ມີເດຍລາວແຂວງຈຳປາສັກ
ຕາມການໃຫ້ສຳພາດຂອງທ່ານ ຄອນສະຫວັນ ແກ້ວດວງຕາ ເລຂາພັກຮາກຖານ ນາຍບ້ານໃຫ່ຍຄຳແປງ ໃນລະຫວ່າງຕົ້ນເດືອນ ຕຸລາ 2021 ຜ່ານມານີ້ວ່າ: ຄະນະສະເພາະກິດບ້ານໃຫ່ຍຄຳແປງຈະສຶບຕໍ່ປະຕິບົດມາດຕະການປ້ອງກັນພະຍາດ Covid – 19 ຢ່າງເຂັ້ມງວດ.

ພາຍຫຼັງທີ່ສຳເລັດການຜັນຂະຫຍາຍມາດຕະການປ້ອງກັນພະຍາດ Covid – 19 ທີ່ຄະນະສະເພາະກິດຂັ້ນແຂວງ ແລະ ເມືອງວາງອອກ ໃນໄລຍະ 15 ວັນຜ່ານມາຄື: ນັບແຕ່ວັນທີ 16 – 30 ກັນຍາ 2021 : ບ້ານໃຫ່ຍຄຳແປງ ນັບວ່າເປັນບ້ານໜຶ່ງທີ່ຕັ້ງຢູ່ທາງທິດເໜືອຂອງເມືອງ ໂດຍຫ່າງຈາກສຳນັກງານປົກຄອງເມືອງໄປຕາມເສັ້ນທາງຫຼວງເລກທີ 13 ໃຕ້ ປະມານ 7 ກິໂລແມັດ.ປະກອບມີ 4 ຄຸ້ມໃຫ່ຍ,ມີຈຳນວນຫຼັງຄາເຮືອນທັງໝົດ 656,ມີປະຊາກອນທັງໝົດ 3.134 ຄົນ,ຍິງ 1.543 ຄົນ.ໃນໄລຍະຜ່ານມາຄະນະສະເພາະກິດ,ປ້ອງກັນ,ຄວບຄຸມ ແລະ ຕ້ານການລະບາດຂອງພະຍາດໂຄວິດ 19 ບ້ານໃຫ່ຍຄຳແປງ.

ກໍ່ໄດ້ນຳເອົາບັນດາຄຳສັ່ງ,ແຈ້ງການ ທີ່ທາງຄະນະຄະນະສະເພາະຂັ້ນແຂວງ ແລະ ເມືອງ ວ່າດ້ວຍການສຶບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນພະຍາດໂຄວິດ 19 ແລ້ວມາຜັນຂະຫຍາຍເບື້ອງຕົ້ນກໍ່ໄດ້ຕັ້ງດ່ານປິດການສັນຈອນເຂົ້າ – ອອກບ້ານ ເພື່ອບໍ່ໃຫ້ພໍ່ແມ່ແມ່ປະຊາຊົນເດີນທາງຖ້າຫາກບໍ່ມີຄວາມຈຳເປັນແທ້ ແມ່ນບໍ່ອະນຸຍາດໃຫ້ເດີນເດັດຂາດ.ໃນນັ້ນໄດ້ແຕ່ງຕັ້ງ ແລະ ຈັດແບ່ງອ້າຍ – ນ້ອງກຳລັງ ປກຊ – ປກສ ບ້ານ ແລະ ຄະນະອຳນາດການປົກຄອງບ້ານຜັດປ່ຽນກັນປ້ອງກັນເວນຍາມຕະຫຼອດ 24 ຊົ່ວໂມງຢູ່, 4 ຈຸດໃຫ່ຍດ່ານກວດກາເຂົ້າອອກ-ບ້ານຄື: ຈຸດທີ 1 ຢູ່ຕໍ່ໜ້າຫ້ອງການບ້ານ,ຈຸດທີ 2 ຢູ່ທາງເຂົ້າຄຸ້ມໜອງຂາມ,ຈຸດທີ 3 ຢູ່ທາງເຂົ້າຄຸ້ມບ້ານດົງ ແລະ ຈຸດທີ 4 ແມ່ນຢູ່ຄຸ້ມປົ່ງສ້ານ ໂດຍມີອ້າຍ,ນ້ອງກຳລັງ ປກຊ – ປກສ ບ້ານ ເຄື່ອນໄຫວປ້ອງກັນເວນຍາມ 4-5 ຄົນໃນແຕ່ລະວັນ ພ້ອມນັ້ນຍັງເຄື່ອນໄຫວໂຄສະນາເຜີຍແຜ່ໃຫ້ຄວາມຮູ້ກ່ຽວກັບວຽກງານສຸຂະສຶກສາໃຫ້ຄວາມຮູ້ຕໍ່ກັບໄພອັນຕະລາຍ ແລະ ວິທີປ້ອງກັນພະຍາດ Covid – 19 ເປັນປະຈໍາໃນທຸກໆວັນ ໂດຍນໍາໃຊ້ລະບົບໂທລະໂຄ່ງບ້ານອິກດ້ວຍ.

ທ່ານ ທ່ານ ຄອນສະຫວັນ ແກ້ວດວງຕາ ໃຫ້ສຳພາດຕື່ມວ່າ: ຜ່ານການເຄື່ອນໄຫວຈັດຕັ້ງປະຕິບັດໃນການຕັ້ງດ່ານກວດກາ,ຄັດກອງ ຄົນເຂົ້າ – ອອກບ້ານຕົວຈິງເຫັນວ່າພໍ່ແມ່ປະຊາຊົນພາຍໃນບ້ານ ແລະ ບ້ານອອມຂ້າງ ກໍ່ໄດ້ໃຫ້ການຮ່ວມມືເອົາໃຈໃສ່ປະຕິບັດມາດຕະການປ້ອງກັນພະຍາດໂຄວິດ 19 ຢ່າງເຂັ້ມງວດ ພ້ອມນັ້ນ ທ່ານນາຍບ້ານ ກໍ່ຍັງໄດ້ຮຽງຮ້ອງໃຫ້ຄະນະສະເພາະກິດແຕ່ລະຂັ້ນຂອງບ້ານ ພ້ອມດ້ວຍ ມາຍັງພໍ່ແມ່ປະຊາຊົນຊາວບ້ານໃຫ່ຍຄຳແປງ ສຶບຕໍ່ປະຕິບັດບັນດາຄຳສັ່ງ ແລະ ແຈ້ງການຕ່າງໆທີ່ທາງຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ຂັ້ນແຂວງ ແລະ ເມືອງວາງອອກຢ່າງເຄັ່ງຄັດ.
ບັນນາທິການຂ່າວແຂວງ ໂດຍ: ແຫຼມສີນໄຊ ສໍປະເສີດ ນັກຂ່າວ ຫ້ອງການ ຖວທ ເມືອງຊະນະສົມບູນ