ມີເດຍລາວແຂວງຈຳປາສັກ
ກອງປະຊຸມຄົບຄະນະບໍລິຫານງານພັກເມືອງມຸນລະປາໂມກ ຄັ້ງທີ 07 ສະໄໝທີ Vlll ໄດ້ໄຂຂື້ນໃນຄັ້ງວັນທີ 27 – 28 ຕຸລາ 2021 ທີ່ສະໂມສອນຂອງເມືອງ ພາຍໃຕ້ການເປັນປະທານ ຂອງສະຫາຍ ພິດສະຫົງ ພົມມະວົງສາ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆມຸນລະປາໂມກ,ເປັນກຽດເຂົ້າຮ່ວມຂອງສະຫາຍ ພົຈ.ສຸໄກ ພີມມະສານ ຄະນະປະຈໍາພັກແຂວງ ຫົວໜ້າການທະຫານກອງບັນຊາການທະຫານແຂວງໆຈໍາປາສັກ(ຜູ້ຊີ້ນໍາເມືອງມຸນລະປາໂມກ),ເຂົ້າຮ່ວມມີບັນດາສະຫາຍ ຮອງເລຂາພັກເມືອງ,ສະຫາຍໃນຄະນະປະຈໍາພັກເມືອງ,ກໍາມະການພັກເມືອງ,ເລຂາ-ຮອງເລຂາຄະນະພັກຮາກຖານສໍານັກງານ,ເລຂາ-ຮອງເລຂາຄະນະພັກຮາກຖານກຸ່ມບ້ານ,ເລຂາໜ່ວຍພັກສໍານັກງານ,ຫົວໜ້າຫ້ອງການ,ເລຂາໜ່ວຍພັກບ້ານໃນທົ່ວເມືອງເຂົ້າຮ່ວມ


ໃນກອງປະຊຸມ ສະຫາຍ ທອງພູນ ເພັງສະຫັວນ ຮອງເລຂາພັກເມືອງ,ຊີ້ນໍາຂົງເຂດວຽກງານການເມືອງ-ແນວຄິດ ແລະ ວຽກງານພັກ-ພະນັກງານຂັ້ນເມືອງ ກໍ້ໄດ້ຂື້ນຜ່ານບົດຕີລາຄາ ການນຳພາ-ຊີ້ນໍາ ວຽກງານໄລຍະ 09 ເດືອນຕົ້ນປີ ແລະ ທິດທາງແຜນການ 03 ເດືອນທ້າຍປີ 2021 ຂອງຄະນະບໍລິຫານງານພັກເມືອງ: ຜ່ານມາການຈັດຕັ້ງປະຕິບັດຄາດໝາຍພັດທະນາເສດຖະກິດ-ສັງຄົມ 9 ເດືອນປີ 2021ແມ່ນໄລຍະຕົ້ນສະໄໝການນຳພາຈັດຕັ້ງຜັນຂະຫຍາຍມະຕິ XI ຂອງພັກແມ່ນໄລຍະສືບຕໍ່ນໍາພາປະຕິບັດມະຕິສະໄໝທີ VIII ອົງຄະນະພັກແຂວງ ກໍຄືການນຳພາປະຕິບັດມະຕິ 4-5-6 ສະໄໝທີ VIII

ອົງຄະນະພັກເມືອງ ມຸນລະປາໂມກ ໄດ້ຮັບຜົນສຳເລັດອັນພົ້ນເດັ່ນຫລາຍດ້ານ ການຜະລິດລະດູແລ້ງ-ລະດູຝົນ ຜົນຜະລິດເຂົ້ານາແຊງໄດ້ 2.605,58 ໂຕນ ທຽບໃສ່ແຜ່ນປີເພີ່ມຂື້ນ 21% ,ຜົນຜະລິດພືດໄດ້ 8.089,55 ໂຕນ, ປູກເຂົ້ານາປີ 2021 ບັນລຸໄດ້ 14.666,95 ຮຕ ທຽບໃສ່ແຜນປີບັນລຸໄດ້ 98% ທຽບໃສ່ແຜນໄລຍະດຽວເພີ່ມຂື້ນ 2% ,ປູກພືດບັນລຸໄດ້ 1.686,88 ຮຕ ທຽບໃສ່ແຜນປີບັນລຸໄດ້ 131% ທຽບໃສ່ໄລຍະດຽວເພີ່ມຂື້ນ 32%,ການນໍາໃຊ້ຊົນລະປະທານໃນຈຳນວນ 7 ແຫ່ງສະໜອງນໍ້າໄດ້ຕາມເງືອນໄຂຊົນລະປະທານຂອງປວງຊົນສະໜອງນໍ້າໄດ້ 215,46 ຮຕ,ການລ້ຽງສັດໃຫຍ່ປະເພດຄວາຍທຽບໃສ່ໄລຍະດຽວກັນເພີ່ມຂື້ນ 1% ,ງົວເພີ່ມຂື້ນ 5% ,ໝູເພີ່ມຂື້ນ 5% ,ແບ້ເພີ່ມຂື້ນ 30%, ປະເພດສັດປີກເພີ່ມຂື້ນ 13% , ສ້າງຄອບຄົວຕົວແບບດ້ານການປູກພືດລະດູແລ້ງບັນລຸໄດ້ 9 ຄອບຄົວ,ສ້າງຄອບຄົວຕົວແບບບ້ານການລ້ຽງສັດເປັນສິນຄ້າໄດ້ 16 ຄອບຄົວທຽບໃສ່ແຜນກວມເອົາ 10% ປັບປຸງກຸ່ມປູກເຂົ້າ ແລະ ກຸ່ມປູກພືດເປັນສິນຄ້າໄດ້ 5 ບ້ານ ມີ 110 ຄອບຄົວ,ແກ້ໄຂຄອບຄົວທຸກຍາກດ້ວຍການບຸກເບີກເນື້ອທີ່ນາ(ຈຸດທົ່ງຕາຕາກ)ກຸ່ມບ້ານນາດີ ຈຳນວນ 160 ຮຕ ປັດຈຸບັນບຸກເບີກໄດ້ 92,3 ຮຕ ປະເມີນຄົວເຮືອນທຸກຍາກຕາມດຳລັດເລກທີ 348/ ລບ ຄອບຄົວທຸກຍາກ 354 ຄົວເຮືອນປະເມີນປີ 2021 ຫຼຸດລົງ 138 ຄົວເຮືອນ

ປັດຈຸບັນຍັງເຫຼືອ 216 ຄົວເຮືອນສະມາຊິກກອງທືນບ້ານເພີ່ມຂື້ນ 1.269 ຄົນ,ມີເງິນຝາກທັງໝົດ 29 ຕື້ກີບ,ຈັດເກັບລາຍຮັບເຂົ້າລວມສູນງົບປະມານບັນລຸໄດ້ 65% (ພູດເມືອງຈັດເກັບ)ບັນລຸໄດ້ 78% ທຽບໃສ່ໄລຍະດຽວກັນລຸໄດ້ 100% ປະຕິບັດລາຍຈ່າຍບັນລຸໄດ້ 63% ທຽບໃສ່ໄລຍະດຽວກັນລຸໄດ້ 83% ,ໃນນັ້ນ ຍັງໄດ້ຮັບຟັງການຜ່ານບົດສະຫຼູບ ແຜນພັດທະນາເສດຖະກິດ-ສັງຄົມ 09 ເດືອນຕົ້ນປີ 2021 ທິດທາງແຜນການ 03 ເດືອນທ້າຍປີ 2021 ຂອງຄະນະບໍລິຫານງານພັກເມືອງຕື່ມອີກໂດຍແມ່ນສະຫາຍ ວັນນະເລດ ແກ້ວຈັນທາ ຮອງເລຂາພັກເມືອງເປັນຜູ່ນໍາສະເໜີ

ຈາກນັ້ນ ຄະນະປະຈຳພັກເມືອງໄດ້ຜັນປ່ຽນກັນຂື້ນລາຍງານໃນແຕ່ລະໜ້າວຽກ ແລະ ຍັງໄດ້ຮັບຟັງແຕ່ລະຫ້ອງການຂື້ນລາຍງານໜ້າວຽກຂອງຕົນຕໍ່ກອງປະຊຸມ
ຕອນທ້າຍ ປະທານກອງປະຊຸມກໍ່ໄດ້ມີຄໍາເຫັນໂອ້ລົມຕໍ່ກອງປະຊຸມທ່ານໄດ້ກ່າວ: ໃຫ້ເອົາໃຈໃສ່ການປ້ອງກັນ,ຄວບຄຸມການລະບາດຂອງພະຍາດໂຄວິດ 19 ແຕ່ລະໄລຍະ,ແລະ ແກ້ໄຂປະກົດການຫຍໍ້ທໍ້ຕ່າງໆທີ່ເກີດຂື້ນໃນສັງຄົມ,ນໍາພາ-ຊີ້ນຳໃນການສ້າງພັກທາງດ້ານການສ້າງຂະບວນການໃນຫົວຂໍ້ແຂ່ງຂັນຮັກຊາດເພີ່ມທະວີການນໍາພາຕໍ່ການຫັນລົງກໍ່ສ້າງຮາກຖານຕາມທິດ 03 ສ້າງ ,ສ້າງຂະບວນການໃນຫົວຂໍ້ແຂ່ງຂັນຮັກຊາດ ພັດທະນາໃຫ້ເຂັ້ມແຂງດີຂື້ນເປັນກ້າວໆ.
ຂ່າວ ສອນໄຊ ມຸ້ງເມືອງສີງ ຖວທ ເມືອງມຸນລະປາໂມກ