ມີເດຍລາວແຂວງຈຳປາສັກ
ໃນໂອກາດທີ່ທ່ານ ທ່ານ ສອນສະຫວັນ ສີວິໄລ ເຈົ້າເມືອງຊະນະສົມບູນ ພ້ອມດ້ວຍ ທ່ານສອນໄຊ ກໍລະກັນ ຫົວໜ້າຫ້ອງວ່າການເມືອງ.ໄດ້ສຶບຕໍ່ເຄື່ອນໄຫວລົງພົບປະຢ້ຽມຢາມ ແລະໃຫ້ກຳລັງໃຈຕໍ່ກັບຄະນະສະເພາະກິດປ້ອງກັນ,ຄວບຄຸມ ແລະສະກັດກັ້ນຕ້ານການແຜ່ລະບາດຂອງພະຍາດໂຄວິດ19 ບ້ານໃຫ່ຍຄຳແປງ.

ໃນວັນທີ 1 ຕຸລາ 2021 ອາທິດທີ່ຜ່ານມານີ້.ກໍ່ໄດ້ຮັບ – ຟັງການລາຍງານຜົນສໍາເລັດໃນການຈັດຕັ້ງປະຕິບັດຄໍາສັ່ງຂອງທ່ານເຈົ້າແຂວງຈຳປາສັກ ສະບັບເລກທີ 14 /ຈຂ.ຈສ ລົງວັນທີ16 ກັນຍາ 2021 ວ່າດ້ວຍການສຶບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນພະຍາດໂຄວິດ 19 ແລະ ຄໍາສັ່ງຂອງທ່ານເຈົ້າເມືອງໆຊະນະສົມບູນ,ສະບັບເລກທີ 023/ຈມ.ຊບ ລົງວັນທີ 17 ກັນຍາ 2021 ວ່າດ້ວຍການສຶບຕໍ່ເພີ່ມທະວີຄວາມເຂັ້ມງວດໃນການຈັດຕັ້ງປະຕິບັດມາດຕະການປ້ອງກັນ ແລະ ແກ້ໄຂການລະບາດຂອງພະຍາດໂຄວິດ 19. ຫຼື ໃນໄລຍະທີມີການຕັ້ງດ່ານປິດການເຂົ້າ-ອອກບ້ານ ຂັ້ນເດັດຂາດຂອງຄະນະສະເພາະກິດບ້ານໃຫ່ຍຄຳແປງ ໂດຍທ່ານ ສາຄອນ ແກ້ວດວງຕາ ນາຍບ້ານໃຫ່ຍຄຳແປງ.

ຕໍ່ຈາກນັ້ນ ທ່ານ ເຈົ້າເມືອງຊະນະສົມບູນ ກໍ່ໄດ້ມີຄໍາເຫັນເຊີ່ງກອນອື່ນທ່ານໄດ້ກ່າວສະແດງຄວາມຍ້ອງຍໍຊົມເຊີຍມາຍັງຄະນະສະເພາະກິດບ້ານໃຫ່ຍຄຳແປງທີ່ໄດ້ພ້ອມກັນເປັນເຈົ້າການປະຕິບັດບັນດາມາດຕະການປ້ອງກັນພະຍາດໂຄວິດ 19 ທີ່ຄະນະສະເພາະກິດຂັ້ນຕ່າງໆເທີງວາງອອກຢ່າງເຂັ້ມງວດ. ພ້ອມນັ້ນຍັງເນັ້ນໜັກໃຫ້ຄະນະສະເພາະກິດບ້ານດັ່ງກ່າວ ຈົ່ງເພີ່ມທະວີສືບຕໍ່ປະຕິບັດມາດຕະການປ້ອງກັນພະຍາດໂຄວິດ 19 ທີ່ທາງຄະນະສະເພາະກິດຂັ້ນແຂວງ ແລະ ຂັ້ນເມືອງວາງອອດ ຕໍ່ອິກເປັນເວລາ 7 ວັນຄື:ນັບແຕ່ວັນທີ 2-8 ຕຸລາ 2021.

ໂດຍຖືເອົາວຽກງານການເຄື່ອນໄຫວໂຄສະນາສຶກສາອົບຮົມວຽກງານສຸຂະສຶກສາໃຫ້ຄວາມຮູ້ກ່ຽວກັບໄພອັນຕະລາຍ ແລະ ວິທີການປ້ອງກັນເຊື້ອພະຍາດດັ່ງກ່າວ ໂດຍຕິດພັນກັບການປ້ອງກັນການລະບາດຊອງພະຍາດຕາມລະດູການຢ່າງຕໍ່ເນື່ອງ ແລະ ຖືເອົາວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ຶອສະກັດກັ້ນຕ້ານບັນດາປະກົດການຫໍ້ທໍ່ຕ່າງໆທີ່ເກີດຂື້ນໃນສັງຄົມໃກ້ຫລຸດນ້ອຍຖອຍລົງດີຂື້ນເທື່ອລະກ່າວ,ສຶບຕໍ່ ປຸກລະດົມຂົນຂວາຍທຸກພາກສ່ວນໃນສັງຄົມໃຫ້ເຂົ້າມາປະກອບສ່ວນຊ່ວຍເຫຼືອ ເພື່ອຊຸກຍູ້ວຽກງານປ້ອງພະຍາດໂຄວິດ 19 ຂັ້ນບ້ານຂອງຕົນຕື່ມອິກ.ເຊີ່ງໃນໂອກາດທີ່່ທ່ານເຈົ້າເມືອງເຄື່ອນໄຫວພົບປະຢ້ຽມຢາມຄັ້ງນີ້:ກໍ່ໄດ້ນຳເອົານ້ຳດື່ມ ແລະ ອຸປະກອນທາງການແພດ ຈຳນວນໜຶ່ງມອບໃຫ້ກັບຄະນະສະເພາະກິດຂອງບ້ານດັ່ງກ່່າວ ເພື່ອຊຸກຍູ້ວຽກງານຕ້ານພະຍາດໂຄວິດ 19 ອິກດ້ວຍ.
ບັນນາທິການຂ່າວ ໂດຍ: ທ.ແຫຼມສິນໄຊ ສໍປະເສີດ
ຫ້ອງການ ຖວທ ເມືອງຊະນະສົມບູນ