ມີເດຍລາວແຂວງຈຳປາສັກ
ໃນວັນທີ 18 ຕຸລາ 2021 ຫ້ອງການ ກອງບັນຊາການ ປກສ ເມືອງມຸນລະປາໂມກ ໄດ້ຈັດກອງສະຫຼຸບວຽກ ງານກໍ່ສ້າງຮາກຖານການເມືອງ ແລະ ແກ້ໄຂປະກົດການຫຍໍ້ທໍ້ໃນສັງຄົມ ສົກປີ 2020-2021 ແລະ ວາງທິດທາງແຜນການປີ 2022 ຂື້ນຢູ່ທີ່ສະໂມສອນຂອງເມືອງ, ໂດຍພາຍໄຕ້ການເປັນປະທານ ຂອງທ່ານ ພິດສະຫົງ ພົມມະວົງສາ ເຈົ້າເມືອງໆມຸນລະປາໂມກ,ເປັນກຽດເຂົ້າຮ່ວມຂອງທ່ານ ພັທ ບຸນອ່ຽງ ພັນວົງສາ ຮອງກອງບັນຊາການ ປກສ ແຂວງຈຳປາສັກ,ທ່ານ ພັທ ເພັດສະຫວຽງ ທອງແກ້ວ ຫົວໜ້າກອງບັນຊາການ ປກສ ເມືອງມຸນລະປາໂມກ.ມີຄະນະພັກ-ຄະນະບັນຊາ,ແຂກເຊີນ ຫ້ອງອ້ອມຂ້າງ ປກສແຂວງ,ຄະນະກຸ່ມ,ຜູ້ຊີ້ນຳບ້ານໃຫ່ຍເວີນແຄນ,ປກສ ບໍລິການປະຊາຊົນ,ປກສ ບ້ານໃຫ່ຍເວີນແຄນ ນາຍແລະພົນຕຳຫຼວດ ເຂົ້າຮ່ວມ 51 ທ່ານ,ຍິງ 3 ທ່ານ.

ໃນກອງປະຊຸມ ທ່ານ ພັຕ ວັນນາ ຈຳປີຮັກ ຫົວໜ້າຈຸງານກໍ່ສ້າງຮາກຖານ ກໍ່ໄດ້ຂື້ນຜ່ານບົດສະຫຼຸບວຽກງານກໍ່ສ້າງຮາກຖານການເມືອງ ຕ້ານການເຄື່ອນໄຫວການແຊກຊຶມຂອງພວກສັດຕູ ສວຍໃຊ້ສາສະໜາ,ຊົນເຜົ່າ ແລະ ແກ້ໄຂປະກົດການຫໍ້ຍທໍ້ໃນສັງຄົມຂອງເມືອງມຸນລະປາໂມກປະຈຳສົກປີ 2020-2021 ແລະ ທິດທາງແຜນການ ສົກປີ 2021-2022 ທ່ານໃຫ້ຮູ້ວ່າ: ໃນໄລຍະ 1 ປີ ຜ່ານມາ ໄດ້ລົງໂຄສະນາສຶກສາອົມຮົບຜົນຮ້າຍຂອງຢາເສບຕິດ ຢູ່ຕາມສະຖາບັນ ໂຮງຮຽນໄດ້ 7 ແຫ່ງ ມີຈຳນວນພົນທັງໝົດ 1,504 ຄົນ ຍິງ 686 ຄົນ,ລົງໂຄສະນາວຽກງານຕ້ານອັກຄີໄພ ຕາມ ໂຮງຮຽນ ບ້ານ ໄດ້ 7 ຄັ້ງ ມີຜູ້ເຂົ້າຮ່ວມທັງໝົດ 1,674 ຄົນ ຍິງ 740 ຄົນ,ຄະດີເກີດຂື້ນທັງໝົດມີ 9 ລາຍ ກັກຕ້ອງຫາໄດ້ 15 ຄົນ ຍິງ 3 ຄົນ,ຍຶດຂອງກາງຄະດີໄດ້ ລົດຈັກ 1 ຄັນ,ຈັກສະຕິນ 1 ເຄື່ອງ,ໂທລະຊັບ 4 ໜ່ວຍ,ແກ້ໄຂພາກສ່ວນມົ້ວສຸມຢາເສບຕິດໄດ້ 23 ຄັ້ງມີ 65 ຄົນ ຍິງ 4 ຄົນ,ຄະດີຈໍລະຈອນເກີດຂື້ນທັງໝົດ 14 ລາຍ,ໄດ້ປັບປຸງສຳມະໂນຄົວຄືນໃໝ່ທັງໝົດ 261ຄອບຄົວ ມີຈຳນວນພົນ 1,376 ຄົນ ຍິງ 703 ຄົນ,ຂືີ້ນທະບຽນສຳມະໂນຄົວຄືນໃໝ່ທັງໝົດ 39 ຄອບຄົວ ມີ188 ຄົນ ຍິງ 93 ຄົນ,ປ່ຽນປື້ມສຳມະໂນຄົວຄືນໃໝ່ ທັງໝົດ 65 ຄອບຄົວ ມີ 365 ຄົນ ຍິງ 177 ຄົນ,ໂຄງການທີ່ເຂົ້າມາລົງທຶນຢູ່ເມືອງມຸນລະປາໂມກທີ່ອອກຊື່ຄົນລາວ ແລະ ຄົນຕ່າງປະເທດມີ 3 ໂຄງການ 5 ບໍລິສັດ,ກວດກາຄົນຕ່າງປະເທດໄດ້ທັງໝົດມີ 85 ຄົນ ຍິງ 26 ຄົນ,ເອກະສານຖືກຕ້ອງ 49 ຄົນ ຍິງ 9 ຄົນ,ພົນລະເມືອງລາວແຕ່ງງານກັບຄົນຕ່າງປະເທດມີ 66 ຄົນ ຍິງ 53 ຄົນ,ເອກະສານຖືກຕ້ອງ 11 ຄົນ ຍິງ 11 ຄົນ.

ຈາກນັ້ນ ທ່ານ ພັທ ຄຳພັນ ສີສະຫ່ງາ ຮອງຫ້ອງການເມືອງ ປກສ ແຂວງ ທັງເປັນຄະນະຊີ້ນຳ ແລະ ກໍ່ສ້າງຮາກຖານ ປກສ ແຂວງຈຳປາສັກ ກໍ່ໄດ້ຂື້ນຜ່ານຂໍ້ຕົກລົງ ຂອງທ່ານ ເຈົ້າແຂວງໆຈຳປາສັກ ເລກທີ 989/ຈຂ ຈສ ລົງວັນທີ 12/9/2012 ວ່າດ້ວຍການອະນຸມັດໃບຍ້ອງຍໍຂັ້ນແຂວງໃຫ້ແກ່ກົມກອງລວມໝູ່,ນາຍແລະພົນຕຳຫຼວດທີ່ມີຜົນງານໃນການຫັນລົງກໍ່ສ້າງຮາກຖານການເມືອງປະຈຳປີ 2021 ຈຳນວນ 16 ສະຫາຍ,ແລະ ຂໍ້ຕົກລົງຂອງກອງບັນຊາການ ປກສ ແຂວງຈຳປາສັກ ເລກທີ 654/ປກສ ຈຂ ລົງວັນທີ 12/8/2021 ວ່າດ້ວຍການຍ້ອງຍໍນາຍ ແລະ ພົນຕຳຫຼວດທີ່ລົງກໍ່ສ້າງຮາກຖານການເມືອງ ຢູນະຄອນປາກເຊ ແລະ 9 ກອງບັນຊາການ ປກສ ເມືອງ ຈຳນວນ 3 ສະຫາຍ.ພ້ອມກັນນັ້ນກໍ່ໄດ້ມອບໃບຍ້ອງຍໍໃຫ້ບຸກຄົນດັ່ງກ່າວ,ໃຫ້ກຽດມອບໃບຍ້ອງຍໍປະເພດ 1 ໂດຍທ່ານ ພິດສະຫົງ ພົມມະວົງສາ ເຈົ້າເມືອງໆມຸນລະປາໂມກ,ມອບປະເພດ 2 ໂດຍທ່ານ ພັທ ເພັດສະຫວຽງ ທອງແກ້ວ ຫົວໜ້າກອງບັນຊາການ ປກສ ເມືອງມຸນ.

ຕອນທ້າຍ ທ່ານ ພິດສະຫົງ ພົມມະວົງສາ ປະທານກອງປະຊຸມກໍ່ໄດ້ມີຄຳເຫັນໂອ້ລົມ:ກ່ອນອື່ນທ່ານກໍ່ສະແດງຄວາມຍ້ອງຍໍຊົມເຊີຍຕໍ່ໝາກຜົນໆງານທີ່ທາງຄະນະພັກ-ຄະນະບັນຊາ ຍາດມາໄດ້,ຈາກນັ້ນ ທ່ານກໍ່ເນັ້ນໜັກໃຫ້ ຄະນະພັກ-ຄະນະບັນຊາ ຖືສຳຄັນວຽກງານການເມືອງ,ສຶກສາອົບຮົມວຽກງານແນວຄິດໃຫ້ອ້າຍນ້ອງກຳລັງ ປກສ , ກຳແໜ້ນສະພາບ,ກຳແໜ້ນແນວທາງການປ່ຽນແປງໃໝ່,ສຸມໃສ່ເຮັດວຽກໃຫ້ເກັ່ງຮັດກຸມໂດຍສະເພາະວຽກສັນຕິບານ,ວຽກສຳມະໂນຄົວ,ສຸມໃສ່ເຮັດວຽກປະກົດການຫໍ້ຍທໍ້ໃນສັງຄົມໃຫ້ຫຼຸດນ້ອຍຖອຍລົງ. ໜູລີ່ ຊາພັກດີ ຖວທ ເມືອງມຸນ