ມີເດຍລາວແຂວງຫຼວງພະບາງ ຂ່າວ: ສີສຸວັນ ຕອນບ່າຍ ວັນທີ 14 ຕຸລາ 2021 ນີ້ ກອງບັນຊາການທະຫານ (ປກຊ) ແຂວງຫລວງພະບາງ ນໍາໂດຍ ທ່ານ ພັອ ແປ້ນຄໍາ ບຸດຈັນແພງ ກໍາມະການພັກແຂວງ ຫົວໜ້າການເມືອງກອງບັນຊາການທະຫານ ແຂວງຫລວງພະບາງ ໄດ້ນໍາເອົາເງິນ ລວມທັງໝົດ 55 ລ້ານກີບ,ມອບໃຫ້ຄະນະສະເພາະກິດ ແຂວງຫຼວງພະບາງ ເພື່ອນໍາໃຊ້ເຂົ້າໃນວຽກງານຕ້ານການລະບາດຂອງພະຍາດໂຄວິດ-19.

ທ່ານ ພັອ ແປ້ນຄໍາ ບຸດຈັນແພງ ຫົວໜ້າການເມືອງ ກອງບັນຊາການທະຫານແຂວງຫລວງພະບາງ ກ່າວວ່າ: ຈໍານວນເງິນທີ່ນໍາມາມອບຄັ້ງນີ້ແມ່ນໄດ້ໄດ້ລະດົມຈາກກອງກໍາລັງ ອ້າຍນ້ອງທະຫານ ເພື່ອປະກອບສ່ວນມອບໃຫ້ຫ້ອງວ່າການແຂວງ, ໂດຍກ່າວຮັບຂອງ ທ່ານ ບຸນເລື່ອມ ມະນີວົງ ຮອງເຈົ້າແຂວງໆຫຼວງພະບາງ ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະແກ້ໄຂການລະບາດພະຍາດໂຄວິດ-19 ຂັ້ນແຂວງ ກໍໄດ້ສະແດງຄວາມຂອບໃຈເປັນຢ່າງສູງຕໍ່ກອງບັນຊາການທະຫານແຂວງ ທີ່ໄດ້ປະກອບສ່ວນເງິນສົດຈໍານວນດັ່ງກ່າວເຂົ້າໃນວຽກງານການຕ້ານ ແລະ ສະກັດກັ້ນພະຍາດ ໂຄວິດ-19 ແລະ ພ້ອມທີ່ຈະນໍາເອົາໄປໝູນໃຊ້ ແຈກຍາຍໃຫ້ໜ່ວຍງານທີ່ພວມປະຕິບັດໜ້າທີ່ໃຫ້ເກີດປະໂຫຍດສູງສຸດ.ຮ່ວມເປັນສັກຂີ້ພະຍານຄັ້ງນີ້ມີຫົວໜ້າຫ້ອງວ່າການແຂວງ ພ້ອມດ້ວຍຄະນະສະເພາະກິດເຂົ້າຮ່ວມ