ໃນຕອນບາຍຂອງວັນທີ 22 ກັນຍາ 2021 ທາງໜ່ວຍພັກຄະນະຈັດຕັ້ງ, ຄະນະກວດກາ ແລະ ຄະນະໂຄສະນາອົບຮົມເມືອງໃໝ່ ໄດ້ຈັດພິທີມອບ-ຮັບ ໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງໜ່ວຍໂດຍເປັນກຽດເຂົ້າຮ່ວມຂອງສະຫາຍ ສອນສະໜຸກ ສີສຸລາດ ກຳມະການປະຈໍາພັກເມືອງ ຮອງເລຂາພັກເມືອງ, ຜູ້ຊີ້ນຳວຽກງານພັກພະນັກງານ, ມີສະຫາຍ ສົມປານ ຈັນທະລາ ກໍາມະການພັກເມືອງ ເລຂາໜ່ວຍພັກ ໜ່ວຍພັກຈັດຕັ້ງ-ກວດກາ-ໂຄສະນາອົບຮົມເມືອງ, ສະມາຊິກພັກສຳຮອງ ແລະ ສົມບູນພາຍໃນໜ່ວຍເຂົ້າຮ່ວມທັງໝົດ 13 ສະຫາຍ, ຍິງ 4 ສະຫາຍ. ໃນພິທີ ສະຫາຍ ສົມປານ ຈັນທະລາ ກໍາມະການພັກເມືອງ ເລຂາໜ່ວຍພັກຈັດຕັ້ງ-ກວດກາ-ໂຄສະນາອົບຮົມເມືອງ  ໄດ້ຂຶ້ນຜ່ານບົດສະຫຼູບຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຂອງໜ່ວຍພັກ ໃນຕະຫຼອດໄລຍະ 1 ປີ ທີ່ຜ່ານມາ ແລະ ທິດທາງແຜນການໃນຕໍ່ໜ້າປະຈຳປີ 2021, ຄະນະໜ່ວຍພັກໄດ້ຖືເອົາວຽກງານສຶກສາອົບຮົມການເມືອງ-ແນວຄິດເປັນກົກນໍາເອົາແນວທາງນະໂຍບາຍມະຕິ, ຄໍາສັ່ງ, ລະບຽບກົດໝາຍຂອງລັດ ຈັດຕັ້ງເຊື່ອມຊືມເຮັດໃຫ້ສະມາຊິກພັກພາຍໃນໜ່ວຍມີແນວຄິດຫຼັກໝັ້ນ ແລະ ເຊື່ອໝັ້ນຕໍ່ການນຳພາຂອງພັກ;  ໜ່ວຍພັກຈັດຕັ້ງ-ກວດກາ-ໂຄສະນາອົບຮົມເມືອງ ເປັນໜ່ວຍພັກໜຶ່ງໃນອົງການ ການເມືອງ, ມີຄະນະໜ່ວຍພັກ 3 ສະຫາຍ; ຍິງ 1 ສະຫາຍ. ມີສະມາຊິກພັກທັງໝົດ 15 ສະຫາຍ; ຍິງ 6 ສະຫາຍ; ສະມາຊິກພັກສຳຮອງ 2 ສະຫາຍ, ຍິງ 1 ສະຫາຍ.ຄະນະໜ່ວຍພັກໄດ້ຊີ້ນໍາ-ນຳພາມີ 3 ຫ້ອງການ, 12 ໜ່ວຍງານ, ມີພະນັກງານ-ລັດຖະກອນ  19 ສະຫາຍ, ຍິງ 6 ສະຫາຍ; ຜົນງານທີ່ທາງໜ່ວຍພັກຍາດມາໄດ້ໃນໄລ່ຍະ 1 ພານມາມີ; ຂະຫຍາຍສະມາຊິກພັກໄດ້ສຳຮອງຂື້ນສົມບູນຍິງ 1 ສະຫາຍ; ຮັບມະຫາຊົນກ້າວໜ້າຂື້ນສຳຮອງ 2 ສະຫາຍ; ຍິງ 1 ສະຫາຍ ແລະ ຮຽນກົດລະບຽບ 1 ສະຫາຍ ນອກຈາກນີ້ທາງໜ່ວຍພັກໄດ້ສົ່ງພະນັກງານໄປຮຽນທິດສະດີການເມືອງ ຊັ້ນກາງ 2 ສະຫາຍ, ຍິງ 1 ສະຫາຍ. ແລະ ຮຽນຢູ່ ສສ ຫວຽດນາມ 1 ສະຫາຍ. ນອກຈາກນັ້ນບັນດາສະຫາຍສະມາຊິກພັກຜ່າຍໃນໜ່ວຍກໍ່ໄດ້ປະກອບຄໍາຄິດຄໍາເຫັນໃສບົດສະຫຼູບ.ໃຫ້ສອດຄ່ອງ ແລະ ຄົບຖ້ວນເພື່ອເຮັດໃຫ້ບົດສະຫຼູບມີເນື້ອໃນທີ່ສົມບຸນ ແລະ ຈະແຈ້ງຂື້ນກ່ວາເກົ່າ.

ໃນພິທີ ສະຫາຍ ນາງ ແສງຈັນ ທໍາມະສິດ ຮອງຫົວໜ້າຄະນະຈັດຕັ້ງເມືອງໄດ້ຂື້ນຜ່ານມະຕິຂອງຄະນະປະຈໍາພັກເມືອງວ່າດ້ວຍການຕົກລົງມອບໃບຢັ້ງຢືນ ປອດໃສ, ເຂັ້ມແຂງ, ໜັກແໜັ້ນໃຫ້ໜ່ວຍພັກຈັດຕັ້ງ-ກວດກາ-ໂຄສະນາອົບຮົມເມືອງປະຈໍາປີ 2020 ໂດຍການກ່າວມອບຂອງ ສະຫາຍ ສອນສະໜຸກ ສີສຸລາດ ກໍາມະການປະຈໍາພັກເມືອງ ຮອງເລຂາພັກເມືອງ ຜູ້ຊີ້ນໍາວຽກງານພັກພະນັກງານ; ຂື້ນຮັບໂດຍສະຫາຍ ສົມປານ ຈັນທະລາ ກໍາມະການປະຈໍາພັກເມືອງ ເລຂາໜ່ວຍພັກຈັກຕັ້ງ-ກວດກາ-ໂຄສະນາອົບຮົມເມືອງ.

ເພື່ອເຮັດໃຫ້ພິທີ່ມອບໃບຢັ້ງຢຶນມີຄວາມໝາຍ, ຄວາມສໍາຄັນ ສະຫາຍ ສອນສະໜຸກ ສີສຸລາດ ກໍາມະການປະຈໍາພັກເມືອງ ຮອງເລຂາພັກເມືອງ, ຜູ້ຊີ້ນໍາວຽກງານພັກພະງານ ໄດ້ມີຄຳເຫັນໂອລົມ ແລະ ເນັ້ນໜັກບາງບັນຫາ. ກ່ອນອຶ່ນສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍພົນງານ ແລະ ພົນສຳເລັດທີ່ທາງໜ່ວຍພັກຍາດມາໄດ້ໃນໄລຍະ 1 ປີຜ່ານມາ ແລະ ໄດ້ເນັ້ນຕື່ມໃຫ້ໜ່ວຍພັກຈົ່ງຖືເອົາວຽກງານສຶກສາອົບຮົມການເມືອງ-ແນວຄິດ.ໃຫ້ສະມາຊິກພັກມີແນວຄິກຫຼັກໝັ້ນອຸ່ນອ່ຽນທູນທຽງເຊື້ອໝັ້ນຕໍ່ການນຳພາຂອງພັກ ແລະ ຊີ້ນຳ-ນຳພາ 5 ໜ່ວຍງານ, 7 ຈຸງານ, 8 ອົງການ; ເພື່ອມາປະຕິບັດຢູ່ໃນໜ່ວຍພັກໃຫ້ໄດ້ຕາມເປົ້າໝາຍທີ່ວ່າງໄວ້.ນອກຈາກນີ້ກໍ່ຍັງໄດ້ແນະນຳໃຫ້ສືບຕໍ່ວຽກຮັກສາມຸນເຊື້ອເພີມທະວີການຊີ້ນໍາ-ນຳພາ, ສືບຕໍ່ສ້າງແຜນກໍ່ສ້າງໜ່ວຍພັກໃຫ້ໜັກແໜ້ນໂດຍໃສ່ວ່າລະແຫ່ງຊາດທີ່ກໍານົດໄວ້ຢ່າງແຈ້ງ, ພ້ອມກັນຍົກສູງຕໍ່ໜ້າທີ່ການເມືອງໃຫ້ໄດ້ດີ ແລະ ເອົາໃຈໃສ່ຕໍ່ໜ້າທີ່ຮັບຜິດຊອບຂອງຕົນສະມາຊິກພັກຜ່າຍໃນໜ່ວຍພັກ, ຕ້ອງຊອກຮູ້ຮໍ່າຮຽນປະສົບການ, ດ້ານແຜນການເຮັດວຽກ, ຕ້ອງກໍາແໜັນພາລະບົດບາດ, ສິດ, ໜ້າທີ່ໃຫ້ສອດຄ່ອງ ແລະ ເພີມທະວີຄວາມສາມັກຄີຜ່າຍໃນໜ່ວຍພັກ, ຕ້ານ ແນວຄິດຂີ້ຄ້ານມັກງາຍ, ແນວຄິດຈຸມ່ເຈື່ອ, ເຊື້ອສາຍ,ຕ້ານການຫຼິ້ນກິນຟຸ່ມເຟື່ອຍເອົາໃຈໃສ່ຂະຫຍາຍສະມາຊິກພັກໃຫ້ໄດ້ຕໍ່ເນື່ອງ ໃຫ້ມີຄຸນນະພາບດີ.

ພາບ-ຂ່າວ: ນາງ ຄຳຫຼ້າ ເມືອງໃໝ່ ແຂວງຜົ້ງສາລີ