ມີເດຍລາວແຂວງເຊກອງ
ກອງປະຊຸໃຫຍ່ຄັ້ງທີ 2 ຂອງໜ່ວຍຊາວໜຸ່ມຫ້ອງການຖະແຫຼງຂ່າວ,ວັດທະນາທຳ ແລະ ທ່ອງທ່ຽວເມືອງ ໄດ້ໄຂຂຶ້ນ ແລະ ສຳເລັດລົງໃນວັນທີ 4 ຕຸລາ 2021 ນີ້ທີ່ຫ້ອງປະຊຸມສູນໄອຊີທີ ເມືອງດາກຈຶງ ແຂວງເຊກອງ ພາຍໃຕ້ການເປັນປະທານຂອງທ່ານ ຄຳຜັນ ຂຶມໂພທິສານ ກຳມະການພັກເມືອງ ເລຂາຄະນະຊາວໜຸ່ມເມືອງດາກຈຶງ,ມີທ່ານ ສີໃສ ພິມພິສອນ ກຳມະການພັກເມືອງ ເລຂາໜ່ວຍພັກຮາກຖານຫ້ອງການ ຖວທ ເມືອງ,ມີບັນດາເລຂາຄະນະໜ່ວຍຕະຫຼອດຮອດສະມາຊິກຊາວໜຸ່ມໜ່ວຍດັ່ງກ່າວເຂົ້າຮ່ວມນຳ.

ໃນພິທີດັ່ງກ່າວ ທ່ານ ນາງ ສາຍໃຈ ບຸດດາກກັງ ເລຂາໜ່ວຍຊາວໜຸ່ມຫ້ອງການຖະແຫຼງຂາວ,ວັດທະນາທຳ ແລະ ທ່ອງທ່ຽວເມືອງໄດ້ຮັບກຽດຂຶ້ນຜ່ານບົດສະຫຼຸບການເຄື່ອນໄຫວວຽກງານຊາວໜຸ່ມໃນໄລຍະ 5 ປີຜ່ານມາວ່່າ:ສະມາຊິກຊາວໜຸ່ມແຕ່ລະຄົນມີຄຸນທາດການເມືອງ,ມີນ້ຳໃຈຮັກຊາດ,ຮັກລະບອບໃໝ່,ມີຄຸນສົມບັດທີ່ດີ,ແບບແຜນດຳລົງຊິວິດປອດໃສຂາວສະອາດ,ມີສະຕິຕໍ່ກົນອຸບາຍຫັນປ່ຽນໂດຍສັນຕິຂອງອິດທິກຳລັງປໍລະປັກ ແລະ ກຸ່ມຄົນບໍ່ດີຈາກພາຍໃນ ແລະ ພາຍນອກ,ໂດຍຖືເອົາການຮ່ຳຮຽນ ແລະ ເຊື່ອມຊຶມບັນດາກົດລະບຽບ-ກົດໝາຍຂອງພັກ-ລັດຢ່າງເປັນປົກກະຕິ,ເຕົ້າໂຮມຄວາມສາມັກຄີກັບບັນດາອ້າຍເອື້ອຍນ້ອງສະມາຊິກຊາວໜຸ່ມຢ່າງເປັນປະຈຳ,ເປັນເຈົ້າການຈັດຕັ້ງການດຳເນີນຊີວິດການເມືອງລວມຈຸ,ລວມໜ່ວຍ,ສຳຫຼວດກວດກາຂອງທຸກໆເດືອນ,ເພື່ອຕຳນິສົ່ງຂ່າວເຊິ່ງກັນແລະກັນໃນເວລາດຳເນີນຊີວິດການເມືອງ,ໄດ້ເຂົ້າຮ່ວມ ແລະ ເຊື່ອມຊຶມບັນດາເອກະສານຕ່າງໆມີທັງໝົດ 50 ຄັ້ງ,ມີສະມາຊິກເຂົ້າຮ່ວມທັງໝົດ 850 ເທື່ອຄົນ,ຍິງ 400 ເທື່ອຄົນ,ໄດ້ເຂົ້າຮ່ວມກອງປະຊຸມ ແລະ ປະກອບຄຳຄິດເຫັນນ້ຳຄະນະພັກ,ຄະນະຫ້ອງການໃນຂົງເຂດວຽກງານຕ່າງໆ70ຄັ້ງມີ 210 ແຮງງານ.

ກອງປະຊຸມຍັງໄດ້ເປັນເອກະສັນກັນຮັບຮອງເອົາທິດທາງແຜນການ,ຄາດໝາຍສູ້ຊົນໃນ 5 ປີຕໍ່ໜ້າ ແລະ ປ່ອນບັດເລືອກເອົາຄະນະຊາວໜຸ່ມຊຸດໃໝ່ເຊິ່ງມີຜູ້ສະໝັກ 5ສະຫາຍ,ເລືອກເອົາ 3ສະຫາຍ ໂດຍກອງປະຊຸມຄັ້ງປະຖົມມະລຶກໄດ້ເລືອກເອົາ ທ່ານ ເພັດປະເສີດ ບຸບຜາວິໄລ ເປັນເລຂາຄະນະໜ່ວຍ,ເລືອກເອົາທ່ານນາງ ເພັດສະຫວັນ ຄຸນສະລິ ເປັນຮອງເລຂາ,ທ່ານ ນາງ ແວວຕາ ແກ້ວນໍລະສິນ ເປັນກໍາມະການທັງເປັນປະທານກວດກາ ເພື່ອສືບຕໍ່ຊີ້ນໍາການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ IIIຂອງຕົນໃຫ້ບັນລຸຕາມຄາດໝາຍທີ່ວາງໄວ້.

  • ຂ່າວ:ອັດມາລາ
  • ພາບ: ຫລານປູ່