ມີເດຍລາວແຂວງຫຼວງພະບາງ ຂ່າວ: ສົມເພັດ ໄຊມີກອນ ນັກຂ່າວເມືອງໂພນທອງ ວັນທີ 17 ກັນຍາ 2021 ນີ້ ໜ່ວຍຊາວໜຸ່ມສາທາລະນະເມືອງໂພນທອງ ໄດ້ຈັດພິທີປະກາດແຕ່ງຕັ້ງເລຂາໜ່ວຍຊາວໜຸ່ມຜູ້ໃໝ່ ແລະປະກາດຊາວໜຸ່ມຜູ້ທີພົ້ນອາຍຸກະສຽນ, ມີ ທ່ານ ສີຈັນ ພົມມະຈັນ ຮອງເລຂາຄະນະບໍລິຫານງານຊາວໜຸ່ມເມືອງ, ພ້ອມດ້ວຍສະມາຊິກຊາວໜຸ່ມ ຂອງຫ້ອງການສາທາລະນະສູກ ເຂົ້າຮ່ວມ.

ໄລຍະຜ່ານມາ ຄະນະ ແລະສະມາຊິກໜ່ວຍຊາວໜຸ່ມຫ້ອງການສາທາລະນະສຸກເມືອງໂພນທອງ ໄດ້ເອົາໃຈໃສ່ເຄື່ອນໄຫວ ປະຕິບັດໜ້າທີວຽກງານ ດ້ວຍຄວາມຮັບຜິດຊອບ ສາມາດຍາດໄດ້ຜົນງານລາຍດ້ານ ໃນການປະກອບສ່ວນ ເຮັດໃຫ້ໜ່ວຍຊາວໜຸ່ມ ມີຄວາມສະຫງົບ, ຄວາມເປັນລະບຽບຮຽບຮ້ອຍໂດຍພື້ນຖານ ເປັນເງື່ອນໄຂ ເອື້ອອຳນວຍ ໃຫ້ສະມາຊິກຊາວໜຸ່ມ ໄດ້ຮັບການພັດທະນາຕົນເອງ, ຄອບຄົວ ແລະການຈັດຕັ້ງນັບມື້ມີຄວາມເຂັ້ມແຂງ ໃນທຸກດ້ານ. ຖືເອົາວຽກງານການສຶກສາອົບຮົມ ການເມືອງແນວຄິດ ເປັນບັນຫາສຳຄັນ ແລະຢູ່ແຖ້ວໜ້າ ເພື່ອເຕົ້າໂຮມຄວາມສາມັກຄີ ໃຫ້ແກ່ສະມາຊິກຊາວໜຸ່ມພາຍໃນໜ່ວຍ.

ຈາກນັ້ນ ທ່ານ ຄຳພອນ ສີບຸນເຮືອງ ຕ່າງໜ້າຄະນະບໍລິຫານງານຊາວໜຸ່ມເມືອງ ໄດ້ຜານຂໍ້ຕົກລົງຂອງຄະນະບໍລີຫານງານຊາວໜຸ່ມເມືອງ ວ່າດ້ວຍການແຕ່ງຕັ້ງ ທ່ານ ບຸນຈັນ ພັນວິໄລ ເປັນເລຂາໜ່ວຍຊາວໜຸ່ມສາທາລະສຸກເມືອງ ແລະແຕ່ງຕັ້ງ ທ່ານ ນາງ ນຸແກ້ວ ພັນພອນຈະເລີນ ເປັນຄະນະ,ຜ່ານຂໍ້ຕົກລົງ ວ່າດ້ວຍການລາອອກຈາກການເປັນສະມາຊິກຊາວໜຸ່ມ ພາຍຫຼັງພົ້ນອາຍຸກະສຽນ 3 ສະຫາຍ.

ໂອກາດນີ້ ທ່ານ ສີຈັນ ພົມມະຈັນ ໄດ້ເນັ້ນໜັກໃຫ້ຜູ້ ທີ່ໄດ້ຮັບໜ້າທີ່ໃໝ່ ຈົ່ງຍົກສູງຄວາມຮັບຜິດຊອບຂອງຕົນ ຕໍ່ໜ້າທີ່ການເມືອງ ທີ່ໄດ້ຮັບການມອບໝາຍ ຕັ້ງໜ້າຝຶກຝົນຫຼໍ່ຫຼອມຕົນເອງ, ທາງດ້ານຄຸນທາດການເມືອງ, ຄຸນສົມບັດ ສິນທໍາປະຕິວັດ ທາດແທ້ມູນເຊື້ອ ອັນດີງາມຂອງຊາດ-ຂອງພັກ ເພີ່ມທະວີຄວາມສາມັກຄີພາຍໃນໃຫ້ໜັກແໜ້ນ, ພາຍນອກໃຫ້ກວ້າງຂວາງ, ປັບປຸງແບບແຜນວິທີເຮັດວຽກ ຕາມຫຼັກການ ລວມສູນປະຊາທິປະໄຕ, ແບ່ງວຽກງານໃຫ້ບຸກຄົນຮັບຜິດຊອບ ເພື່ອເຮັດໃຫ້ໜ່ວຍຊາວໜຸ່ມໄດ້ຮັບການພັດທະນາດີຂື້ນ ຕາມແຜນການທີ່ວາງໄວ້ ທັງຍາດໄດ້ໜ່ວຍຊາວໜຸ່ມ 4 ບຸກຢ່າງຕໍ່ເນື່ອງ.