ມີເດຍລາວແຂວງຈຳປາສັກ ວັນທີ 27 ຕຸລາ 2021 ເມືອງບາຈຽງຈະເລີນສຸກ ແຂວງຈຳປາສັກ ເຊື່ອມຊືມເອກກະສານແຈ້ງຊັບສິນພະນັກງານ-ລັດຖະກອນຂື້ນຢູ່ທີ່ສະໂມສອນຂອງເມືອງ ໂດຍໃຫ້ກຽດເປັນປະທານຂອງ ທ່ານ ນາງ ທອງລ່ຽນ ສຸລະທາທອນ ຮອງເລຂາພັກເມືອງ ປະທານກວດກາພັກ-ລັດເມືອງ ມີຫົວໜ້າ-ຄະນະຫ້ອງການ,ພະນັກງານ-ລັດຖະກອນເຂົ້າຮ່ວມຢ່າງພ້ອມພຽງ

ໃນພິທີຄັ້ງນີ້ໄດ້ຮັບຟັງການຜ່ານດຳລັດ ເລກທີ 159/ລບ ລົງວັນທີ 4 ມີຖຸນາ 2013 ວ່າດ້ວຍການແຈ້ງຊັບສິນ,ຜ່ານບົດແນະນໍາການຈັດຕັ້ງປະຕິບັດດຳລັດ ວ່າດ້ວຍການແຈ້ງຊັບສິນ(ສະບັບປັບປຸງ)ເລກທີ 46/ອກລ ລົງວັນທີ 20 ກຸມພາ 2017ພ້ອມນັ້ນ ທ່ານ ໄພສານ ຄໍາຜາສຸກ ຮອງປະທານກວດກາລັດໄດ້ແນະນໍາວິທີຂຽນເອກກະສານແຈ້ງຊັບສິນແລະລາຍຮັບໃຫ້ແກ່ພະນັກງານ-ລັດຖະກອນຜູ້ທີ່ຮັບຕໍາແໜ່ງໃໜ່,ແລະພະນັກງານກຽມຮັບອຸດໜູນບໍານານໃຫ້ມີຄວາມລະອຽດແລະເໜາະສົມກັບຄວາມເປັນຈິງໃນການແຈ້ງຊັບສິນຂອງຕົນເພື່ອເຮັດໃຫ້ວຽກງານດັ່ງກ່າວໄດ້ຕາມແຜນທີ່ວາງໄວ້./.

ສື່ມວນຊົນແຂວງຈຳປາສັກ
ຂ່າວ-ພາບ: ນາງ ເພັດສະຫວັນ ນັກຂ່າວເມືອງ