ມີເດຍລາວແຂວງຈຳປາສັກ
ໃນວັນທີ 13  ກັນຍາ 2021 ນີ້, ເມືອງໂພນທອງ ແຂວງຈຳປາສັກ ໄດ້ຈັດພິທີປາຖະກະຖາວັນສຳຄັນຕ່າງໆຂອງຊາດ ແລະ ຂອງສາກົນ ຂື້ນຢູ່ທີ່ສະໂມສອນຂອງເມືອງ ໃຫ້ກຽດເປັນປະທານຂອງສະຫາຍ ສຸພາບ ທຳມະຮັກສາ ກຳມະການພັກແຂວງ ເລຂາພັກເມືອງ ເຈົ້າເມືອງໆໂພນທອງ, ມີ ສະຫາຍຮອງເລຂາ, ຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານ ແລະ ເລຂາໜ່ວຍພັກ ພ້ອມດ້ວຍຄະນະເຂົ້າຮ່ວມ.

ເອກກະສານທີ່ນຳມາປາຖະກະຖາໃນຄັ້ງນີ້ ປະກອບມີ 7 ເອກະສານຄື: 1.ວັນລັດຖະທຳມະນູນ ແຫ່ງ ສ ປ ປ ລາວ ຄົບຮອບ 30 ປີ (15 ສິງຫາ 1991-15 ສິງຫາ 2021) ໂດຍແມ່ນສະຫາຍ ສຸພາບ ທຳມະຮັກສາ ກຳມະການພັກແຂວງ ເລຂາພັກເມືອງ ເຈົ້າເມືອງໆໂພນທອງເປັນຜູ້ນຳສະເໜີ, 2.ວັນຢຶດອຳນາດ ທົ່ວປະເທດ ສ ປ ປ ລາວ ຄົບຮອບ 76 ປີ (23 ສິງຫາ 1645-23 ສິງຫາ 2021), 3.ວັນສ້າງຕັ້ງອາຊຽນ ຄົບຮອບ 54 ປີ (8 ສິງຫາ 1976-8 ສິງຫາ 2021)ໂດຍສະຫາຍ ໄພສານ ອ່ອນໄຊວຽງ ຮອງເລຂາພັກເມືອງ ປະທານກວດກາພັກລັດເມືອງ, 4.ວັນເກີດ ປະທານ ສຸພານຸວົງ ຄົບຮອບ 112 ປີ (13 ກໍລະກົດ 1909-13 ກໍລະະກົດ 2021), 5.ວັນເກີດ ພີແດນ ກາສໂຕຣ ຣຸດສ ຄົບຮອບ 95 ປີ (13 ກໍລະກົດ 1926-13 ກໍລະກົດ 2021) ໂດຍສະຫາຍ ນ ສະຖິດ ພັກດີ ຮອງເລຂາພັກເມືອງ ຜູ້ຊີນຳວຽກງານການເມືອງແນວຄິດ, 6.ວັນສົນທິສັນຍາມິດຕະພາບການຮ່ວມມືລະຫວ່າງ ລາວ-ຫວຽດນາມ ຄົບຮອບ 44 ປີ (18 ກໍລະກົດ 1977-18 ກໍລະກົດ 2021) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 59 ປີ (5 ກັນຍາ 1962-5 ກັນຍາ 2021), 7.ວັນຊາດສາທາລະນະລັດສັງຄົມນິຍົມຫວຽດນາມ ຄົບຮອບ 76 ປີ (2 ກັນຍາ 1945-2 ກັນຍາ 2021) ໂດຍສະຫາຍ ຄຳພັນ ອຸ່ນຄຳ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມເມືອງ ນຳສະເໜີອີກດ້ວຍ.