ມີເດຍລາວແຂວງໄຊຍະບູລີ
ໃນຕອນແລງຂອງວັນທີ13 ຕຸລາ 2021 ຢູ່ທີ່ໂຮງໝໍແຂວງໄຊຍະບູລີກຸ່ມແມ່ຄ້າຊາວຂາຍພາຍໃນເທດສະບານເມືອງໄຊຍະບູລີໄດ້ ມອບຕັ່ງຢາງຈຳນວນ 113 ໜ່ວຍໃນມູນຄ່າ 7,345,000 ກີບ ໃຫ້ໂຮງໝໍແຂວງ ເພື່ອນໍາໃຊ້ເຂົ້າໃນການບໍລິການປິ່ນປົວສຸຂະພາບໃຫ້ແກ່ພໍ່ແມ່ປະຊາຊົນບັນດາເຜົ່າທີ່ມາໃຊ້ບໍລິການຢູ່ໂຮງໝໍແຂວງ
ກ່າວມອບໂດຍທ່ານນາງ ຈັນສີ ຈັນທະວົງ ຕາງໜ້າກຸ່ມເປັນຜູ້ກ່າວມອບ ແລະ ຮັບໂດຍ ທ່ານ ດຣ ຄູນສະຫວັດ ເສນາພັນ ຜູ່ອຳນວຍການໂຮງໝໍແຂວງ ໂດຍການເປັນສັກຂີພິຍານ ຂອງກຸ່ມແມ່ຄ້າ ແລະ ວິຊາການແພດໝໍທີ່ເຂົ້າຮ່ວມ

ຕັ່ງຢາງທີ່ນໍາມາມອບໃນຄັ້ງນີ້ ໄດ້ການສະໜັບສະໜູນ, ການຮ່ວມແຮງຮ່ວມໃຈກັນຂອງນັກທຸລະກິດ ແມ່ຄ້າຊາວຂາຍພາຍໃນເທດສະບານເມືອງໄຊຍະບູລີ
ໂດຍມີຈຸດປະສົງ ເພື່ອຕອບສະໜອງໃຫ້ແກ່ການບໍລິການຮັບໃຊ້ປະຊາຊົນຢູ່ໂຮງໝໍແຂວງທີ່ເນັ້ນໃສ່ການປ້ອງກັນພະຍາດໂຄວິດ ນັ່ງຢູ່ຫ່າງກັນຢ່າງນ້ອຍ 1 ແມັດ ພ້ອມກັບການໃຊ້ຜ່າອັດປາກດັງ ລ້າງມືດ້ວຍສະບູ່ ຫຼື ເຈວລ້າງມື ເວລາໄປໃຊ້ບໍລິການຢູ່ໂຮງໝໍແຂວງໄຊຍະບູລີ.

ຂ່າວ: ໂຮງໝໍແຂວງໄຊຍະບູລີ.