ມີເດຍລາວແຂວງໄຊສົມບູນ
ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ 19 ແຂວງໄຊສົມບູນ ເຂົ້າຮ່ວມກອງປະຊຸມທາງໄກ ຜ່ານວິດີໂອ ເພື່ອປຶກສາຫາລືກ່ຽວກັບມາດຕະການປ້ອງກັນດ ຄວບຄຸມ ແລະ ແກ້ໄຂການລະບາດພະຍາດໂຄວິດ 19 ໃນຕອນບ່າຍຂອງ 10 ພະຈິກ ນີ້ ພາຍໃຕ້ການເປັນປະທານຂອງທ່ານ ສຈ ປອ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ສູນກາງ, ມີຄະນະສະເພາະກິດ ຂັ້ນສູນກາງ ແລະ ຄະນະສະເພາະກິດບັນດາແຂວງທົ່ວປະເທດ ເຂົ້າຮ່ວມ ສຳລັບແຂວງໄຊສົມບູນ ເຂົ້າຮ່ວມໂດຍ ທ່ານ ຕົ່ງມົວ ຊົວໂກ້ ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ແຂວງ ພ້ອມດ້ວຍຄະນະ.

ກອງປະຊຸມໃນຄັ້ງນີ້ ໄດ້ຮັບຟັງການຕີລາຄາການຈັດຕັ້ງປະຕິບັດສະພາບການລະບາດຂອງພະຍາດໂຄວິດ 19 ຢູ່ແຕ່ລະແຂວງ ໃນໄລຍະຜ່ານມາ ເປັນຕົ້ນແມ່ນການແກ້ໄຂ ແລະ ສະກັດກັ້ນການລະບາດພະຍາດໂຄວິດ 19, ຕີລາຄາການຈັດຕັ້ງປະຕິດບັດບັນດາສຳສັ່ງ ມາດຕະການຕ່າງໆ ທີ່ສູນກາງ ແລະ ບັນດາແຂວງວາງອອກ ຕະຫລອດຮອດຂໍສະດວກ, ຂໍ້ຫຍຸ້ງຍາກໃນການຈັດຕັ້ງປະຕິບັດວຍກງານຕົວຈິງ ແລະ ຂໍ້ສະເໜີຕ່າງໆ ຕໍ່ຄະນະສະເພາະກິດ ກໍຄືລັດຖະບານ ໂດຍສະເພາະອັນທີ່ຈຳເປັນ ແລະ ຮີບດ່ວນທີ່ສຸດ ລວມທັງການປິ່ນປົວຜູ້ຕິດເຊື້ອ ແລະ ການສັກວັກຊິນ ໃຫ້ແກ່ກຸ່ມປະຊາກອນ ທັງນີ້ ກໍເພື່ອເຮັດໃຫ້ການຈັດຕັ້ງປະຕິບັດວຽກງານຄວບຄຸມ, ປ້ອງກັນ ແລະ ແກ້ໄຂການລະບາດພະຍາດໂຄວິດ 19 ໃຫ້ມີຄວາມສະດວກ, ວ່ອງໄວ ທັນກັບສະພາບການ ແລະ ມີປະສິດທິພາບ ເພື່ອຕັດວົງຈອນການແຜ່ເຊື້ອໃຫ້ໄດ້ໄວທີ່ສຸດ.

ພ້ອມດຽວກັນນັ້ນ ຍັງໄດ້ຮັບຟັງການລາຍງານສະພາບການຈັດຕັ້ງປະຕິບັດ ແລະ ສະເໜີມາດຕະການໃນຕໍ່ໜ້າ ຈາກກອງເລຂາຄະນະສະເພາກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ຂັ້ນສູນກາງ ແລະ ບັນດາແຂວງຕ່າງໆ ທີ່ມີການລະບາດເຊື້ອພະຍາດໂຄວິດ 19 ໃນຊຸມຊົນ.
ຂ່າວ: ພຸດທະສອນ ເວດສະວົງ