ເລີ່ມແຕ່ວັນທີ 17-22 ກັນຍາ 2021 ທີມງານເມືອງເປັນຕົ້ນແມ່ນອານຸກຳມະການຕ້ານປະກົດການຫຍໍ້ທໍ້ຂອງເມືອງ ໄດ້ຈັດແບ່ງເປັນທີມງານລົງເຮັດບົດບັນທຶກສັນຍາ 4 ບໍ່ຄື: ບໍ່ພະລີດ,​ບໍ່ເສບ, ບໍ່ຊື້, ບໍ່ຂາຍ. ທີມງານກູ່ມກູງລູກເມືອງໃຫມ່ ແຂວງຜົ້ງສາລີ ຫົວຫນ້າທີມງານນຳພາໂດຍ ທ່ານດຣ ພອນສະຫັວນ ມະນີວົງສີ ກຳມະການພັກເມືອງ ຮອງເຈົ້າເມືອງ ຜູ້ຊີ້ນຳຂົງເຂດວັດທະນະທຳ-ສັງຄົມ ທັງເປັນຫົວຫນ້າຊີ້ນຳປະກົດການຫຍໍ້ທໍ້ຕ້ານຢາເສບຕີດຂັ້ນເມືອງ ການລົງປະຕີບັດຫນ້າທີ່ວຽກງານໃນຄັ້ງນີ້ພວກເຮົາໄດ້ມີການເປີດກອງປະຊູມເຜີຍແຜ່ຢູ່ໃນແຕ່ລະບ້ານເຊີ່ງເປັນປະທານໂດຍ ທ່ານ ດຣ ພອນສະຫັວນ ມະນີວົງສີ ມີ ທ່ານ ຄຳມະນີ ປິດລາວົງ ເລຂາກູ່ມຄະນະພັກຮາກຖານ ເຂົ້າຮ່ວມກອງປະຊູມ ທ່ານ ບູນເພັງ ໄຊແສງວັນ ຂື້ນຜ່ານບົດສັນຍາ 4 ບໍ່ ພ້ອມດຽວກັນນີ້ ທ່ານ ນາງ ຄຳຫລ້າ ອີນທະວົງ ຂື້ນຜ່ານຂໍ້ຕົກລົງຂອງທ່ານເຈົ້າເມືອງສະບັບເລກທີ 311/ຈມ.ມໝ ລົງ13 ກັນຍາ 2021ວ່າດ້ວຍການແຕ່ງຕັ້ງທີມງານລົງໂຄສະນາເຜີຍແຜ່ວຽກງານ 4 ບໍ່ ແລະ ກູ່ມບ້ານກຸງລຸກ 4 ບ້ານມີ: ບ້ານແສນເງິນ, ກີວວົງວີໄລ, ບ້ານອົມພະລຸ, ບ້ານແສນຫຼວງ ກໍ່ເຂົ້້າຮ່ວມໃນຄັ້ງນີ້.


ມີອຳນາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມຢ່າງພ້ອມພຽງທັງເຮັດໃຫ້ພໍ່ແມ່ປະຊາຊົນເຂົ້າໃຈຕໍ່ເນື້ອໃນສັນຍາ 4 ບໍ່ຢ່າງທົ່ວເຖີງ ເພາະວ່າສັນຍານີ້ໄດ້ປະກອບຂໍ້ຫ້າມ,​ກົດໝາຍ,​ ກົດລະບຽບ, ​ມາດຕະການຖືກລົງໂທດຕັດອີດສະລະພາບຕະຫລອດຊີວີດຈະຖືກປັບໃໝບຸກຄົນ ຫຼື ພາຍໃນຄອບຄົວ ເລີ່ມຕົ້ນແຕ່ 10.​000.000 ກີບ ເຖີງ 500.000 ກີບ ຕາມການກະທຳພີດໜັກ ຫຼື ເບົາຄືການປູກ, ການຊື້ການເສບ, ການຂາຍ, ນັບແຕ່ 1 ເມັດຂື້ນໄປຈະໄດ້ດຳເນີນຄະດີຕາມການກຳນົດໄວ້ຂອງກົດໝາຍສະບັບເລກທີ 36/ນຍ ລົງວັນທີ 12 ສີງຫາ 2014.
ຫລັງຈາກເຜີຍແຜ່ເອກະສານສຳເລັດແລ້ວທີມງານໄດ້ຈັດແບ່ງຫນ້າວຽກຂອງໃຜລາວເຮັດບົດບັນທືກນຳແຕ່ລະຫັຼງຄາເຮືອນ ແຕ່ລະຄອບຄົວ ບັນທືກຕາມເລກທີສຳມະໂນຄົວໃຫ້ຜູ້ກ່ຽວຮັບຮອງທັງເຊັນບົດບັນທືກຂອງແຕ່ລະທ່ານເພື່ອເປັນການຢັ້ງຢື່ນເປັນຫລັກຖານໃນເວລາຜູ້ກ່ຽວໄດ້ມີການລະເມີດຕໍ່ລະບຽບກົດໝາຍທີ່ກຳນົດໄວ້.


ໃນຕອນທ້າຍໄດ້ຮັບຟັງການໂອ້ລົມຂອງທ່ານ ດຣ ພອນສະຫັວນ ມະນີວົງສີ ກຳມະການພັກເມືອງ ຮອງເຈົ້າເມືອງ ເຊີ່ງກ່ອນອື່ນທ່ານໄດ້ສະແດງຄວາມຮູ້ບູນຄຸນຕໍ່ກັບການຕ້ອນຮັບຂອງອົງການປົກຄອງ ແລະ ພໍ່ແມ່ປະຊາຊົນມີຄວາມຍີ້ມແຍ້ມແຈ່ມໃສເບີກບານມ່ວນຊື່ນ ສະລະເວລາອັນມີຄຸນຄ່າມາຮ່ວມຮັບຟັງການເຜີຍແຜ່ເອກະສານໃນຄັ້ງນີ້ ດັ່ງນັ້ນທ່ານຂໍຮຽກຮ້ອງໃຫ້ອຳນາດການປົກຄອງພໍ່ແມ່ປະຊາຊົນຈົ່ງພ້ອມກັນສືບຕໍ່ປະຕີບັດກົດໝາຍທີ່ກຳນົດໄວ້ນີ້ໃຫ້ທຸກທ່ານເຂົ້າໃຈຕໍ່ແນວທາງຂອງພັກ-ລັດ ບໍ່ແມ່ນແຕ່ບ້ານເຮົາເມືອງເຮົາທີ່ໄດ້ປະຕີບັດຕາມແນວທາງການປ່ຽນແປງໃຫມ່ຫັ້ນເອົາແນວຄີດໃຫມ່ສີ່ງດີໆ ຕໍ່ຜົນປະໂຫຍດອັນຊອບທຳ ຫ້າມບໍ່ໃຫ້ປູກຝີ່ນຢ່າງເດັດຂາດ ຫັນມາປູກຝັງລ້ຽງສັດ,​ ປູກໝາກແໜງ,​ ໝາກຄາຍ ແລະ ອື່ນໆ ຊອກຫາກີນແບບທຳມະຊາດ ຢູ່ໃຫ້ເປັນສູກ ເຮັດນາຮົ້ວສວນໃຫ້ນັບມື້ນັບດີຂື້ນ ໃຫ້ນັບມື້ມີການຂະຫຍາຍຕົວໃນດ້ານເສດຖະກີດດິຂື້ນເປັນກ້າວໆ ມີການພັດທະນາຄອບຄົວໃຫ້ຢູ່ເຢັນເປັນສຸກຕະຫລອດໄປ.
ພາບ-ຂ່າວ: ນາງຄຳຫລ້າ ອີນທະວົງ ຫ້ອງການ ຖວທ ເມືອງໃຫມ່ ແຂວງຜົ້ງສາລີ