດາເອກະສານຕ່າງໆ ທີ່ຕິດພັນກັບວຽກງານກໍ່ສ້າງຮາກຖານການເມືອງ, ການສ້າງບ້ານ ແລະ ກຸ່ມບ້ານພັດທະນາ, ທັງເປັນການສ້າງຄວາມເປັນເອກະພາບໃນການຈັດຕັ້ງປະຕິບັດວຽກງານຢູ່ຮາກຖານ ໃນການຄຸ້ມຄອງ-ນຳພາປະຊາຊົນປະຕິບັດແນວທາງຂອງພັກ-ກົດໝາຍຂອງລັດເວົ້າລວມ, ເວົ້າສະເພາະ ແມ່ນການນຳພາປະຕິບັດຕາມ 4 ເນື້ອໃນ 4 ຄາດໝາຍ ໃນການສ້າງບ້ານ ແລະ ກຸ່ມບ້ານພັດທະນາ ໂດຍສະເພາະແມ່ນການແກ້ໄຂຄວາມທຸກຍາກຂອງປະຊາຊົນ ໃຫ້ປະກົດຜົນເປັນຈິງເທື່ອລະກ້າວ, ຊຸດຝືກອົບຮົມໃນຄັ້ງນີ້ແມ່ນຈະໃຊ້ເວລາ 2 ວັນຈື່ງຈະສຳເລັດ.
ຂ່າວ: ວັນນະເດດ ວິໄລຄຸນ. 020 52206454.