ມີເດນລາວແຂວງຈຳປາສັກ ວັນທີ 26 ຕຸລາ 2021 ຢູ່ທີ່ສະໂມສອນ ເມືອງບາຈຽງຈະເລີນສຸກ ແຂວງຈໍາປາສັກ ທ່ານ ສຈ ດຣ ພອນເທບ ພົນເສນາ ອາດິດການນໍາຂັ້ນສູງຂອງສະພາແຫ່ງຊາດ,ແພດຊ່ຽວຊານອາວຸດໂສ ທີ່ປຶກສາການນໍາແຂວງຈຳປາສັກ,ທ່ານ ນາງ ທອງລ່ຽນ ສຸລະທາທອນ ຮອງເລຂາພັກເມືອງ ປະທານກວດກາພັກ-ລັດທັງເປັນສະມາຊິກສະພາປະຊາຊົນແຂວງ , ໂດຍການເຂົ້າຮ່ວມຂອງ ທ່ານ ສີວິໄຊ ໄຊຍະສານ ຮອງຫົວໜ້າພະແນກສາທາລະນະສຸກແຂວງຈໍາປາສັກ ມີບັນດາທ່ານ ຫົວໜ້າຫ້ອງການ,ພະແນກການທີ່ກ່ຽວຂ້ອງແຂວງ-ເມືອງ,ເລຂາພັກບ້ານ-ນາຍບ້ານເຂົ້າຮ່ວມ

ທ່ານ  ສີວິໄຊ ໄຊຍະສານ ຮອງຫົວໜ້າພະແນກສາທາລະນະສຸກ ແຂວງຈໍາປາສັກ ໄດ້ຂື້ນມີຄໍາເຫັນກ່ຽວກັບການຈັດຕັ້ງປະຕິບັດວຽກງານຕ້ານແລະຄວບຄຸມການລະບາດຂອງພະຍາດໂຄວິດ-19ໃນໄລຍະຜ່ານມາຢູ່ໃນ13ບ້ານທີ່ໄດ້ມີການລະບາດຄື: ບ້ານລົ່ມສັກໃຕ້,ບ້ານຫ້ວຍລືສີ,ບ້ານລົ່ມສັກເໜືອ,ບ້ານຫົວແຊ,ບ້ານ ໜອງນໍ້າຂາວ ,ບ້ານໂພນໄຊ , ບ້ານຫຼັກ21,ບ້ານພີນທອງ ,ບ້ານດົງໄລ່,ບ້ານໜອງບົກນ້ອຍ,ບ້ານທີ 1 , ບ້ານ ສາມັກຄີໄຊແລະ ບ້ານໄຊຊະຫວ່າງ ຈາກນັ້ນອຳນາດການປົກຄອງ3 ບ້ານໄດ້ຂື້ນລາຍງານການຈັດຕັ້ງປະຕິບັດວຽກງານການປ້ອງກັນ,ຄວບຄຸມ,ແກ້ໄຂການລະບາດຂອງພະຍາດໂຄວິດ-19ພາຍໃນບ້ານໂດຍຂັງເຂບ

ຕອນທ້າຍທ່ານ ສາດສະດາຈານ ດຣ ພອນເທບ ພົນເສນາ ແພດຊ່ຽວຊານ ອາວຸໂສ ທັງເປັນທີ່ປຶກສາທ່ານເຈົ້າແຂວງໄດ້ມີຄໍາເຫັນໃຫ້ທິດຊີ້ນໍາໃນການຈັດຕັ້ງປະຕິບັດການແກ້ໄຂການລະບາດຂອງພະຍາດໂຄວິດ-19ໂດຍສະເພາະແມ່ນມາດຕາການໃນການປ້ອງກັນໃນ10ຂັ້ນຕອນທີ່ທາງຄະນະສະເພາະກິດວາງອອກເພື່ອເຮັດໃຫ້ການລະບາດຂອງພະຍາດດັ່ງກ່າວບໍ່ໃຫ້ມີການລະບາດແລະໃຫ້ຫຼຸດໜ້ອຍຖອຍລົງ./.

ສື່ມວນຊົນແຂວງຈຳປາສັກ
ຂ່າວ-ພາບ: ນາງ ເພັດສະຫວັນ ນັກຂ່າວເມືອງ