ມີເດຍລາວແຂວງຈຳປາສັກ
ເພື່ອສ້າງຂວັນກຳລັງໃຈຕໍ່ກັບຄະນະສະເພາະກິດປ້ອງກັນ,ຄວບຄຸມ ແລະ ສະກັດກັ້ນຕ້ານການລະບາດຂອງພະຍາດໂຄວິດ 19 ແຕ່ລະຂັ້ນຂອງແຂວງ ແລະ ເມືອງ.ທີ່ພ້ອມກັນສຸມໃສ່ເຄື່ອນໄຫວປະຕິບັດໃນການປ້ອງກັນ,ສະກັດກັ້ນ,ຄວບຄຸມການແກ້ໄຂການລະບາດຂອງພະຍາດໂຄວິດ-19 ຢູ່ຕາມດ່ານກວດກາຄົນເຂົ້າ – ອອກ ແຂວງ ແລະ ເມືອງ ຢູ່ແຂວງຈຳປາສັກ.

ໃນຕອນບ່າຍວັນທີ 6 ຕຸລາ 2021 ນີ້: ຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ແຂວງຈໍາປາສັກ.ນໍາໂດຍ ທ່ານ ສະໜັ່ນ ສີພາພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງຈໍາປາສັກ ພ້ອມດ້ວຍ ທ່ານ ປອ ສຸກສະຫວັນ ວິໄລວົງ ຫົວໜ້າພະແນກແຜນການ ແລະ ການລົງທຶນແຂວງ.ທ່ານ ປອ ວັນນະໄຊ ຊາຕະກຸນ ຫົວໜ້າຫ້ອງວ່າການແຂວງ, ທ່ານ ຈັນທະວີສຸກ ວັນສີລິ ຫົວໜ້າພະແນກໂຍທາທິການ ແລະ ຂົນສົ່ງແຂວງ ແລະ ທ່ານ ເພັດສະໄຫມ ບຸນລ້ຽງ ປະທານບໍລິສັດເພັດສະໄໝ ກໍສ້າງຈໍາກັດຜູ້ດຽວ. ໄດ້ນຳເອົານໍ້າດື່ມຈຳນວນ 150 ແພັດ ມູນຄ່າ 3.750.000 ກີບ,ໝີ່ສຳເລັດຮູບ 18 ແກັດ.ມູນຄ່າ 990.000 ກີບ,ໄຂໄກ່ 25 ແຕະ ມູນຄ່າ 1.500.000 ກີບ,ໜ້າກາກອະນາໄມ 10 ກ່ອງ ມູນຄ່າ 200.000 ກີບ ແລະ ເຈວລ້າງມື 1 ເເກັດ. ລວມມູນຄ່າທັງໝົດ 6.440.000 ກີບ.

ມອບໃຫ້ແກ່ຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ແລະ ເຈົ້າໜ້າທີ່ກຳລັງປ້ອງກັນຊາດ-ປ້ອງກັນຄວາມສະຫງົບ ທີ່ເຄື່ອນໄຫວປ້ອງກັນເວນຍາມຄັດກອງບຸກຄົນເຂົ້າ – ອອກ ລະຫວ່າງເມືອງຕໍ່ເມືອງ ຢູ່ 3 ດ່ານຂອງເມືອງຊະນະສົມບູນເປັນຕົ້ນ: ຢູ່ຫຼັກ 8 ເໜືອ ມີ 2ດ່ານຄື: ດ່ານກວດກາຄົນເຂົ້າ -ອອກເມືອງຂອງແຂວງ ແລະ ດ່ານກວດກາຂອງຄະນະສະເພາະກິດເມືອງ ຊາຍແດນເຊື່ອມລະຫວ່າງເມືອງຊະນະສົມບູນ ກັບ ນະຄອນປາກເຊ ແຂວງຈຳປາສັກ ແລະ ດ່ານກວດກາຄົນເຂົ້າ – ອອກແຂວງ ຫຼັກ 44 ບ້ານ ນາດ່ານ ເມືອງຊະນະສົມບູນ ແຂວງຈຳປາສັກ ຊາຍແດນເຊື່ອມຕໍ່ກັບ ເມືອງຄົງເຊໂດນ ແຂວງສາລະວັນ.ເຂົ້າຮ່ວມໃນພິທີມອບ-ຮັບເຄື່ອງຊ່ວຍເຫຼືອໃນຄັ້ງນີ້: ມີ ທ່ານ ພູໄພທອງ ພີມມະວົງສາ ຮອງເລຂາພັກເມືອງ ປະທານກວດກາພັກ – ລັດເມືອງ ແລະ ຄະນະກຳມະການສະເພາະກິດທີ່ກ່ຽວຂ້ອງຂອງເມືອງເຂົ້າຮ່ວມ.
ບັນນາທິການຂ່າວແຂວງ ໂດຍ: ທ.ໄພວອນ ຈັນທະວົງ ຫ້ອງການ ຖວທ ເມືອງຊະນະສົມບູນ