ມີເດຍລາວແຂວງຈຳປາສັກ ວັນທີ 27 ຕຸລາ 2021 ໜ່ວຍພັກຫ້ອງການໆເງິນ ເມືອງບາຈຽງຈະເລີນສຸກ ແຂວງຈໍາປາສັກ ຈັດພິທີປະເມີນໜ່ວຍພັກປອດໃສ,ເຂັ້ມແຂງໜັກແໜ້ນຕິດພັນກັບການປະເມີນລັດຖະກອນປີ2021ຢູ່ທີ່ຫ້ອງການດັ່ງກ່າວ ພາຍໃຕ້ການເປັນປະທານຂອງ ສະຫາຍ ປອ ອຳນວຍ ເຮືອງວົງສາ ຮອງເລຂາພັກເມືອງ ຜູ້ຊີ້ນໍາວຽກງານການເມືອງແນວຄິດ,ພັກ-ພະນັກງານ,ສະຫາຍ ສຸດທະເຮືອງສັກ ກຸນລະບຸດ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ,ສະຫາຍ ສີວິໄລ ວົງພະຈັນ ກຳມະການພັກເມືອງ ເລຂາໜ່ວຍພັກ ຫົວໜ້າຫ້ອງການໆເງິນເມືອງ ມີຄະນະກຳມະການປະເມີນຂັ້ນເມືອງ ,ສະມາຊິກພັກສົມບູນ-ສໍາຮອງເຂົ້າຮ່ວມທັງໝົດ23ສະຫາຍ,ຍິງ 4 ສະຫາຍ

ຈຸດປະສົງ: ເພື່ອປະເມີນໜ່ວຍພັກປອດໃສ ເຂັ້ມແຂງ ໜັກແໜ້ນໃນໄລຍະ 1 ປິ2021 ຕິດພັນກັບການທາບທາມກຳນົດສ້າງພະນັກງານນໍາພາ-ຄຸ້ມຄອງ,ຕິດພັນກັບການປະເມີນພະນັກງານ-ລັດຖະກອນ ໃນທີປະຊຸມ ສະຫາຍ ສີວິໄລ ວົງພະຈັນ ກຳມະການພັກເມືອງ ເລຂາໜ່ວຍພັກຫົວໜ້າຫ້ອງການໆເງິນເມືອງໄດ້ຂື້ນຜ່ານບົດສະຫຼຸບໃນໄລຍະ1ປີຜ່ານມາແລະທິດທາງແຜນການໃນຕໍ່ໜ້າ ພ້ອມນັ້ນຄະນະກຳມະການຍັງໄດ້ປຶກສາຫາລືການປະເມີນສະມາຊິກພັກ,ໜ່ວຍພັກຫ້ອງການ-ການເງິນເປັນໜ່ວຍພັກປອດໃສ,ເຂັ້ມແຂງໜັກແໜ້ນໂດຍອີງໃສ່5ມາດຖານຂອງການປະເມີນພ້ອມທັງທາບທາມພະນັກງານນໍາພາຄຸ້ມຄອງເປົ້າໜາຍໃໜ່ ແລະສາມາດຈັດປະເພດໄດ້ສະມາຊິກພັກແຂງ 18 ສະຫາຍ,ຍິງ 4 ສະຫາຍ

ຕອນທ້າຍ ສະຫາຍ ອໍານວຍ ເຮືອງວົງສາ ຮອງເລຂາພັກເມືອງໄດ້ມີຄໍາເຫັນໂອ້ລົມຕໍ່ກອງປະຊຸມເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ໜາກຜົນໆງານທີ່ຄະນະພັກ-ຄະນະຫ້ອງການການເງິນເມືອງຍາດມາໄດ້ໂດຍສະເພາະແມ່ນການປະຕິບັດລາຍຮັບ,ສະໜອງໃຫ້ແກ່ລາຍຈ່າຍເປັນປົກກະຕິພ້ອມນັ້ນທ່ານຍັງໄດ້ເນັ້ນໜັກໃຫ້ສະມາຊິກພັກເພີ້ມທະວີເຊື່ອມຊືມກົດລະບຽບຂອງພັກປະຊາຊົນປະຕິວັດລາວສະໄໝທີXlໃຫ້ເຂົ້າໃຈຢ່າງເລິກເຊີ່ງຫຼີກລຽງບໍ່ສວຍໃຊ້ໂອກາດເອົາການແຜ່ລະບາດພະຍາດໂຄວິດ-19ເປັນບ່ອນອິງ,ເອົາໃຈໃສ່ເປັນເຈົ້າການຮັກສາມູນເຊື້ອເຕົ້າໂຮມຄວາມສະໝານສາມັກຄີເປັນເອກກະພາບພາຍໃນພັກໃຫ້ໜັກແໜ້ນເຂັ້ມແຂງ./.

ສື່ມວນຊົນແຂວງຈຳປາສັກ
ຂ່າວ-ພາບ: ນາງ ເພັດສະຫວັນ ນັກຂ່າວເມືອງ