ມີເດຍລາວແຂວງຈຳປາສັກ
ໃນລະຫວ່າງວັນທີ4 ກັນຍາ ຫາ 13 ກັນຍາ 2021 ນີ້ ຫຼາຍພາກສ່ວນໄດ້ມອບເຄື່ອງອຸປະໂພກບໍລິໂພກ ເພື່ອປະກອບສ່ວນເຂົ້າໃນວຽກງານ ສະກັດກັ້ນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ -19 ຢູ່ເມືອງປະທຸມພອນ ແຂວງຈໍາປາສັກ ເຊິ່ງໄດ້ຈາກຜູ້ປະກອບການທຸລະກິດ ແລະ ໂຄງການ ເຊິ່ງປະກອບມີ: ໂຄງການຄຸ້ມຄອງ ແລະ ປົກປັກຮັກສາດິນບໍລິເວນນໍ້າ MRWP ເງິນສົດຈໍານວນ 35.210.000 ກີບ, ບໍລິສັດນໍ້າດື່ມສັກສິດນໍ້າດື່ມຈໍານວນ 150 ແກັດ ລວມມູນຄ່າ 2.250.000 ກີບ, ຄອບຄົວທ່ານ ອາຟົງ ມອບເຄື່ອງອຸປະໂພກ-ບໍລິໂພກ ລວມມູນຄ່າ 1.500.000 ກີບ, ຄອບຄົວ ທ່ານ ອາເຈ ມອບເຄື່ອງອຸປະໂພກ-ບໍລິໂພກ ລວມມູນຄ່າ 2.100.000ກີບ, ໂຮງງານລັດສະໜີໂຊກ ມອບເງິນສົດຈໍານວນ 2.000.000ກີບ ແລະ ຜ້າປິດປາກ-ດັງ,ເຈວລ້າງມື ລວມມູນຄ່າ 5.500.000 ກີບ, ບໍລິສັດແຮ່ຊາຍໝໍ້ພຸ້ ມອບເງິນສົດ 1.000.000 ກີບ ແລະ ນໍ້າດື່ມ,ກາເຟ ລວມມູນຄ່າ 1.150.000ກີບ ມອບໂດຍຕ່າງໜ້າຈາກພາກສ່ວນຕ່າງໆ

ໃຫ້ກຽດຮັບໂດຍ ຕ່າງໜ້າຄະນະສະເພາະກິດຄວບຄຸມ,ສະກັດກັ້ນ ແລະ ຕອບໂຕ້ການແຜ່ລະບາດພະຍາດໂຄວິດ19 ຂັ້ນເມືອງ ພິທີມອບມີຂຶ້ນຢູ່ທີ່ສໍານັກງານຫ້ອງວ່າການເມືອງປະທຸມພອນ ເພື່ອນຳໄປມອບຕໍ່ໃຫ້ເຈົ້າໜ້າທີ່ໆປະຕິບັດໜ້າທີ່ວຽກງານ ສະກັດກັ້ນ ຄວບຄຸມ ການ ແຜ່ລະບາດຂອງພະຍາດ ໂຄວິດ -19 ຢູ່ຈຸດກັກກັນ,ຈຸດກັນກອງ ແລະ ດ່ານກວດກາຄົນເຂົ້າອອກແຕ່ລະຈຸດຂອງເມືອງ ພ້ອມນີ້ຄະນະພັກອໍານາດການປົກເມືອງຂໍໄດ້ສະແດງຄໍາຂອບໃຈຍ້ອງຍໍຊົມເຊີຍພ້ອມທັງມອບໃບກຽດຕິຄຸນຕໍ່ຜູ້ປະກອບສ່ວນໃນຄັ້ງນີ້ອີກດ້ວຍ.
ຂ່າວ : ຖວທ ປະທຸມພອນ
ພາບ : ຄະນະສະເພາະກິດຂັ້ນເມືອງ