ຕົວເລກການແຜ່ລະບາດຂອງພະຍາດໂຄວິດ-19 ໃນຊຸມຊົນທົ່ວປະເທດ ນັບມື້ເພີ່ມສູງຂື້ນ ຖ້າທຽບໃສ່ຕົວເລກນຳເຂົ້າ ສາເຫດການເພີ່ມຂື້ນໃນຊຸມຊົນຫຼາຍຄົນກໍ່ຮູ້ແລ້ວ ຮູ້ແລ້ວຕ້ອງຖອດຖອນບົດຮຽນ ແລະ ເຂັ້ມງວດ ບໍ່ມີໃຜຊ່ວຍໄດ້ ແຕ່ນີ້ຕໍ່ໄປແຕ່ລະຄົນຕ້ອງເຂັ້ມງວດຕໍ່ຕົນເອງ ຖ້າຫາກບໍ່ຢາກສ່ຽງຕໍ່ການຕິດເຊື້ອ.

ເມື່ອຕົວເລກເປັນເຊັ່ນນີ້ແລ້ວ ຄຽງຄູ່ກັບມາດຕະການປິດບ້ານ – ປິດເມືອງ ກໍ່ຕ້ອງສຸມໃສ່ການປີ່ນປົວ ໄປຄຽງຄູ່ກັບການສັກວັກຊິນ! ເຖີງຂັ້ນນີ້ແລ້ວການສັກວັກຊິນກໍ່ຕ້ອງໃຊ້ມາດຕະການບັງຄັບບໍ່ຊັ້ນໄປບໍ່ລອດ ເຊັ່ນດຽວກັນກັບມາດຕະການປິດບ້ານ – ປິດເມືອງ ຕ້ອງໄປຄຽງຄູ່ກັບການຊ່ວຍເຫຼືອດ້ານສະ ບຽງອາຫານ ຄວນເບີ່ງບົດຮຽນຂອງເພື່ອນມິດຍຸດທະສາດ ເຊັ່ນ: ສ.ສ ຫວຽດນາມ ຫຼາຍພາກສ່ວນທັງພາກລັດ ແລະ ເອກະຊົນ ສົ່ງອາຫານ – ການກິນ ໄປຊ່ວຍເຫຼືອແຈກຢາຍໃຫ້ຜູ້ທີ່ຖືກກັກຕົວ ຫາກພວກເຮົາສັ່ງແຕ່ກັກ ແຕ່ປິດ ຫາກບໍ່ຊ່ວຍກັນດ້ານເຄື່ອງຢູ່ຂອງກິນແລ້ວມັນກໍ່ລຳບາກ ສຳລັບເຂດທີ່ຖືກຈຳກັດບໍລິເວນ ເພາະຄົນເຮົາຕ້ອງກິນອາຫານມື້ໜື່ງສາມຄາບ ບໍ່ທໍ່ນັ້ນຢູ່ຈຸດກັ້ນກໍ່ຕ້ອງປັບປຸງໃໝ່ ຕ້ອງມີໜ່ວຍແພດກວດຫາເຊື້ອໂຄວິດ-19 ປະຈຳຢູ່ຫັ້ນເພື່ອກວດຫາເຊື້ອ ເມື່ອມີຄົນຜ່ານຈຸດນັ້ນບໍ່ພຽງແຕ່ກວດໃບຢັ້ງຢືນການສັກຢາຄົບສອງເຂັມ ເພາະສັກຢາແລ້ວກໍ່ມີສິດຕິດເຊື້ອໄດ້.

ມີການຕັ້ງບັນຫາວ່າ: ຜູ້ນຳເຊື້ອມາປ່ອຍໃສ່ຜູ້ອື່ນເຊັ່ນ: ກໍລະນີໄປສົ່ງສະການ ຢູ່ເມືອງປາກເຊ ແຂວງຈຳປາສັກ; ກໍລະນີຢູ່ໂຮງງານອານພີລາວ ຢູ່ບ້ານຫ້ວຍຫົງ ນະຄອນຫຼວງວຽງຈັນ ນັ້ນຈະນຳເອົາຜູ້ກ່ຽວຂ້ອງເຂົ້າສູ່ຂະບວນການຍຸຕິທຳ ຄືກໍລະນີ 59 ຜ່ານມາ ຫຼື ບໍ່?.

ສຳລັບຕົວເລກສັກວັກຊິນ ມາຮອດວັນທີ 15/9/2021 ຕາມຄະນະສະເພາະກິດ ໃຫ້ຮູ້ວ່າ: ຈຳນວນຜູ້ໄດ້ຮັບເຂັມ 1 ແມ່ນ 2.739.614 ຄົນ, ເຂັມ 2 ແມ່ນ 1.890.717 ຄົນ ຈາກຕົວເລກນີ້ຄິດວ່າໝົດປີ 2021 ຄົງບັນລຸຄາດໝາຍ 50% ຂອງປະຊາກອນຕ້ອງໄດ້ຮັບວັກຊິນ.

ເວົ້າເລື່ອງວັກຊິນຕ້ອງເຂົ້າໃຈວ່າ: ຄັນສັກຄົບສອງເຂັມ ເວລາຕິດເຊື້ອຈະບໍ່ມີອາການຮຸນແຮງ; ບໍ່ສ່ຽງເສຍຊີວິດເນີ! ຫາກບໍ່ແມ່ນປ້ອງກັນການຕິດເຊື້ອ ໃນໂລກນີ້ຫາກໍ່ເຮັດໄດ້ແບບນີ້ແລ້ວ ສຳລັບການລະບາດຂອງພະຍາດໂຄວິດ-19.

ຂໍໃຫ້ທຸ່ນທ່ຽງເສບຂ່າວຢ່າງມີສະຕິບໍ່ຕື່ນເກີນໄປ ຟັງແຫຼ່ງຂ່າວຈາກຄະນະສະເພາະກິດທໍ່ນັ້ນເນີ!.

#ມີເດຍລາວ