ມີເດຍລາວແຂວງຜົ້ງສາລີ
ໃນຕອນເຊົ້າຂອງວັນທີ 12 ພະຈິກ 2021 ທີ່ຜ່ານມານີ້ ທາງອົງການກວດກາລັດແຂວງຜົ້ງສາລີ ໄດ້ມອບເຄື່ອງຊ່ວຍເຫຼືອໃຫ້ຄະນະສະເພາະເມືອງໃໝ່ ເຊິ່ງປະກອບມີ: ນ້ຳດື່ມຈຳນວນ 100 ແພັກ, ໝີ່ໄວໆຈຳນວນ 20 ແກັດ ແລະເຈວລ້າງມື້ຈຳນວນ 9 ກ້ອງ. ລວມມູນຄ່າທັງໝົດ 4.000.000 ກີບ.

ທັງນີ້ ກໍເພື່ອເປັນການປະກອບສ່ວນ ເຂົ້າໃນການເຄື່ອນໄຫວວຽກງານຂອງຄະນະສະເພາະກິດຂັ້ນເມືອງ, ໃນການຄວບຄຸ້ມ, ຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ທີ່ກຳລັງລະບາດຢູ່ເມືຶອງໃໝ່ໃນປະຈຸບັນ. ໂດຍຕ່າງໜ້າໃຫ້ອົງການກວດກາລັດແຂວງຜົ້ງສາລີ ມອບໂດຍ ທ່ານ ທອງຄູນ ໄຊຍະຄອນ ຮອງເລຂາພັກເມືອງ, ປະທ່ານກວດກາພັກ-ລັດເມືອງໃໝ່ ແລະ ກ່າວຮັບໂດຍ ທ່ານ ສົມຈັນ ອຸ່ນມີໄຊ ຮອງຫົວໜ້າຫ້ອງການສາທາເມືອງ ໃໝ່,ຕ່າງໜ້າ ຄະນະສະເພາະກິດຂັ້ນເມືອງເປັນຜູ້ກ່າວຮັບ.

ເຄື່ອງດັ່ງກ່າວນີ້ ທາງຄະນະສະເພາະກິດຂັ້ນເມືອງ ຈະນຳເອົາໄປແຈກຍ້າຍໃຫ້ບັນດາຄະນະສະເພາະກິດ ທີ່ປະຈຳຢູ່ແຕ່ລະຈຸດ, ແຕ່ລະສູນຕ່າງໆ ໃຫ້ທົ່ວເຖິງກັນ ແລະ ຈະພ້ອມກັນນຳໃຊ້ເຄື່ອງດັ່ງກ່າວໃຫ້ເກີດຜົນປະໂຫຍດ.