ຫຼາຍຄົນຕັ້ງບັນຫາວ່າ: ຕົວເລກຜູ້ຕິດເຊື້ອທີ່ກະຈາຍ ອອກໃນສື່ອອນລາຍ ສັບສົນຫຼາຍບໍ່ຮູ້ຊິຟັງ-ເບີ່ງ ແລະ ເຊື່ອແຫຼ່ງຂ່າວໃດ? ວ່າຊັ້ນ! ເລື່ອງນີ້ບໍ່ຍາກ ຕ້ອງຟັງ-ເບີ່ງຂໍ້ມູນ-ການຖະແຫຼງຂ່າວປະຈຳວັນຈາກຄະນະສະເພາະກິດ ຂໍ້ມູນຈາກແຫຼ່ງຂ່າວອື່ນຢ່າໄປໃສ່ໃຈ.

ເວົ້າເລື່ອງການກວດຫາເຊື້ອນີ້ຄະນະສະເພາະກິດເພີ່ນເຄີຍຊີ້ແຈງວ່າ: ສະພາບການລະບາດຂອງພະຍາດ COVID-19 ຢູ່ ສປປ ລາວ ໃນປະຈຸບັນທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 4,951 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 307 ຄົນ (ຊຸມຊົນ = 300 ຄົນ ແລະ ຕິດເຊື້ອນໍາເຂົ້າ 7 ຄົນ) ປິ່ນປົວຫາຍດີ ແລະ ກັບບ້ານມີ 462 ຄົນ.

ສຳລັບຜູ້ມັກມືໄວໂພສຂໍ້ມູນ ກ່ຽວກັບການລະບາດຂອງພະຍາດໂຄວິດ-19 ນັ້ນລະວັງໄວ້ເນີ! ຊິຫາວ່າບໍ່ບອກບໍ່ເຕືອນ ບໍ່ມື້ໃດກໍ່ມື້ໜື່ງລະບຽບ-ກົດໝາຍຊິໄປຖາມຂ່າວ ມີສິດຖືກປັບໃໝ ທັງຖືກໄປປະຈຳການຢູ່ສູນກັກຂັງເນີ! ສະນັ້ນຢ່າຫາເຫົາໃສ່ຫົວ… ຢູ່ເຮືອນດີທີ່ສຸດ ວຽກຂອງການຈັດຕັ້ງເພີ່ນຫາກດຳເນີນການດອກ.

#ມີເດຍລາວ