ມີເດຍລາແຂວງເຊກອງ
ໃນຕອນເຊົ້າວັນທີ 10 ກັນຍາ 2021 ນີ້ີພະແນກສາທາລະນະສຸກແຂວງເຊກອງ ໄດ້ຈັດສົ່ງຄົນເຈັບຈໍານວນ 2 ຄົນທີ່່ຫາຍດີຈາກພະຍາດອັດເສບປອດສາຍພັນໃໝ່ ( ໂຄວິດ-19) ກໍລະນີທີ3 ແລະ ທີ4 ຂອງແຂວງເຊກອງ ເຊີ່ງທັງສອງຄົນໄດ້ເຂົ້າມາຮັບການປີ່ນປົວແຕ່ວັນທີ 16 ເດືອນສິງຫາ 2021 ແລະກໍໄດ້ເຂົ້າຮັບການປິ່ນປົວຢູ່ສູນປິ່ນປົວໂຮງໝໍແຂວງເຊກອງເປັນເວລາ 17 ວັນ ແລະໄດ້ຮັບການເອົາໃຈໃສ່ປິ່ນປົວຈາກພະນັກງານແພດ-ໝໍຖືກຕ້ອງຕາມຫຼັກວິຊາການຢ່າງເຂັ້ມງວດ, ອັນໄດ້ເຮັດໃຫ້ອາການຂອງພວກກ່ຽວທັງສອງດີຂຶ້ນຢ່າງຕໍ່ເນື່ອງ ແລະພວກກ່ຽວບໍ່ມີໄຂ້, ໄອ, ຈາມ, ບໍ່ເມື່ອຍ ແລະກິນດື່ມໄດ້ເໝືອນຄົນປົກກະຕິທົ່ວໄປ.

ພິທີຈັດສົ່ງຜູ້ປ່ວຍຫາຍດີກັບບ້ານໄດ້ມີຂຶ້ນໃນວັນທີ 10 ກັນຍາ 2021 ຢູ່ສູນປິ່ນປົວໂຮງໝໍແຂວງ ໂດຍມີທ່ານ ບົວໄລ ເກດຈັນ ຮອງຫົວໜ້າພະແນກສາທາລະນະສຸກແຂວງ, ທ່ານ ເພັດສະໃໝ ເທບວົງສາ ຜູ້ອໍານວຍການໂຮງໝໍແຂວງ, ພ້ອມນີ້ ກໍມີຄະນະອໍານວຍການໂຮງໝໍແຂວງ, ພະນັກງານແພດ-ໝໍ ແລະພາກສ່ວນກ່ຽວຂ້ອງເຂົ້າຮ່ວມ.

ໃນໂອກາດຈັດສົ່ງຄົນເຈັບທີ່ປີ່ນປົວຫາຍດີຈາກພະຍາດໂຄວິດ-19 ໃນຄັ້ງນີ້ ທ່ານຮອງຫົວໜ້າພະແນກສາທາລະນະສຸກແຂວງກໍ່ໄດ້ກ່າວສະແດງຄວາມຂອບໃຈມາຍັງແພດໝໍທີ່ໄດ້ເອົາໃຈໃສ່ໃນການປີ່ນປົວ ແລະຄົນເຈັບທັງສອງກໍ່ໄດ້ເອົາໃຈໃສ່ຟັງຄວາມແພດໝໍປະຕິບັດຕາມທຸກຂັ້ນຕອນຂອງການປີ່ນປົວຈົນສາມາດເຮັດໃຫ້ຕົນເອງຫາຍດີ ແລະສາມາດກັບບ້ານໄດ້ ແລະຕ້ອງໄດ້ສືບຕໍ່ກັກໂຕຢູ່ບ້ານຕື່ມອີກ 14 ວັນ.
ຂ່າວ:ແວວຕາ