ມີເດຍລາວແຂວງຄຳມ່ວນ
ວັນທີ 10 ກັນຍາ 2021 ຢູ່ທີ່ຫ້ອງວ່າການ ແຂວງຄຳມ່ວນ ທ່ານ ນິພົນ ສີປະມວນ ຮອງປະທານ ບໍລິສັດ ຫວຽດ-ລາວ ຈຳກັດ ພ້ອມທັງເປັນ ປະທານບໍລິສັດ ຂົນສົ່ງສາກົນ ແມ່ຂອງ ຈຳກັດ ໄດ້ມອບເງິນ ເພື່ອຊ່ວຍເຫຼືອເຂົ້າໃນວຽກງານ ຄວບຄຸມ ແລະ ປ້ອງກັນ ການແຜ່ລະບາດ ພະຍາດອັກເສບປອດສາຍພັນໃໝ່ ໂຄວິດ-19 ຢູ່ແຂວງຄຳມ່ວນ ຈຳນວນ 150.000.000 ກີບ

(ໃນນັ້ນ ບໍລິສັດ ຫວຽດ-ລາວ ຈຳກັດ ຈຳນວນ 50.000.000 ກີບ ແລະ ບໍລິສັດ ຂົນສົ່ງສາກົນ ແມ່ຂອງ ຈຳກັດ ຈຳນວນ 100.000.000) ເຊິ່ງກ່າວຮັບໂດຍ ທ່ານ ບຸນມີ ພິມມະສອນ ປະທານສະພາປະຊາຊົນແຂວງ, ພ້ອມທັງເປັນຫົວໜ້າຄະນະສະເພາະກິດ ຄວບຄຸມ ແລະ ປ້ອງກັນ ການແຜ່ລະບາດ ພະຍາດ ໂຄວິດ-19 ຂັ້ນແຂວງ. ໂອກາດນີ້ ທ່ານ ບຸນມີ ພິມມະສອນ ກໍ່ໄດ້ມອບໃບຍ້ອງຍໍ ແລະ ສະແດງຄວາມຂອບໃຈ ມາຍັງທ່ານ ນິພົນ ສີປະມວນ ພ້ອມຄະນະ ທີ່ເປັນຫ່ວງເປັນໄຍຕໍ່ແຂວງຄຳມ່ວນ ແລະ ເຫັນໄດ້ຄວາມສຳຄັນ ຕໍ່ວຽກງານດັ່ງກ່າວ.