ມີເດຍລາວແຂວງຈຳປາສັກ
ໃນວັນທີ 14 ກັນຍາ 2021 ນີ້: ທ່ານ ສອນສະຫວັນ ສີວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆຊະນະສົມບູນ ພ້ອມດ້ວຍຄະນະກຳມະການຄຸ້ມຄອງໄພພິບັດຂັ້ນເມືອງ .ໄດ້ນໍາເອົາເຂົ້າສານໜຽວຈຳນວນ 2 ກະສອບ ແລະ ສັງກະສີຈຳນວນ 50 ແຜ່ນ ລວມມູນຄ່າ 2.800.000 ກີບ.

ໄປມອບໃຫ້ກັບຄອບຄົວທ້າວ ເສີມ ແລະ ນາງ ແຕ໋ນ ປະຊາຊົນບ້ານພັດທະນານາຊອນ ເມືອງຊະນະສົມບູນ ແຂວງຈຳປາສັກ.ເຊີ່ງແມ່ນໜຶ່ງຄອບຄົວປະຊາຊົນທີ່ໄດ້ຮັບຜົນກະທົບຈາກລົມພາຍຸ ( ໂກນເຊີນ ) ພັດເຮືອນເປ້ເພເສຍຫາຍຈຳນວນ 1 ຫຼັງໂດຍປະເມີນລວມມູນຄ່າເສຍຫາຍທັງໝົດ 57.450.000 ກີບ.ເຂົ້າຮ່ວມໃນພິທີມອບຮັບໃນຄັ້ງນີ້: ມີທ່ານ ອຳໄຊ ພອນມະນີ ຫົວໜ້າຫ້ອງການການເງີນເມືອງ,ທ່ານ ບຸນເຮັງ ຈຸລະມະນີ ເລຂາພັກຮາກຖານຊີ້ນຳກຸ່ມ IV ,ມີອົງການປົກຄອງບ້ານ ແລະ ຄອບຄົວປະຊາຊົນທີ່ໄດ້ຮັບຜົນກະທົບເຂົ້າຮ່ວມ.ທັງນີ້ກໍ່ເພືີ່ອເປັນການພົບປະຢ້ຽມຢາມຖາມຂ່າວ,ໃຫ້ກຳລັງໃຈຕໍ່ກັບຄອບຄົວປະຊາຊົນທີ່ໄດ້ຮັບຜົນກະທົບ ແລະ ຊ່ວຍເຫລືອຢຽວຢາຂັ້ນເບື້ອງຕົ້ນອິກດ້ວຍ.

ໂດຍອິງຕາມການລາຍງານຂອງຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນເມືອງຊະນະສົມບູນໃຫ້ຮູ້ວ່າ: ສັງລວມແລ້ວສຳລັບເຫດການລົມພາຍຸ ( ໂກນເຊີນ ) ທີ່ໄດ້ພັດຜ່ານເຂົ້າເມືອງຊະນະສົມບູນ ແລະ ສົ່ງຜົນເຮັດໃຫ້ 3 ບ້ານຂອງເມືອງໄດ້ຮັບຜົນກະທົບຄື: ບ້ານໃຫ່ຍຕົວເມືອງນ້ອຍສິງສຳພັນ,ບ້ານພັດທະນານາຊອນ ແລະ ບ້ານພັດທະນາດົງລ້ານຄຳ.ເຊີ່ງລວມມູນຄ່າເສຍຫາຍບໍ່ຕ່ຳກວ້າ 100 ລ້ານກີບ. ປັດຈຸບັນຄະນະກຳມະການທີ່ກ່ຽວຂ້ອງຂອງແຂວງ ແລະ ເມືອງ.ໄດ້ລົງມອບເຄື່ອງຊ່ວຍເຫຼືອປະກອບມີ ເຂົ້າສານໜຽວ,ສັງກະສີ ແລະ ເຫຼັກຕະປູ ລວມມູນຄ່າ 11.550.000 ກີບ ໃຫ້ກັບຄອບຄົວພໍ່ແມ່ປະຊາຊົນ 3 ທີ່ໄດ້ຮັບຜົນກະທົບເພື່ອຊ່ວຍເຫຼືອຢຽວຢາຂັ້ນເບື້ອງເປັນທີ່ຮຽບຮ້ອຍແລ້ວ.
ບັນນາທິການຂ່າວແຂວງ ໂດຍ: ແຫຼມ ຖວທ ເມືອງຊະນະສົມບູນ