ມີເດຍລາວແຂວງຈຳປາສັກ
ວັນທີ 28 ກັນຍາ 2021 ນີ້: ທ່ານ ພັນໂທ ບຸນຖອງ ຈິນດາວົງ ຫົວໜ້າກອງບັນຊາການທະຫານເມືອງຊະນະສົມບູນ ຜູ້ຊີ້ນຳວຽກງານຮອບດ້ານກຸ່ມ III ທັງເປັນຄະນະສະເພາະກິດປ້ອງກັນ,ຄວບຄຸມ ແລະ ສະກັດກັ້ນຕ້ານການແຜ່ລະບາດຂອງພະຍາດໂຄວິ 19 ຂັ້ນເມືອງ ພ້ອມດ້ວຍ ທ່ານ ພັນໂທ ຄຳພູ ວໍລະຈິດ ເລຂາຄະນະພັກຮາກຖານຊີ້ນຳກຸ່ມ III .ໄດ້ນຳເອົານ້ຳດື່ມ,ຜ້າອັດປາກ-ດັງຈຳນວນໜຶ່ງ ທີ່ໄດ້ຮັບການອຸປະຖຳຊ່ວຍເຫຼືອຈາກຫຼາຍພາກສ່ວນໃນສັງຄົມ ໂດຍມອບຜ່ານຄະນະສະເພາະກິດປ້ອງກັນ ແລະ ຄວບຄຸມພະຍາດໂຄວິດ 19 ຂັ້ນເມືອງ ແລ້ວນຳມາມອບໃຫ້ແກ່ຄະນະສະເພາະກິດ,ປ້ອງກັນຕ້ານການລະບາດຂອງພະຍາດໂຄວິດ 19 ກຸ່ມ III ແລະ 2 ບ້ານຊາຍແດນຄື: ບ້ານໃຫ່ຍຕົວເມືອງນ້ອຍສິງສຳພັນ,ບ້ານສຸລະ ແລະ ອ້າຍ,ນ້ອງ ກຳລັງປ້ອງກັນຊາດທະຫານຊາຍແດນກອງຮ້ອຍ 521 ເພື່ອປະກອບສ່ວນຊຸກຍູ້ເຂົ້າໃນວຽກງານຕອບໂຕພະຍາດໂຄວິດ 19. ໂດຍມີຄະນະສະເພາະກິດປ້ອງກັນໂຄວິດ 19 ຂັ້ນບ້ານ ລວມທັງ ອ້າຍ-ນ້ອງກຳລັງທະຫານຊາຍແດນກອງຮ້ອຍ 521 ທີ່ຂື້ນກັບກອງບັນຊາການທະຫານແຂວງຈຳປາສັກເຂົ້າຮ່ວມ.

ໃນໂອກາດທີ່ ທ່ານ ພັທ ບຸນຖອງຈິນດາວົງ ໄດ້ໃຫ້ສຳພາດກ່າວເຖີງຈຸດປະສົງໃນການເຄື່ອນໄຫວລົງມອບເຄື່ອງເທື່ອນີ້ວ່າ: ກໍ່ເພື່ອເປັນການຕິດຕາມຊຸກຍູ້ ແລະ ໃຫ້ກຳລັງໃຈ ຕໍ່ກັບອ້າຍ – ນ້ອງກຳລັງປ້ອງກັນຊາດ-ປ້ອງກັນຄວາມສະຫງົບ ພ້ອມດ້ວຍ ຄະນະສະເພາະກິດປ້ອງກັນພະຍາດໂຄວິດ 19 ຂັ້ນບ້ານ.ທີ່ໄດ້ເຄື່ອນໄຫວຕັ້ງດ່ານປ້ອງກັນເວນຍາມກວດກາຄົນເຂົ້າ – ອອກບ້ານ ແລະ ບໍລິເວນຂອບເຂດຊາຍແດນທີ່ເຊື່ອມຕໍໍ່ຂັ້ນລະຫວ່າງແມ່ນ້ຳຂອງຊາຍແດນ ເມືອງຊະນະສົມບູນ ແຂວງຈຳປາສັກ ກັບ ກັບອຳເພີໂຂງຈຽມ ຈັງຫວັດອຸບົນລາດສະທານີ ເພື່ອຮັກສາຄວາມສະຫງົບ,ຄວາມເປັນລະບຽບຮຽບຮ້ອຍ ແລະ ເພື່ອສະກັດກັ້ນປ້ອງກັນການແຜ່ລະບາດຂອງເພະຍາດໂຄວິດ 19 ໂດຍສະເພາະແມ່ນການເຝົ້າລະວັງການລັກລອບເຂົ້າປະເທດຂອງແຮງງານລາວ ໂດຍຜິດຕໍ່ລະບຽບກົດໝາຍ.ເຊີ່ງຜ່ານເຄື່ອນຈັດຕັ້ງປະຕິບັດຕົວຈິງໃນໄລຍະຜ່ານມາສາມາດຈັບກຸມແຮງງານລາວທີ່ລັກລ້ອມເຂົ້າປະເທດ ໂດຍຜິດກົດໝາຍໄດ້ 1 ຄົນ

ນອກນັ້ງຍັງໄດ້ຈັບກຸມ ກຸ່ມຄົນບໍ່ດີອິກຈຳນວນໜຶ່ງ ທີ່ເຄື່ອນໄຫວສ້າງປະກົດການຫຍໍ້ທໍ້ຕ່າງໆ ທີ່ຜິດຕໍ່ລະບຽບກົດໝາຍບ້ານ – ເມືອງວາງອອກ ເບື່ອງຕົນທາງເຈົ້າໜ້າທີ່ ທີ່ກ່ຽວຂອງກໍ່ໄດ້ນຳມາສຶກສາອົບຮົມເປັນທີ່ຮຽບຮ້ອຍແລ້ວ ຄຽງຄູ່ກັນນັ້ນຍັງໄດ້ພ້ອມກັນສຸມໃສ່ວຽກງານປ້ອງກັນພະຍາດໂຄວິດ 19 ໂດຍຕິດພັນກັບການນຳເອົາບັນດາຄຳສັ່ງ,ແຈ້ງການຂອງທ່ານເຈົ້າແຂວງຈຳປາສັກ ແລະ ເຈົ້າເມືອງໆຊະນະສົມບູນ ກໍ່ຄືມາດຕະການປ້ອງພະຍາດໂຄວິດ 19 ຕ່າງໆທີ່ຄະນະສະເພາະກິດວາງອອກ ລົງມາເຜີຍແຜ່ເຊື່ອມຊືມໃຫ້ພໍ່ແມ່ປະຊາຮັບຮູ້ ແລະ ເຂົ້າໃຈຢ່າງເລີກເຊີ່ງ ນອກນັ້ນສົມທົບອ້າຍ-ນ້ອງທະຫານກອງຮ້ອຍຊາຍແດນ 521 ແລະ ອຳນາດການປົກຄອງບ້ານ ເຄື່ອນໄຫວປ້ອງກັນເວນຍາມແຕ່ລະຈຸດດ່ານກວດກາ ແລະ ລາດຕະເວນຕາມແນວແດນຂອບເຂດທີ່ຕົນຮັບຜິດຊອບຕະຫຼອດ 24 ຊົ່ວໂມງອິກດ້ວຍ.

ພ້ອມນີ້ ທ່ານ ຫົວໜ້າກອງບັນຊາການທະຫານເມືອງຍັງຮຽກຮ້ອງໃຫ້ຄະນະສະເພາະກີິດ ປ້ອງກັນ,ຄວບຄຸມ ແລະ ຕ້ານການແຜ່ລະບາດຂອງພະຍາດໂຄວິດ 19 ໂດຍສະເພາະໃນຈຳນວນ 8 ບ້ານທີ່ຂື້ນກັບ ກຸ່ມ III ຂອງເມືອງ ໃຫ້ສຶບຕໍ່ເອົາໃຈໃສ່ຜັນຂະຫຍາຍ ແລະ ເຄື່ອນໄຫວຈັດຕັ້ງປະຕິບັດບັນດາມາດຕະການປ້ອງພະຍາດໂຄວິດ 19 ທີ່ຄະນະສະເພາະກິດຂັ້ນຕ່າງໆວາງອອກຢ່າງເຂັ້ມງວດ.
ບັນນາທິການຂ່າວແຂວງ ໂດຍ: ທ.ແຫຼມສິນໄຊ ສໍປະເສີດ ຫ້ອງການ ຖວທ ເມືອງຊະນະສົມບູນ