ສື່ມວນຊົນແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ ວັນທີ 21ກັນຍາ 2021 ຢູ່ທີ່ຫ້ອງວ່າການປົກຄອງເມືອງບາຈຽງຈະເລີນສຸກ ແຂວງຈໍາປາສັກ ທ່ານ ຮອງເຈົ້າແຂວງໆຈໍາປາສັກພ້ອມຄະນະໄດ້ລົງເຄື່ອນໄຫວມອບເຄື່ອງຊ່ວຍເຫຼືອຈໍານວນໜື່ງເພື່ອສົມທົບເຂົ້າໃນວຽກງານປ້ອງກັນ,ຄວບຄຸມ,ສະກັດກັ້ນການແຜ່ລະບາດຂອງພະຍາດຂອງໂຄວິດ-19

ນໍາໂດຍທ່ານ ສົມບູນ ເຮືອງວົງສາ ຄະນະປະຈໍາພັກແຂວງ ຮອງເຈົ້າແຂວງໆຈໍາປາສັກພ້ອມດ້ວຍທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ ປະທານກວດກາພັກ-ລັດແຂວງຈໍາປາສັກ ,ສໍາລັບເຄື່ອງທີ່ນໍາມາຊ່ວຍເຫຼືອໃນນັ້ນມີ  ຜ້າອັດປາກ 1.600 ຖົງ, ສະເປສິດແອວກໍຮໍຂ້າເຊື້ອ 39 ຂວດແລະນ້ຳຢາບ້ວນປາກ 100 ຂວດ ເຊິ່ງໃຫ້ກຽດຮັບໂດຍທ່ານ ສົມລິດ ປັນທະບົວສີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງບາຈຽງຈະເລີນສຸກພ້ອມດ້ວຍຄະນະສະເພາະກິດປ້ອງກັນ,ຄວບຄຸມສະກັດກັ້ນການລະບາດຂອງພະຍາດໂຄວິດ-19ຂັ້ນເມືອງເຂົ້າຮ່ວມເປັນສັກຂີພະຍານ.