ມີເດຍລາວແຂວງເຊກອງ
ໃນຕອນເຊົ້າຂອງວັນທີ 30 ກັນຍາ 2021 ຫ້ອງຕຳຫຼວດ ປກສ ແຂວງໄດ້ສຶກສາອົບຮົມກຸ່ມມົ້ວສຸມຢາເສບຕິດ, ມີ ຮອ ທອງຂາວ ສະຫວັດດີໄຊ ຮອງພະແນກ ສະກັດກັນ ແລະ ຕ້ານຢາເສບຕິດ, ຮທ ຈຸນິມະນີ ສະແຫວງຖານ ຮອງໜ່ວຍງານກອງໂຄສະນາ ແລະ ວທ ເພັດປະເສີດ ສຸລີຍະວົງ , ອຳນາດການປົກຄອງບ້ານ-ນາຍ, ພໍ່ແມ່ ແລະ ພະນັກງານພະໃນພະແນກ ສະກັດກັ້ນ ແລະ ຕ້ານຢາເສບຕິດ, ພະແນກ ກວດກາ – ຄອບຄຸມ ຢາເສບຕິດ ແຂວງ ເຂົ້າຮ່ວມ.

ຮທ ຈຸນມະນີ ສະແຫວງຖາມ ຮອງໜ່ວຍງານກອງໂຄສະນາ ໃຫ້ຮູ້ວ່າ: ບັນຫາຢາເສບຕິດຢູ່ໃນສັງຄົມເວົ້າລວມ,ເວົ້າສະເພາະແຂວງເຊກອງໄດ້ແຜ່ລະບາດເປັນວົງກວ້າງແຕ່ຕົວເມືອງໄປສູ່ຊົນນະບົດໃນຫຼາຍລະດັບທີ່ແຕກຕ່າງກັນ,ເຊິ່ງເປັນໜຶ່ງໃນສາເຫດທີ່ກໍ່ໃຫ້ເກີດບັນຫາປະກົດການຫຍໍ້ທໍ້ ແລະ ອາຊະຍາກຳປະເພດຕ່າງໆ,ໃນແຕ່ລະປີຕົວເລກການກະທຳຜິດເພີ່ມຂຶ້ນທາງດ້ານຈຳນວນເລິກແລບທາງດ້ານກົນອຸບາຍເລ່ຫຼ່ຽມ,

ການເຄື່ອນໄຫວມີການຈັດຕັ້ງເປັນເຄືອຂ່າຍ ເປັນກຸ່ມແກ້ງ ອິດທິພົນໃນລະດັບທີ່ແຕກຕ່າງກັນ,ຕະຫຼອດໄລຍະຜ່ານມາ ຄະພັກ-ຄະນະບັນຊາ ໄດ້ນຳໃຊ້ຫຼາຍມາດຕະການ ເພື່ອກວດກາ,ຄວບຄຸມ ແລະ ສະກັດກັ້ນແກ້ໄຂບັນຫາຢາເສບຕິດ ຖືເອົາການແກ້ໄຂບັນຫາດັ່ງກ່າວເປັນວຽກໜຶ່ງທີ່ສຳຄັນ ເຊິ່ງມີທັງຜົນງານ,ດ້ານຕັ້ງໜ້າແຕ່ພ້ອມດຽວກັນນັ້ນກໍຍັງມີບາງດ້ານທີ່ຍັງຄົງຄ້າງເປັນຕົ້ນແມ່ນຄວາມຮັບຮູ້ເຂົ້າໃຈຂອງປະຊາຊົນ ອົງການປົກຄອງຂັ້ນຕ່າງໆຕໍ່ຜົນຮ້າຍ,ຄວາມເປັນອັນຕະລາຍຂອງບັນຫາຢາເສບຕິດບໍ່ທັນເລິກເຊິ່ງ ແລະ ບໍ່ທັນມີສ່ວນຮ່ວມໃນການແກ້ໄຂ ລະບົບກົດໝາຍ,ນິຕິກຳຕ່າງໆທີ່ກຽ່ວຂ້ອງ ເຖິງວ່າມີ ແຕ່ບໍ່ທັນຄົບຊຸດ ແລະ ຍັງມີຊ່ອງຫວ່າງ ເຊິ່ງເຮັດໃຫ້ສົງຝົນເສຍຫາຍຕໍ່ ຊິວີດ ແລະ ຊັບສິນ ຂອງພໍ່ແມ່-ຍາດຕິພີນ້ອງ, ຜູ້ທີ່ຕິດຢາເສບຕິດກໍ່ໃຫ້ເກີດມີສິ່ງຫຍໍ້ທໍ້ເກີດຂຶ້ນໃນສັງຄົມ, ເຮັດໃຫ້ສັງຄົມບໍ່ມີຄວາມສະຫງົບສຸກ ແລະ ບໍ່ມີຄວາມເປັນລະບຽບຮຽບຮ້ອຍ,ເມື່ອມີຜູ້ຕິດຢາຫຼາຍເທົ່າໃດສັງຄົມຍິ່ງມີຄວາມວຸ້ນວາຍ ເພາະຜູ້ຕິດຢາເສບຕິດຈະມີການກະທຳເຊັ່ນ: ຂີ້ລັກງັດແງະ, ປຸ້ນຈີ້ຊີງຊັບ, ຂ້າເຈົ້າເອົາຂອງ ກໍ່ອະລະວາດຕີກັນ,ຂີ່ລົດກວນເມືອງ ກາຍເປັນນັກເລງອັນທະພານໂດຍບໍ່ເຄົາບົບລະບຽບກົດໝາຍ ຂອງບ້ານເມືອງ

ພາໃຫ້ເກີດບັນຫາອຸບັດຕິເຫດຕາມທ້ອງຖະໜຸນຫຼວງ. ດັ່ງນັ້ນ ທາງເຈົ້າໜ້າທີ່ ພະແນກກວດກາ, ຄອບຄຸມຢາເສບຕິດ, ຈຶ່ງໄດ້ນໍາພວກກຽ່ວມາສຶກສາອົບຮົມເພື່ອໃຫ້ເຂົ້າເຈົ້າມີການປຽ່ນແປງທຸກການກະທຳຜິດຂອງຕົນ ທີ່ຜິດໃນໄລຍະຜ່ານມາ, ບໍ່ໃຫ້ມີແນວຄິດຄຽດແຄ້ນ ແລະ ອັກຄະຕິຕໍ່ເຈົ້າໜ້າທີ່ຫຼືບຸກຄົນໃດນຶ່ງທາງນອກ, ໃຫ້ຢຸດເຊົາມົ້ວສຸມສິ່ງເສບຕິດທຸກປະເພດ ( ຢາບ້າ, ສານລະເຫີຍທຸກປະເພດ ), ຂໍ້ຫ້າມກຽ່ວກັບຢາເສບຕິດມີ ຫ້ານປູກ,ຜະລິດ,ປຸງແຕ່ງຄ້າ-ຂາຍ,ຈຳໜ່າຍ,ຄອບຄອງ, ຂົນສົ່ງ,ນຳເຂົ້າສົ່ງອອກຫຼືນຳຜ່ານ ສປປລາວ ຢາເສບຕິດໂດຍບໍ່ຖືກຕ້ອງຕາມກົດໝາຍ, ຫ້າມເສບຫຼືຈັດບໍລິການໃຫ້ເສບ,ຊຸກຍູ້,ສົງເສີມ,ຫຼອກລວງ ແລະ ບັງຄັບຜູ້ອື່ນໃຊ້ຢາເສບຕິດໂດຍບໍຖືກຕ້ອງຕາມກົດໝາຍ, ຫ້າມປິດບັງ,ປົກປ້ອງຫຼືຊຸກເຊື່ອງສະມາຊີກໃນຄອບຄົວຫຼືບຸກຄົນອື່ນໆທີ່ຕິດຢາເສບຕິດ,ຫ້າມຂັດຂວາງ,ນາມຂູ່, ແກ້ແຄ້ນຜູ້ເຂົ້າຮ່ວມໃນການສະກັດກັ້ນ ແລະຕ້ານຢາເສບຕິດ ແລະ ການປີ່ນປົວຜູ້ຕິດຢາເສບຕິດ,ຫ້າມໂຄສະນາກະຕຸກຊຸກຍູ້ການເສບຢາເສບຕິດໂດຍບໍ່ຖືກຕ້ອງຕາມກົດໝາຍທຸກຮູບແບບລວມທັງອີນເຕີເນັດ, ສະນັ້ນທາງເຈົ້າໜ້າພະແນກສະກັດກັ້ນ ແລະ ຕ້ານຢາເສບຕິດຈິ່ງໃດ້ສ້າງບົດບັນທຶກສຶກສາອົບຮົມໃຫ້ພວກກຽ່ວທັງ 06 ຄົນ, ເພື່ອເປັນຫຼັກຖານໃນຄັ້ງຕໍ່ໄປ.ໃນຕອນທ້າຍໄດ້ມອບລົດຈັກໃຫ້ເຈົ້າຂອງຈຳນວນ 04 ຄັນ.
ຂ່າວ: ວິຈັນດາ