ມີເດຍລາວແຂວງຈຳປາສັກ
ວັນທິ29 ກັນຍາ2021ນີ້,ຫ້ອງການອຸດສາຫະກຳແລະການຄ້າເມືອງສຸຂຸມາໄດ້ລົງຕິດຕາມ,ກວດກາລາຄາສິນຄ້າຢູ່ຕາມທ້ອງຕະຫຼາດເມືອງສຸຂຸມານຳໂດຍທ່ານ ຈັນສະໝອນ ຊະນະມົນຕີ ກຳມະການພັກເມືອງ ຫົວໜ້າຫ້ອງອຸດສາຫະກຳແລະການຄ້າເມືອງພ້ອມຄະນະ,ພະນັກງານວິຊາການພາຍໃນກົມກອງຕົນພ້ອມດ້ວຍນາຍບ້ານໃຫ່ຍສຸຂຸມາກໍ່ໄດ້ລົງຕິດຕາມລາຄາສິນຄ້າ,ບັນຍາກາດການຊື້-ຂາຍສິນຄ້າຕ່າງໆຢູ່ຕະຫຼາດເມືອງສຸຂຸມ,ແຂວງຈຳປາສັກ,ໂດຍອິງຕາມຄຳສັ່ງຂອງທ່ານເຈົ້າແຂວງເລກທີ14/ຈຂ,ຈສ ວັນທີ16ກັນຍາ 2021 ,ວ່າດ້ວຍການເພີ່ມທະວີຄວາມເຂັ້ມງວດ ໃນການຈັດຕັ້ງປະຕິບັດມາດຕະການປ້ອງກັນ,ຄວບຄຸມແລະແກ້ໄຂການລະຍາດຂອງພະຍາດໂຄວິດ-19,

ດັ່ງນັ້ນເພື່ອປະຕິບັດຕາມຄຳສັ່ງດັ່ງກ່າວທາງຫ້ອງການອຸດສະຫະກຳແລະການຄ້າເມືອງຈີ່ງໄດ້ລົງຕິດຕາມກວດກາເບີ່ງລາຄາສິນຄ້າຕ່າງໆພາຍໃນເມືອງຕົນເພື່ອເປັນການຄຸ້ມຄອງແລະປົກປ້ອງຜູ້ບໍລິໂພກໃຫ້ມີຄວາມຍຸຕິທຳທາງດ້ານລາຄາສິນຄ້າລະຫ່ວາງຜູ້ຊື້ແລະຜູ້ຂາຍບໍ່ໃຫ້ມີການເອົາລັດເອົາປຽບກັນ.ໄລຍະນີ້ກໍ່ແມ່ນການແຜ່ລະບາດຂອງພະຍາດໂຄວິດ-19ເພື່ອບໍ່ໃຫ້ກະທົບຕໍ່ການດຳລົງຊີວິດຂອງປະຊາຊົນທີ່ມີຄວາມຫຸ້ຍງຍາກ,ສະນັ້ນຈີ່ງບໍ່ໃຫ້ບຸກຄົນທີ່ດຳເນີນກິດຈະການຄ້າຂາຍຂື້ນລາຄາສິນຄ້າຕາມລຳພັງໃຈໂດຍສະເພາະກໍ່ແມ່ນຮ້ານຂາຍເຄື່ອງສົ່ງ-ຮ້ານຂາຍຍ່ອຍ,ເຄື່ອງອຸປະໂພກ-ບໍລິໂພກ,ສິນຄ້າທີ່ນຳເຂົ້າໃນການປ້ອງກັນພະຍາດໂຄວິດ-19ເປັນຕົ້ນ:ຜ້າປິດປາກ-ດັງ,ນໍ້າຢາລ້າງມື,ຢາປົວພະຍາດແລະອຸປະກອນການແພດເປັນຕົ້ນ,ພ້ອມນັ້ນທ່ານ ຈັນສະໝອນ ຊະນະມົນຕີ ຫົວໜ້າຫ້ອງການອຸດສາຫະກຳແລະການຄ້າຍັງໃຫ້ຮູ້ຕື່ມວ່າ:ຜ່ານການຈັດຕັ້ງປະຕິບັດວຽກງານໄລຍະຜ່ານມາແມ່ນພົບຄວາມຫຸ້ຍງຍາກຫຼາຍດ້ານ,

ພາຍຫຼັງທີ່ມີການລ໋ອກດາວປິດການເຂົ້າ-ອອກເມືອງແມ່ນໄດ້ສົ່ງຜົນກະທົບຢ່າງໄວວາໃນການຈາລະຈອນສິນຄ້າແມ່ນມີຄວາມຍາກລຳບາກມີການຈຳກັດຫຼາຍດ້ານ,ຫາງສຽງຈາກສັງຄົມໃນການຈັບຈ່າຍຊື້ສິນຄ້າມາບໍລິໂພກເປັນຕົ້ນກໍ່ແມ່ນລາຄາຊີ້ນໝູ,ງົວ,ຄວາມແລະອື່ນໆ,ເຊີ່ງປະຊາຊົນຍັງໃຫ້ຄວາມສົນໃຈຕໍ່ລາສິນຄ້າດັ່ງກ່າວ ວ່າລາຄາສິນຄ້າມີການປັບລາຄາຂື້ນບາງສິນຄ້າ,ນອກນັ້ນກໍ່ຍັງພົບເຫັນຜູ້ດຳເນີນກິດຈະການຂາຍຍົກ-ຂາຍຍ່ອຍບາງບຸກຄົນຍັງສວຍໃຊ້ໂອກາດກັກຕຸນສິນຄ້າແລະຂື້ນລາຄາສິນຄ້າບາງປະເພດ,ແລະທາງຫ້ອງການກໍ່ໄດ້ກ່າວເຕືອນພ້ອມທັງເຮັດບົດບັນທືກໃນເບື້ອງຕົ້ນຕາມຂັ້ນຕອນຂອງລະບຽບກົດໝາຍແລະທ່ານຫົວໜ້າຫ້ອງການຍັງໄດ້ຮຽກຮ້ອງໃຫ້ຜູ້ດຳເນີນກິດຈະການພໍ່ຄ້າຊາວຂາຍຮັກສາໄດ້ທາງດ້ານລາຄາສິນຄ້າພ້ອມທັງຄຸ້ມຄອງລາຄາສິນຄ້າຂອງຕົນດ້ວຍຄວາມຮັບຜິດສູງບໍ່ໃຫ້ມີຫາງສຽງຈາກສັງຄົມແລະທ່ານຍັງໄດ້ເນັ້ນໜັກໃຫ້ທຸກພາກສ່ວນໃນສັງຄົມຕ້ອງມີສະຕິໃນການດຳລົງຊີວິດແບບໃໜ່ດ້ວຍວິທີການໃຊ້ຜ້າອັດປາກ-ອັດດັງ,ໃຊ້ເຈວລ້າງມືທຸກຄັ້ງກ່ອນອອກຈາກບ້ານແລະເອົາໃຈໃສ່ເປັນເຈົ້າການນຳກັນໃນການປະຕິບັດບັນດາມາດຕະການຕ່າງໆເພື່ອບໍ່ໃຫ້ພະຍາດໂຄວິດ-19ແຜ່ລາມອອກເປັນວົງກ້ວາງໃນແຂວງຈຳປາສັກເວົ້າລວມເວົ້າສະເພາະກໍ່ຄືຊາວເມືອງສຸຂຸມາໃຫ້ຫຼຸດພົ້ນອອກຈາກພະຍາດໂຄວິດ-19
ຂ່າວ-ພາບ:ປັນຍາ ແກ້ວພິລົມ ຖວທ ເມືອງສຸຂຸມາ