ມີເດຍລາວແຂວງໄຊສົມບູນ
ແນວລາວສ້າງຊາດ ແຂວງໄຊສົມບູນ ຈັດກອງປະຊຸມຖອດຖອນບົດຮຽນການຈັດຕັ້ງປະຕິບັດຂະບວນການສ້າງຄອບ ຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ໄດ້ຈັດຂື້ນໃນຕອນເຊົ້າຂອງວັນທີ 16 ກັນຍາ 2021 ນີ້ ທີ່ຫ້ອງ ປະຊຸມສານປະຊາຊົນ ແຂວງໄຊສົມບູນ ໂດຍການເປັນປະທານ ຂອງທ່ານ ເລັ່ງຊົ່ງ ຕົ່ງຊີ, ຄະນະປະຈໍາພັກແຂວງ ປະທານແນວລາວສ້າງຊາດ ແຂວງ, ມີຮອງປະທານແນວລາວສ້າງຊາດ ແຂວງ, ມີບັນດາປະທານ-ຮອງປະທານແນວລາວສ້າງ ຊາດ 5 ເມືອງ ພ້ອມດ້ວຍພະນັກງານພາຍໃນອົງການ ເຂົ້າຮ່ວມ.

ໂອກາດນີ້ ທ່ານ ເລັ່ງຊົ່ງ ຕົ່ງຊີ, ຄະນະປະຈໍາພັກ ແຂວງ ປະທານແນວລາວສ້າງຊາດ ແຂວງ ໄດ້ມີຄໍາເຫັນ ແລະ ກ່າວເປີດກອງປະຊຸມ ເຊິ່ງທ່ານ ໄດ້ຍົກໃຫ້ເຫັນເຖິງຄວາມໝາຍ-ຄວາມສຳຄັນໃນການຈັດຕັ້ງປະຕິບັດຂະບວນການສ້າງຄອບ ຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ພາຍໃນແຂວງໄຊສົມບູນ ພ້ອມນີ້ທ່ານ ໄດ້ຮຽກຮ້ອງມາຍັງ ປະທານ-ຮອງປະທານແນວລາວສ້າງຊາດທັງ 5 ເມືອງ ຈົ່ງພ້ອມກັນສຸມສະຕິປັນຍາຂອງຕົນ ໃນການປະກອບຄໍາ-ຄໍາເຫັນໃສ່ບັນດາ ໜ້າວຽກ ໂດຍຄວາມຮັບຜິດຊອບສູງ ໃນການຈັດຕັ້ງປະຕິບັດວຽກງານໃນໄລຍະ 5 ປີ ຜ່ານມາ ທັງນີ້ກໍເພື່ອເຮັດ ໃຫ້ວຽກງານ ພາຍໃນຄວາມຮັບຜິດຊອບຂອງຕົນ ໄດ້ຈັດຕັ້ງປະຕິບັດໃຫ້ມີປະສິດທິພາບ ແລະ ປະສິດທິພົນສູງກວ່າເກົ່າ.

ຈາກນັ້ນ ບັນດາ ຜູ້ເຂົ້າຮ່ວມກອງປະຊຸມໄດ້ຮັບຟັ້ງການຜ່ານຮ່າງບົດສະຫຼຸບຕີລາຄາການຈັດຕັ້ງປະຕິບັດການສ້າງຄອບຄົວ ແລະ ບ້ານສາມັກຄີ ປອງດອງຂອງແນວລາວສ້າງຊາດ ແຂວງ ໃນໄລຍະ 5 ປີ ຜ່ານມາ ແລະ ທິດທາງແຜນການ 5 ປີຕໍ່ໜ້າ ຈາກ ທ່ານ ທູນ ເພັດສະໝອນ, ຮອງປະທານແນວລາວສ້າງຊາດ ແຂວງ, ເຊິ່ງໃນໄລຍະ 5 ປີຜ່ານມາ ແນວລາວສ້າງຊາດ ແຂວງ ໄດ້ເອົາໃຈ ໃສ່ປະຕິບັດພາລະບົດບາດ ເປັນຄັນທຸງເຕົ້າໂຮມຄວາມສາມັກຄີປອງດອງ ແລະ ປຸກລະດົມ ປະຊາຊົນບັນດາເຜົ່າ, ສາສະໜາ, ຊັ້ນຄົນ, ໃນການເຂົ້າຮ່ວມວຽກງານປົກປັກຮັກສາ ແລະ ສ້າງສາພັດທະນາ ແຂວງໄຊສົມບູນ ໂດຍນໍາເອົາແນວທາງນະໂຍບາຍ, ມະຕິ, ຄໍາສັ່ງຂອງພັກ, ລະບຽບກົດໝາຍ, ແຜນພັດທະນາເສດຖະກິດ-ສັງຄົມ ຂອງລັດ ລົງເຜີຍແຜ່ເຊື່ອມຊຶມ ໃຫ້ປະຊາຊົນ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ

ພ້ອມດຽວກັນນີ້ ຄະນະພັກ, ອົງການປົກຄອງ ແຂວງ ໃນແຕ່ລະຂັ້ນ ໄດ້ຖືເອົາວຽກງານ ການສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດ ເປັນວຽກທີ່ສໍາຄັນ, ເປັນມູນເຊື້ອ ຂອງປະຊາ ຊົນບັນດາເຜົ່າ ໃນການປະກອບສ່ວນຕໍ່ການປົກປັກຮັກສາ ແລະ ພັດທະນາປະເທດຊາດ, ທັງແມ່ນໜຶ່ງໃນມາດຖານ ຂອງການ ສ້າງບ້ານພັດທະນາ.

ພ້ອມນັ້ນ ໃນການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດ ນັບແຕ່ປີ 2017 ຈົນເຖິງປະຈຸບັນໃນທົ່ວແຂວງ ສາມາດປະກາດຮັບຮອງຄອບຄົວສາມັກຄີ ປອງດອງໄດ້ 9026 ຄອບຄົວ, ເທົ່າກັບ 54,83% ຂອງຈໍານວນຄອບຄົວທັງໝົດພາຍໃນແຂວງ ແລະ ໄດ້ 55 ບ້ານ ສາມັກຄີປອງດອງ ເທົ່າກັບ 61,79% ຂອງຈໍານວນບ້ານທັງໝົດພາຍໃນແຂວງ ນອກນີ້ແນວລາວສ້າງຊາດແຂວງ ໄດ້ສົມ ທົບກັບສູນກາງແນວລາວສ້າງຊາດ ໄດ້ລະດົມເອົາກຸ່ມບໍລິສັດພົງສະຫວັນຈໍາກັດ ມາລົງທຶນຈັດຕັ້ງປະຕິບັດໂຄ່ງການ ເຮັດທົດ ລອງສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກ ຂອງປະຊາຊົນຢູ່ຈຸດສຸມໂພນສະຫວາດ ເມືອງລ້ອງຊານ ແຂວງໄຊສົມບູນ ກວມເອົາ 8 ບ້ານ, ມີ 1.313 ຄອບຄົວ, ເຊິ່ງເປັນໂຄງການຊຸກຍູ້, ສົ່ງເສີ່ມພັດທະ ນາກະສີກໍາຄົບວົງຈອນ ແລະ ເປັນໂຄງການທີີ່ສໍາຄັນໃນການຊ່ວຍເຫຼືອແກ້ ໄຂຄວາມທຸກຍາກຂອງປະຊາຊົນບັນ ດາເຜົ່າຢູ່ພາຍ ໃນແຂວງໄຊສົມບູນ. ຈາກນັ້ນບັນດາຜູ້ເຂົ້າຮ່ວມກອງປະຊຸມໄດ້ຜັດປ່ຽນກັນຂຶ້ນປະກອບຄໍາຄິດ-ຄໍາເຫັນໃສ່ຮ່າງບົດສະຫຼຸບທີ່ ໄດ້ຈັດຕັ້ງປະຕິບັດໃນໄລຍະ 5 ປີ ຜ່ານມາ ໂດຍຄວາມຮັບຜິດຊອບສູງ ທັງນີ້ກໍເພື່ອເຮັດໃຫ້ວຽກງານດັ່ງກ່າວ ໄດ້ຈັດຕັ້ງປະຕິບັດ ສໍາເລັດຕາມຄາດໝາຍແລະ ມີປະສິດທິຜົນສູງຂຶ້ນກວ່າເກົ່າ.

ບັນນາທິການ ຂ່າວ: ນາງ ຕູດ ຄໍາພໍໃຈ