ມີເດຍລາວແຂວງເຊກອງ ຂ່າວ : ພຸດທະສອນ

ວັນທີ 14 ຕຸລາ ນີ້ ພະແນກການເງິນແຂວງເຊກອງ ໄດ້ຮ່ວມກອງປະຊຸມທາງໄກ (Video Confidence) ກັບກະຊວງການເງິນ ແລະພະແນກການເງິນບັນດາແຂວງຕ່າງໆໃນທົ່ວປະເທດ ເພື່ອສະຫຼຸບຕີລາຄາຄືນການຈັດຕັ້ງປະຕິບັດວຽກງານຈັດຕັ້ງ ແລະພະນັກງານ 9 ເດືອນ ປີ 2021 ໂດຍກອງປະຊຸມໄດ້ຈັດຂຶ້ນທີ່ກະຊວງການເງິນ, ພາຍໃຕ້ການເປັນປະທານຂອງ ທ່ານ ບຸນປອນ ວັນນະຈິດ, ຮອງລັດຖະມົນຕີກະຊວງການເງິນ ແລະເຂົ້້າຮ່ວມມີມີຫົວໜ້າກົມຈັດຕັ້ງ ແລະພະນັກງານ, ມີບັນດາພະແນກການກ່ຽວຂ້ອງ ພາຍໃນກົມຈັດຕັ້ງ ແລະພະນັກງານ ແລະຕາງໜ້າພະແນກການເງິນບັນດາແຂວງທົ່ວປະເທດເຂົ້້າຮ່ວມ; ສໍາລັບແຂວງເຊກອງນໍາໂດຍທ່ານ ສຸກັນ ວໍລະປັນໄຊ ຮອງຫົວໜ້າພະແນກການເງິນແຂວງ, ມີ 3 ຂະແໜງສາຍຕັ້ງ ແລະວິຊາກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້ ໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານງານຈັດຕັ້ງ ແລະ ພະນັກງານ 9 ເດືອນ ແລະແຜນການ 3 ເດືອນທ້າຍປີ 2021 ຈາກທ່ານ ກົງຄຳ ສິດທິວໍລະດາ ຫົວໜ້າກົມຈັດຕັ້ງ ແລະພະນັກງານ ກະຊວງການເງິນ ເຊິ່ງປະກອບມີ: ວຽກກໍານົດຕໍານົດຕໍາແໜ່ງງານ, ວຽກງານກໍານົດພະນັກງານນໍາພາ-ຄຸ້ມຄອງ, ວຽກງານປະເມີນຜົນການປະຕິບັດວຽກງານຂອງພະນັກງານ-ລັດຖະກອນ; ຫຼັງຈາກນັ້ນ 3 ຂະແໜງສາຍຕັ້ງ ໄດ້ມີຄໍາເຫັນກ່ຽວກັບການສັບຊ້ອນ, ຈັດວາງພະນັກງານຂັ້ນຂະແໜງທີ່ຂຶ້ນກັບຂະແໜດັ່ງກ່າວ ປະຈໍາແຂວງ, ນະຄອນຫຼວງ, ເມືອງ ແລະນະຄອນ ແລະວຽກງານອື່ນໆທີ່ກ່ຽວຂ້ອງ; ຈາກນັ້ນ ຫົວໜ້າ-ຮອງພະແນກການເງິນແຕ່ລະແຂວງ ກໍໄດ້ຜັດປ່ຽນກັນຂຶ້ນລາຍງານສະພາບການເຄື່ອນໄຫວວຽກງານພາຍໃນແຂວງຂອງຕົນ ແລະປະກອບຄໍາຄິດຄໍາເຫັນຕໍ່ຮ່າງບົດສະຫຼຸບ ພ້ອມທັງປຶກສາຫາລືແລກປ່ຽນຄຳຄິດ, ບົດຮຽນຕົວຈິງເຊິ່ງກັນ ແລະກັນ, ທັງນີ້ ກໍເພື່ອແນໃສ່ຊອກຫາວີທາງປັບປຸງແກ້ໄຂບັນຫາ ເພື່ອເຮັດໃຫ້ການເຄື່ອນໄຫວວຽກງານວຽກງານຈັດຕັ້ງ ແລະພະນັກງານໃນຊຸມປີຕໍ່ໜ້າໃຫ້ເປັນໄປໃນທາງທີ່ດີຂຶ້ນເທື່ອລະກ້າວ.