ຕອນເຊົ້າວັນທີ 10 ກັນຍານີ້ ທີ່ສະໂມສອນໂຮງຮຽນສາທາລະນະສຸກ, ອົງການກາແດງ ແຂວງອຸດົມໄຊ ຮ່ວມກັບ ຄະນະບໍລິຫານງານຊາວໜຸ່ມແຂວງ ແລະ ຄະນະອຳນວຍການໂຮງຮຽນສາທາລະນະສຸກແຂວງອຸດົມໄຊ ໄດ້ເປີດຂະບວນການປຸກລະດົມການບໍລິຈາກເລືອດ ເພື່ອຊ່ວຍເຫຼືອເພື່ອນມະນຸດດ້ວຍກັນ ໂດຍສະເພາະ ແມ່ນຊ່ວຍເຫຼືອຄົນເຈັບທີ່ພວທນອນປິ່ນປົວ ແລະ ຕ້ອງການເລືອດຢູ່ໂຮງໝໍແຫ່ງຕ່າງໆ.

ຜ່ານການປຸກລະດົມບໍລິຈາກຕົວຈິງ ມີນັກສຶກສາຫລາຍຄົນເຫັນເຖິງຄວາມສຳຄັນຂອງການບໍລິຈາກເລືອດ ຄວາມສຳຄັນຂອງເລືອດເພື່ອຊ່ວຍເຫຼືອ ແລະ ປິ່ນປົວຄົນເຈັບ ເຊິ່ງມີຜູ້ສະໝັກໃຈບໍລິຈາກເລືອດ ທັງໝົດ 20 ຄົນ, ຍິງ 12 ຄົນ ໄດ້ເລືອດຕົວຈິງທັງໝົດ 20 ຖົງ.

ເຂົ້າຮ່ວມຂະບວນການມີ ທ່ານ ໄກ່ຄຳ ພົມມະຈັນ ຮອງອຳນວຍການໂຮງຮຽນສາທາລະນະສຸກແຂວງອຸດົມໄຊ, ທ່ານ ທອງຈັນ ສຸກສັກດາ ຮອງຫົວໜ້າອົງການກາແດງແຂວງ, ພາກສ່ວນທີ່ກ່ຽວຂ້ອງ, ຄູ-ອາຈານ ແລະ ນັກສຶກສາພາຍໃນໂຮງຮຽນສາທາລະນະສຸກ ເຂົ້າຮ່ວມ. ກວດແກ້: ອ່ຽງຄຳ ວິລະສັກ