ມີເດຍລາວແຂວງຜົ້ງສາລີ
ຕອນເຊົ້າຂອງວັນທີ່13ກັນຍາ 2021ຢູ່ທີ່ສະໂມສອນຂອງເມືອງໃຫມ່ແຂວງຜົ້ງສາລີໄດ້ຈະກອງປະຊຸມເຜີຍແຜ່ຜັນຂະຫຍາຍຜົນສຳເລັດກອງປະຊຸມໃຫຍ່ທີ່ເປັນຕົວແທນໃຫ້ແກ່ອົງການຈັດຕັ້ງພາຄີ,​ຜູ້ຊົງຄຸນວຸດທິປະຊາຊົນບັນດາເຜົ່າ,​ຊັ້ນຄົນ,​ສາສະໜາແລະເພດໄວໃນທົ່ວແຂວງຜົ້ງສາລີ,​ໃນກອງປະຊຸມດັ່ງກ່າວນີ້ໃຫ້ກຽດເປັນປະທານໂດຍທ່ານ ນາງຕູລາພອນອາລີຍະ ກຳມະການພັກແຂວງ ປະທານສະຫະພັນກຳມະບານແຂວງເປັນຜູ້ເຜີຍແຜ່ຜົນສຳເລັດກອງປະຊຸມພ້ອມດຽວກັນນີ້ມີກຳມະການປະຈຳພັກເມືອງກຳມະການພັກເມືອງຫົວຫນ້າຫ້ອງການພະນັກງານລັດທະກອນເຖົ້າແກ່ບຳນານຕະຫລອດຮອດພໍ່ແມ່ປະຊາຊົນທີ່ຢູ່ອ້ອມຂ້າງເມືອງເຂົ້າຮ່ວມຢ່າງພ້ອມພຽງ

ໃນກອງປະຊຸມດັ່ງກ່າວໄດ້ຮັບຟັງເນື້ອໃນຂອງກອງປະຊຸມໄດ້ສະແດງໃຫ້ເຫັນໝາກຜົນແຫ່ງຈັດຕັ້ງປະຕີບັດມະຕີກອງປະຊຸມໃຫຍ່ຄັ້ງທີ່ Vl ຂອງຄະນະກຳມະການແນວລາວສ້າງຊາດແຂວງໃນຂົງເຂດວຽກງານ,​ເຊີ່ງມີຜົນສຳເລັດຫຼາຍດ້ານ ທີ່ຫນ້າເອກອ້າງ,​ທີ່ໄດ້ປະກອບສ່ວນສຳຄັນເຂົ້າໃນການສ້າງຜື້ນຖານແລະທ່ວງທ່າໃຫມ່ໃຫ້ແກ່ການສືບຕໍ່ເຕົ້າໂຮມຄວາມສາມັກຄີປອງດອງປະຊາຊົນບັນດາເຜົ່າກໍ່ຄືການຂະຫຍາຍຕົວທາງດ້ານເສດຖະກີດ-ສັງຄົມພາຍໃນແຂວງໄປຕາມທີດແລະຈຸດໝາຍທີ່ອົງຄະນະພັກແຂວງວາງໄວ້,​ກອງປະຊຸມໄດ້ຮັບເອົາຂໍ້ສະຫຼູບ5ປະການທີ່ເປັນບົດຮຽນຖອດຖອນໄດ້ຈາກພືດຕີກຳຕົວຈີງແຫ່ງການຈັດຕັ້ງປະຕີບັດທັງໄດ້ຕີລາຄາສູງຕໍ່ຄວາມພະຍາຍາມອັນຕັ້ງຫນ້າແລະຄວາມເປັນເຈົ້າການປະດີດສ້າງການສື່ກສາອົບຮົມເສີມຂະຫຍາຍມູນເຊື້ອແລະບົດຮຽນເຂົ້າໃນການຈັດຕັ້ງປະຕີບັດກອງປະຊຸມໄດ້ດຳເນີນພາຍໃນບັນຍາກາດອັນເບີກບານມ່ວນຊື່ນ,​ຝົດຟື້ນມີຄວາມສາມັກຄີເປັນເອກະພາບແລະມີຄວາມຮັບພີດຊອບທາງການເມືອງທີສູງໄດ້ຮັບຜົນສຳເລັດອັນຈົບງາມ