ມິເດຍລາວແຂວງຈຳປາສັກ
ວັນທີ 30 ກັນຍາ 2021 ຄະນະນໍາເມືອງບາຈຽງຈະເລີນສຸກ ແຂວງຈຳປາສັກເຄື່ອນໄຫວຕິດຕາມຊຸດຍູ້ ຈຸດປ້ອງກັນເວນຍາມ ພ້ອມທັງມອບເຄື່ອງຈໍານວນໜຶ່ງເປັນຕົ້ນແມ່ນ ຜ້າປິດປາກ,ເຈວລ້າງມືແລະ USBສະປອດໂຄສະນາປ້ອງກັນພະຍາດໂຄວິດ-19ໃຫ້ແກ່ຈຸດປ້ອງກັນເວນຍາມ 8 ຈຸດຄື: ຈຸດບ້ານ ພີນທອງ,ຈຸດບ້ານ ໝືນຫຼວງ,ຈຸດບ້ານໜອງນໍ້າຂາວ,ຈຸດບ້ານຫົວແຊ,ບ້ານລົ່ມສັກເໜືອ,ບ້ານລົ່ມສັກໃຕ້,ບ້ານໄຊສະຫວ່າງແລະບ້ານຫຼັກ25 ນໍາໂດຍ ທ່ານ ປອ ອຳນວຍ ເຮືອງວົງສາ ຮອງເລຂາພັກເມືອງ ຜູ້ຊິນໍາວຽກງານພັກພະນັກງານພ້ອມຄະນະສະເພາະກິດຂັ້ນເມືອງ ເພື່ອຕິດຕາມຊຸກຍູ້ແລະໃຫ້ກຳລັງໃຈຕໍ່ອ້າຍນ້ອງກຳລັງປ້ອງກັນຊາດ-ປ້ອງກັນຄວາມສະຫງົບພ້ອມດ້ວຍຄະນະສະເພາະກິດຂັ້ນບ້ານທີ່ປະຕິບັດໜ້າທີ່ເວນຍາມກວດກາຄົນເຂົ້າ-ອອກບ້ານໃຫ້ມີຄວາມເປັນລະບຽບ.

ສື່ມວນຊົນແຂວງຈຳປາສັກ
ຂ່າວ-ພາບ: ນາງ ເພັດສະຫວັນ ນັກຂ່າວເມືອງ