ມີເດຍລາວແຂວງຈຳປາສັກ
ໃນຕອນບ່າຍວັນທີ 19 ຕຸລາ 2021 ນີ້: ຫ້ອງການການເງີນເມືອງຊະນະສົມບູນ.ໄດ້ເປີດກອງປະຊຸມສະຫຼຸບວຽກງານການຈັດເກັບລາຍຮັບເຂົ້າງົບປະມານໃນໄລຍະ 9 ເດືອນຜ່ານມາ ແລະ ວາງທິດທາງແຜນການ 3 ເດືອນທ້າຍປີ 2021 ພ້ອມທັງເຜີຍແຜ່ລັດຖະບັນຍັດ ເລກທີ 002 /ຂອງປະທານປະເທດ ວ່າດ່ວຍຄ່າທຳນຽມ ແລະ ຄ່າບໍລິການ ຂື້ນຢູ່ທີ່ສະໂມສອນຂອງເມືອງດັ່ງກ່າວ. ໂດຍພາຍໃຕ້ການເຂົ້າຮ່ວມເປັນປະທານຂອງທ່ານ ສອນສະຫວັນ ສີວິໄລ ກຳມະການພັກແຂວງ ເລຂພັກເມືອງ ເຈົ້າເມືອງຊະນະສົມບູນ,ເປັນກຽດເຂົ້າຮ່ວມໃນຄັ້ງນີ້:ມີທ່ານ ນາງ ສຸບີນ ພັນທະນາໄລ ຮອງຫົວໜ້າສ່ວຍສາອາກອນ ພະແນກການເງີນແຂວງຈຳປາສັກ ພ້ອມດ້ວຍບັນດາທ່ານຫົວໜ້າກົມກອງ,ຫ້ອງການອ້ອມຂ້າງເມືອງເຂົ້າຮ່ວມ.

ໃນກອງປະຊຸມ ທ່ານ ອ່ໍຳໄຊ ພອນມະນີ ຫົວໜ້າຫ້ອງການ-ການເງີນເມືອງ .ໄດ້ລາຍງານການຈັດຕັ້ງປະຕິບັດການເກັບລາຍຮັບເຂົ້າງົບປະມານໃນໄລຍະ 9 ເດືອນຜ່ານມາຂອງເມືອງແມ່ນບໍ່ບັນລຸຕາມແຜນການທີ່ຄາດວາງໄວ້ ຍ້ອນໄດ້ພົບຄວາມຫຍຸ້ງຍາກຫຼາຍດ້ານເປັນໂດຍສະເພາະຜົນກະທົບຈາກການແຜ່ລະບາດຂອງພະຍາດໂຄວິດ 19 ໃນຮອບທີ 2,ເຊີ່ງປີ 2021 ນີ້ເມືອງຊະນະສົມບູນຂອງພວກເຮົາແມ່ນໄດ້ວາງຕົວເລກແຜ່ນການສູ້ຊົນການຈັດເກັບລາຍຮັບງົບປະມານທັງໝົດ 4.698.090.000 ກີບ, 9 ເດືອນຜ່ານມາສາມາດປະຕິບັດໄດ້ພຽງ2.859.049.750 ກີບ.ທຽບໃສ່ແຜນການປີເທົ່າກັບ 60,86% ທຽບໃສ່ໄລຍະດຽວຂອງປີກ່ອນ ເທົ່າກັບ 99%.

ຈາກນັ້ນບັນດາຫົວໜ້າກົມກອງ,ຫ້ອງການ ທີ່ເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນຂື້ນປະກອບຄຳຄິດ,ຄຳເຫັນ ລາຍງານເຖີງຂໍ້ສະດວກ ແລະ ຂໍ້ຫຍຸ້ງຍາກໃນການເຄື່ອນໄຫວຈັດເກັບລາຍຮັບເຂົ້າງົບປະມານ ພາຍໃນຂົງເຂດທີ່ຕົນຮັບຜິດຊອບ ເພື່ອນຳໄປປັບປຸງແກ້ໄຂໃນຕໍ່ໜ້າ ພ້ອມນັ້ນກອງປະຊຸມຍັງໄດ້ຮັບ – ຟັງການເຜີຍແຜ່ລັດຖະບັນຍັດຂອງປະທານປະເທດເລກທີ 002/ປປທ ລົງວັນທີ 17 ມິຖຸນາ 2021 ວ່າດ່ວຍຄ່າທຳນຽມ ແລະ ຄ່າບໍລິການ ເພື່ອເຮັດໃຫ້ການຈັດຕັ້ງປະຕິບັດຈັດເກັບລາຍຮັບເຂົ້າງົບປະມານແຫ່ງລັດ ມີຄວາມເປັນເອກະພາບ ແລະ ຖຶກຕ້ອງຕາມລະບຽບກົດໝາຍ.

ເຊີ່ງໃນຕອນທ້າຍກອງປະຊຸມ ທ່ານ ສອນສະຫວັນ ສີວິໄລ ເຈົ້າເມືອງຊະນະສົມບູນ ກໄດ້ມີຄຳເຫັນໂອ້ລົມ ເພື່ອຊີ້ທິດເຍື່ອງທາງໃນການຈັດຕັ້ງປະຕິບັດການຈັດເກັບລາຍຮັບເຂົ້າງົບມະມານ ໃນໄລຍະ 3 ເດືອນທ້າຍປີ 2021 ກໍ່ຄືພ້ອມກັນສູ້ຊົນຜັນຂະຫຍາຍວາລະແຫ່ງຊາດ ວ່າດ້ວຍການແກ່ໄຂຄວາມຫຍຸ້ງຍາກ ທາງລັດເສດຖະກິດ – ການເງີນ ທີ່ລັດຖະບານໄດ້ກຳນົດໄວໃຫ້ປະກົດຜົນເປັນຈິງ.

ບັນນາທິການຂ່າວແຂວງ ຂ່າວ ແລະ ພາບ ທ.ໄພວອນ ຈັນທະວົງ
ຫ້ອງການ ຖວທ ເມືອງຊະນະສົມບູນ