ວັນທີ 5 ພະຈິກ 2021, ທີ່ຫ້ອງຮັບແຂກ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ມີພິທີ ມອບ-ຮັບ ອຸປະກອນປ້ອງກັນການແຜ່ລະບາດຂອງພະຍາດໂຄວິດ -19 ຈາກ ບໍລິສັດ ເຈດີວາຍ ລົງທຶນ ຈຳກັດຜູ້ດຽວ. ໂດຍແມ່ນ ທ່ານ ອຸ່ນທວງ ຂາວພັນ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍຄະນະ (ເປັນຜູ້ຮັບ).

ການມອບ- ຮັບ ອຸປະກອນປ້ອງກັນການແຜ່ລະບາດຂອງພະຍາດໂຄວິດ -19 ຈາກ ບໍລິສັດ ເຈດີວາຍ ລົງທຶນ ຈຳກັດຜູ້ດຽວ ປະກອບມີ:

  1. ຜ້າອັດປາກ ຈຳນວນ 2500 ແຜ່ນ
  2. ສະເປ 100ml ຈຳນວນ 4 ແກັດ
  3. ເຈວລ້າງມື ສີຟ້າ 500ml ຈຳນວນ 36 ກ່ອງ
  4. ເຈວລ້າງມື ນ້ຳໄສ 500ml ຈຳນວນ 40 ກ່ອງ
  5. ນ້ຳດື່ມ 250ml ຈຳນວນ 100 ແພັກ

ລວມເປັນຈຳນວນເງິນ 10.000.000 ລ້ານກີບ

ຈຸດປະສົງການ ມອບ-ຮັບ ຄັ້ງນີ້ ແມ່ນເພື່ອປະກອບສ່ວນເຂົ້າຮັບໃຊ້ໃນວຽກງານການຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ -19 ທີ່ກຳລັງລະບາດຢູ່ໃນປະເທດລາວ.

Medialaos MMD